كوپشىلىك جۇرەگىنە جەتۋى ءتيىس

ەلباسىنىڭ جىل سايىنعى حالىققا جولداۋى بيىل ەرەكشە فورماتتا كوپشىلىك نازارىنا ۇسىنىلدى. اقمولا ءوڭىرى دە اتالعان ماڭىزدى قۇجاتتى ىقىلاسپەن قابىلداپ وتىر. وسىعان وراي, وڭىرلىك كوم­مۋنيكاتسيالار قىز­مەتىن­دە «قازاق ءتىلى جانە ادە­بيەتى» قۇ توراعاسى مەي­رام­بەك قيىقوۆ, اقمولا وبلىس­تىق قازاقستان حالقى اس­سام­بلەياسىنىڭ مۇشەسى عوس­مان تولەعۇل جانە اق­مولا وبلىستىق ءماسليحا­تىنىڭ دەپۋتاتى الىبەك باي­­ماعامبەتوۆ ءوز ويلارىن ور­تاعا سالىپ, جولداۋدان تۋىن­­دايتىن مىندەتتەردى اشىپ كورسەتتى. الدىمەن ءسوز العان م.قيى­قوۆ «قازاقستاننىڭ ءۇشىن­شى جاڭعىرۋى: جاھان­دىق باسەكەگە قابىلەتتىلىك» دەپ اتالاتىن ەلباسى جول­داۋى تاريحي قۇجات ەكەندىگىن ەرەكشە اتادى. ويتكەنى, قا­زاقستان تاۋەلسىزدىگىن العان­نان بەرگى ۋاقىتتا ەكى جاڭ­عىرۋ جولىنان وتسە, ەندى ءۇشىنشى جاڭعىرۋعا اياق باس­قالى وتىر. پرەزيدەنت ەلىمىز دامۋى بارىسىندا 40-تان اسا وكىلەتتىكتەردى پارلامەنت پەن ۇكىمەتكە بەرۋ تۋرالى شەشىم قابىلدادى. بۇرىن ۇكىمەتتى تاراتۋ نەمەسە جاساقتاۋ پرەزيدەنتتىڭ قۇزىرەتىندە بولسا, ەندى بۇدان بىلاي بۇل مىندەت پارلامەنتكە جۇكتەلەتىن بولادى. ۇكىمەت جوعارى زاڭ شىعارۋشى ورگان الدىندا ەسەپ بەرەدى. بۇل – اتقارۋشى ورگاننىڭ حالىق الدىنداعى جاۋاپكەرشىلىگى كۇشەيەدى دەگەن ءسوز. وسى­لايشا قوعامنىڭ ءارى قاراي­عى دامۋىندا ەلىمىزدە دەمو­كراتيالىق ۇدەرىستىڭ ءجۇرىپ جاتقاندىعى كورىنەدى. ولاي بولسا, بۇل بارشاعا ۇلكەن جاۋاپكەرشىلىك جۇكتەيدى. بۇدان كەيىن ءسوز العان ع.تولەعۇل ماڭىزدى قۇجات­تىڭ العاش تىكەلەي بۇقا­را­لىق اقپارات قۇرالدارى ارقىلى جاريا ەتىلگەنىن تىلگە تيەك ەتە كەلىپ, ونىڭ الدىندا بيلىك تارماقتارى اراسىندا وكىلەتتىكتەردى بولۋگە قاتىستى ۇندەۋ جاريا­لاعاندىعىن العا تارتتى. ونىڭ ايتۋىنشا, بەس با­سىمدىقتى قامتىعان جول­داۋ­دا قازاقستاننىڭ جاڭا سا­پالىق دەڭگەيگە كوتەرىل­گەندىگى ايقىن كورىنگەن. اتى ايتىپ تۇرعانداي, جولداۋ قازىرگى زامان تالابىمەن ۇندەس. سونداي-اق, الەم وركەنيەتىمەن دە ساباقتاسىپ جاتىر. بۇل تۇرعىدان ەلباسى جاڭعىرۋ «100 ناقتى قادام» ۇلت جوسپارى بازاسىندا وتكىزىلەتىندىگىن دە اتاپ كور­سەتتى. كوپتەگەن تەر­مينو­لوگيالار قازىرگى زامان تالابىمەن استاسىپ جات­قان­دىقتان, ونىڭ ۇستىنە قام­تىمدى دا كۇردەلى قۇجات بولعاندىقتان, قارا­پايىم تۇرعىندارعا ءتۇسى­نىك­تى ءتىل­مەن جەتكىزۋ قاجەت. كەزىندە ۆ.ي.لەنين «كەز كەل­گەن يدەو­لوگيا, ەگەر بۇقا­را­­نىڭ كوڭى­لىنەن شىققاندا ناق­تى كۇش­كە اينالادى», دەپ ايتقا­نىن تىلگە تيەك ەتە كەلىپ, ع.تولەعۇل جولداۋدى دا كوپ­شىلىك جۇرەگىنە جەت­كىزۋ ار­قىلى ناقتى ناتيجەگە يەك ار­تۋعا بولاتىنىن ايتىپ ءوتتى. اقمولا وبلىستىق ءماس­لي­حاتىنىڭ دەپۋتاتى, اق­مولا وبلىسى اكىمدىگى جا­نىن­داعى «مەملەكەتتىك قىز­مەتشىلەردى قايتا دايىنداۋ جانە بىلىكتىلىگىن جەتىلدىرۋ ايماقتىق ورتالىعى» مكقك ديرەكتورى الىبەك باي­ما­عامبەتوۆ پرەزيدەنت جول­داۋىن جەرگىلىكتى جەردە ناسي­حاتتاي وتىرىپ, ونىڭ ورىن­دالۋى بارىسىنا قاتاڭ باقى­لاۋ جۇرگىزۋ قاجەتتىگىن العا تارتتى. ەلباسى العا ءمىن­دەت ەتىپ قويىپ وتىرعان­داي, جاڭا تەحنولوگيا­لار­دى يگەرمەيىنشە, شيكى­زات ءوڭ­دەۋشى ەل بولىپ قالا بە­رەتىنىمىز انىق. سوندىق­تان دا ەڭ الدىمەن ءوزىمىز شي­را­ۋى­مىز قاجەت, دەدى دەپۋتات. اسقار تۇراپباي ۇلى, «ەگەمەن قازاقستان» اقمولا وبلىسى