ساياسي جۇيەنى دەموكراتيالاندىرۋ باعدارى

استانادا اۋعان سوعىسى ارداگەرلەرى ۇيىمدارىنىڭ «قازاقستان ارداگەرلەرى» قاۋىمداستىعى مەملەكەت باسشىسى نۇرسۇلتان نازارباەۆتىڭ بيلىك تارماقتارى اراسىندا وكىلەتتىكتەردى قايتا ءبولۋ جونىندەگى ۇندەۋىن تالقىلاۋ جانە ەلىمىزدە قولعا الىنعالى وتىرعان كونستيتۋتسيالىق رەفورمالارعا قاتىستى ۇسىنىستار ازىرلەۋ بويىنشا دوڭگەلەك ۇستەل وتكىزدى. اتالعان قاۋىمداستىق توراعاسى, پارلامەنت ءماجىلىسىنىڭ دەپۋتاتى باقىتبەك سماعۇل باسقوسۋ بارى­سىندا ءبىرىنشى كەزەكتە مەملەكەت باسشىسىنىڭ ۇندەۋى, سوعان قاتىستى ۇسىنىستار بۇكىل ەلىمىز بويىن­شا قىزۋ تالقىلانىپ جاتقانىنا توقتالدى. – بۇل – مەملەكەتتىلىكتىڭ دامۋى­­نىڭ جاڭا كەزەڭىن, ياعني حالىق­­تىڭ مەملەكەتتiك بيلiكتiڭ بiردەن-بiر باستاۋى رەتىندەگى ءوزىنىڭ كونس­تيتۋ­تسيا­لىق مارتەبە­سىن جۇزەگە اسى­را باستاعاندىعىن ايقىندايدى. بۇل, سونداي-اق, ءبىز­دىڭ ازاماتتىق قوعام­نىڭ كەمەل­دىگىن دە بىلدىرەدى, – دەدى اۋعان سوعىسى ارداگەرلەرى ۇيىم­دارى­نىڭ «قازاقستان ارداگەرلەرى» قاۋىم­داستىعىنىڭ توراعاسى. ودان ءارى ب.سماعۇل كونس­­تيتۋ­تسيالىق رەفورما ەل تاۋەل­سىزدى­گى­نىڭ مىزعىماستىعىن بەكىتكەلى وتىر­عانىن, ويتكەنى, تاۋەلسىزدىك – ۇلتى­مىزدىڭ تاريحىنداعى باس­تى جەتىستىگى, حالقىمىزدىڭ باستى قازىناسى ەكەنىن ايتا كەلىپ, ەلىمىز­دىڭ جاھاندىق بىتىمگەرلىك جانە قاۋىپسىزدىك سالاسىنداعى ميسسياسىن اتا زاڭىمىزدا راستاپ, ونى ناقتى نورمالاردا بەكىتۋ قاجەتتىگىن, كونستيتۋتسيامىزدا قازاقستاننىڭ جاپپاي قىرىپ-جويۋ قارۋلارىن قولدانۋدان باس تارتاتىنى ناقتى كورسەتىلۋى كەرەكتىگىن ۇسىندى. قاۋىمداستىق توراعاسىنىڭ ورىنباسارى ساكەن ماحامبەتوۆ ءوز كەزەگىندە جۇرگىزىلىپ جاتقان رەفور­مانىڭ ءمانى – بيلىك وكىلەت­تىكتەرىن بايىپتى قايتا ءبولۋ, تۇتاس­تاي العاندا, ساياسي جۇيەنى دەمو­كراتيالاندىرۋ بولىپ تابى­لاتىنىن, سونداي-اق, پار­لامەنتاريزم نەگىزدەرىن ناقتى نىعايتۋدىڭ بىرەگەي مۇمكىندىگى ەكەنىن اتاپ ءوتتى. سوڭىندا دوڭگەلەك ۇستەلگە قاتى­سۋ­شىلار ارنايى قارار قابىلدادى. قاراردا: «اۋعان سوعىسى ارداگەرلەرى ۇيىمدارىنىڭ «قازاقستان ارداگەر­لەرى» قاۋىمداستىعى ۇيىم­داستىر­عان دوڭگەلەك ۇستەلگە قاتىسۋشىلار, مەملەكەت باسشىسىنىڭ 2017 جىل­عى 25 قاڭتارداعى ۇندەۋىندە جاريا­لاعان كونستيتۋتسيالىق رەفورما­نى وتكىزۋدى تۇجىرىمدامالىق ءتۇر­دە قولدايدى جانە ونى پارلامەن­تاريزم­نىڭ, مەملەكەتتىك باس­قارۋ­دىڭ جانە ازاماتتىق قوعام ينس­تيتۋتتارىنىڭ نەگىزدەرىن ناقتى نىعايتۋدىڭ بىرەگەي مۇمكىندىگى دەپ سانايدى. پرەزيدەنت, پارلامەنت جانە ۇكىمەت اراسىندا وكىلەتتىكتەردى قايتا ءبولۋ بويىنشا ۇسىنىستار­دى قازاقستاندىق مەملەكەتتىلىكتى جانە قازاقستاننىڭ ساياسي جۇيە­سىن دەموكراتيالاندىرۋدى دامى­تۋ­دىڭ جاڭا كەزەڭى رەتىندە قاراس­­تى­رادى», – دەپ جازىلعان. سون­­داي-اق, ولار كونستيتۋتسيالىق رەفور­ماعا قاتىستى وزدەرى ازىرلە­گەن ءبىر­­قاتار ۇسىنىستارىن پرەزيدەنت اكىم­­شىلىگىنە, پارلامەنتكە جانە ۇكىمەتكە جولدايتىن بولدى. جولدىباي بازار, «ەگەمەن قازاقستان»