اقتوبەنىڭ اق تارىسى ۇلتتىق برەند اتانۋعا لايىقتى

تازا تابيعي ءونىم ءوندىرىپ قانا قويماي, ونى وڭدەۋ ءىسىن جولعا قويا بىلگەن سالا وندىرىسشىلەرى رەسپۋبليكامىزدىڭ قاي قىرىنان دا تابىلادى. سولاردىڭ العاشقى ساپىندا ويىل اۋدانىنىڭ تارى وسىرۋشىلەرى تۇر دەسەك قاتەلەسپەيمىز. نارتəۋەكەلگە نەگىزدەلگەن, تەك جاڭبىرعا تəۋەلدى ءتəلىمى جەر جاعدايىندا دا استىق ءوسىرۋ تəجىريبەگە بەرىك ورنىققان. مۇنداي جاعدايدا ونىڭ قامىرلىلىعى جوعارى بولاتىنىن ماماندار عىلىمي تۇرعىدان əلدەقاشان دəلەلدەپ قويعان. تارىنى دا وسىلاي وسىرۋگە ەشكىم تىيىم سالمايدى. Əيتسە دە, بۇل ءدəندى داقىل نەگىزىنەن سۋارمالى جاعدايدا جاقسى ءونىم بەرەتىنى ايان. تارىنى قادىرلەي بىلەتىن ەجەلگى حالىقتىق ءدəستۇر دە وسى ەكىنشى جولدان تامىر تارتادى. بۇل جونىندە ايماقتا باستاۋىن شىعاناق بەرسيەۆتەن الاتىن اتا كəسىپ پەن ءدəستۇر ساباقتاستىعى ءəلى كۇنگە دەيىن جالعاسىپ كەلەدى. قازىرگى كەزدە اقتوبە تارى وندىرۋمەن اينالىساتىن ەلىمىزدەگى جەكە-دارا ءوڭىر بولۋىمەن ەرەكشەلەنەدى. بۇل ايرىقشا مəرتەبە مۇنداعى مامانداردان تەرەڭ جاۋاپكەرشىلىك پەن كəسىبي شەبەرلىكتى ەجەلگى قىرى مەن سىرىن تەرەڭ مەڭگەرۋدى تالاپ ەتەتىنى تالاسسىز. تەك سوندا عانا اقتوبەنىڭ اق تارىسىن ۇلتتىق برەند دەڭگەيىنە كوتەرۋگە جول اشىلارى انىق. وتكەن جىلى ويىل اۋدانىنداعى كəسىبىن تارى وسىرۋگە نەگىزدەگەن «جاقىپ», «Əدىلەت» جəنە «بارىس» سەكىلدى شارۋا قوجالىقتارى وزدەرى كوزدەگەن مەجە ۇدەسىنەن شىعا بىلگەنى ۇلكەن مە- رەي. بۇلاردىڭ قاي-قايسىسى دا تارىنىڭ قادىر-قاسيەتىن جاقسى بىلەتىن, ونىڭ دəرۋمەنگە وتە باي ەكەنىنە كوزدەرى جەتكەن ەڭبەك مايتالمان دارى ەكەنىنە شەك كەلتىرۋ قيىن-اق. ولاردى «بيدايدان ءبىر تامعاندا, تارىدان ەكى تامادى» دەگەن حالىق دانالىعىن بويلارىنا ءسىڭىرىپ وسكەن دالانىڭ پەرزەنتتەرى دەسە دە ارتىق ەمەس. ءبىر قىزىعى, بۇگىندە حالىقارالىق زەرتتەۋشى-ماماندار مەن عالىمدار ەلىمىزدىڭ باتىس وڭىرىندە وسەتىن دالالىق داقىلدى جان-جاقتى زەرتتەۋگە ۇلكەن ىنتا-ىقىلاس قويىپ وتىرعانى بايقالادى. ويىلداعى تارى ءوسىرۋ تارلاندارىنىڭ ءونىمى دۇنيەجۇزىلىك كورمەدە جوعارى باعاعا يە بولعانى وسىنىڭ دəلەلى. سونداي-اق, اقتوبەنىڭ اق تارىسىن وتاندىق تاعامتانۋ تەحنولوگتارى ەلىمىزدىڭ تۇكپىر-تۇكپىرىندەگى پەرزەنتحانالار مەن اۋرۋحانالاردىڭ اس مəزىرىنە ەنگىزۋگە لايىقتى ەكەنىن ايقىنداپ وتىر. تارى ءوسىرۋ ءىسىنىڭ تەك وزىنە عانا تəن جولدارى مەن تəسىلدەرى بار. ونى ساقتاي الماساڭ الىنۋعا ءتيىستى ونىمنىڭ تەڭ جارتىسىنان قاعىلدى دەي بەرىڭىز, دەدى گازەت تىلشىسىنە «بيزنەستىڭ جول كارتاسى-2020» باعدارلاماسى بويىنشا مەملەكەتتىك گرانت يەسى «جاقىپ» شارۋا قوجالىعىنىڭ جەتەكشىسى جۇماباي جاقىپ. ونىڭ ايتۋىنشا, جەكە سۋارۋ تەحنيكاسىمەن تارىنى ستاندارتتىق جوبادا قاپتايتىن ستانوكتا ەكىنىڭ بىرىنە ءتىلىن بەرە بەرمەيدى ەكەن. جالپى, بۇگىندە جوعارىدا ايتىلعانداي, تارى داقىلىن زەرتتەۋ نəتيجەلەرى ونىڭ əلەمدە ۇلكەن سۇرانىسقا يە ەكەنىن ايعاقتاي تۇسەدى. تىپتى, بۇل جونىندە بۇگىندە حالىقارالىق ۇيىم قۇرىلعانىن دا بىرەۋ بىلسە, بىرەۋ بىلە بەرمەۋى ءمۇم كىن. وعان مۇشە بولىپ وتىرعاندار دا اقتوبەلىك تارى ءوسىرۋ شىلەر بولىپ شىقتى. ءىس باسىندا جۇرگەن مامانداردىڭ مəلىمدەۋىنشە, تارىنى وسىرگەننەن گورى ونى وڭدەۋ مەن وتكىزۋدىڭ قالتارىستارى كوپ كورىنەدى. بۇل ءۇشىن تارى وسىرۋشىلەردىڭ مەملەكەتتىك ستاندارتقا ساي كەلەتىن سەرتيفيكاتتارى بولۋعا ءتيىستى. Əيتپەسە, ەسىل ەڭبەك ەش كەتتى دەي بەرىڭىز. مىنە, ويىل ءوڭىرىن دەگى شىعاناق بەرسيەۆتىڭ بۇگىنگى ءىزباسارلارىندا وسىنداي مۇمكىندىكتەردىڭ بولۋى, ءəرى ارنايى پاتەنت الۋعا قۇجاتتارى əزىرلەنۋى بۇل ءىستىڭ كەلەشەگى كەمەل بولا الاتىنىن كورسەتەدى. بۇگىندە اقتوبەنىڭ اق تارىسىن وڭدەلمەگەن شيكى كۇيىندە قولدانۋ ءدəۋىرى əلدەقاشان ءوتىپ كەتكەن. حالقىمىز «جاۋىنگەر داقىل» دەپ اتاپ كەتكەن تارىدان əزىرلەنەتىن باستى ونىمدەردىڭ ءبىرى جەنت. ونىڭ جيىرماعا تارتا ءتۇرىن جاساپ شىعارۋعا بولادى دەسەدى وسى ءىستىڭ باسى-قاسىندا جۇرگەندەر. بۇل تاعامنىڭ باستى وزگەشەلىگى ءارى ارتىقشىلىعى كۇننىڭ ىستىق كەزىندە بۇزىلمايدى, ال ايازدا قاتىپ قالمايدى. اقتوبە تارىسىنان دايىندالاتىن تاعامنىڭ بۇل ءتۇرى بۇگىندە تاياۋ جانە الىس شەتەلدەردە ۇلكەن سۇرانىسقا يە ەكەنىن دە وقىرمان قاپەرىنە سالا كەتەيىك. ايتالىق, قازىر «جاقىپ» شارۋا قوجالىعى اقتوبە قالاسىنداعى كونديتەر تاعامدارىن وندىرۋگە ماماندانعان «ۆانيل» فيرماسىمەن كەلىسىمشارتقا وتىرىپ سىرتى شوكولادپەن قاپتالعان جەنت شىعارۋ ءوندىرىسىن جولعا قويىپتى. قازىر مۇندا ونىڭ بىرنەشە ءتۇرى تۇتىنۋشىعا جول تارتادى. ويى وزىق ءوندىرىسشىنىڭ بۇگىنگى باستى ماقساتى ونى ەكسپورتقا شىعارۋ بولىپ وتىر. جۇماباي جاقىپ بۇعان دەيىن ءدامى ءتىل ۇيىرەتىن ۇلتتىق تابيعي ءونىم ارقىلى تۋريندە وتكەن دۇنيەجۇزىلىك كورمەدە يتاليالىقتاردى تاڭ-تاماشا قالدىرعان بولاتىن. سوندىقتان دا ول ءبىرىنشى كەزەكتە ەكسپورتتىق ءونىمنىڭ تۇڭعىش پارتياسىن دامىن ءالى كۇنگە دەيىن ۇمىتا الماي تامسانىپ جۇرگەن يتاليا حالقىنا جونەلتكەندى جون كورەدى. وسى ارقىلى ول ويىلدىڭ كەڭ جازىعىندا وسكەن داقىلدى تۇتاستاي ۇلتتىق برەندكە اينالدىرۋدى مۇرات تۇتادى. جۇماباي جاقىپتىڭ تارىدان جاسالعان ۇلتتىق ونىمدەرى بيىلعى جازدا بولاتىن ەكسپو-2017 حالىقارالىق كورمەسىنە قاتىسۋشىلارعا ۇسىنىلماق. سودان كەيىن ول قاراشا ايىندا وڭتۇستىك كورەيادا وتكىزىلەتىن ۇلتتىق تاعامدار كورمەسىنە تارى مەن جارمانى جانە جەنتتى جەتكىزۋدى كوزدەيدى. سوندىقتان دالا تارلانى شەتەلگە شىعاراتىن ءونىم قورابىنىڭ سىرتىنا ونىڭ اتاۋىن قازاقشا جانە اعىلشىن تىلىندە جازۋدى نازاردان تىس قالدىرماعان. ونىڭ سىرتىندا شىعاناق بەرسيەۆتىڭ بەينەسى بەزەرلەنۋى ونىڭ تارى اتاسى ەكەنىن تانىتىپ تۇرعانداي. ءبىز وسى ماتەريالدى گازەتكە ازىرلەۋ كەزىندە ەسىمى اقتوبە ايماعىنا كەڭىنەن تانىمال ولكەتانۋشى, تارىنى ءوسىرۋ مەن وڭدەۋ ىسىنىڭ بىرقاتار ماسەلەلەرى مەن پروبلەمالارىن ارنايى زەرتتەۋ نىسانىنا اينالدىرا بىلگەن اعا-ۇرپاق وكىلى, قازاقستاننىڭ ەڭبەك سىڭىرگەن مادەنيەت قىزمەتكەرى ىرىسجان ىلياسوۆاعا جولىعىپ كوتەرىلىپ وتىرعان تاقىرىپقا قاتىستى وي-پىكىرىن ايتىپ بەرۋىن وتىنگەن ەدىك. بۇل تۇرعىدا كوكىرەگى وياۋ, پايىمى مەن پاراساتى مول جان, تارىنى تەك ءبىر ۇلتتىق تاعام دەڭگەيىندە عانا قاراستىرۋ ازدىق ەتەتىنىن ايتتى. سوندىقتان دا ولكەتانۋشى ادام دەنساۋلىعىنا تەك وڭ اسەرىن تيگىزەتىن ارى ەمدىك قاسيەتى مەديتسينا عىلىمىندا دالەلدەنگەن داقىلدىڭ كوكجيەگىن كوتەرۋ ۇشىن تۇتاستاي عىلىمي وندىرىستىك كەشەن قۇرۋ قاجەتتىلىگى جونىندە وي قوزعادى. «تاقىر جەرگە تارى دا, ءدان دە شىقپايدى. وسىنى ەسكەرگەن جاناشىر جان بۇل جوبانى اقتوبەدەگى اۋىلشارۋاشىلىق كوللەدجى بازاسىندا قولعا الۋعا بولاتىنىنا ەكپىن ءتۇسىردى. سونداي-اق, ونىڭ ويىنشا تارىنى ءوندىرۋ مەن وڭدەۋ جونىندەگى حالىقتىق تاجىريبە زاماناۋي تەحنولوگيامەن جاڭعىرتىلۋعا ءتيىس. سونىمەن بىرگە, ءبىز تارى ءوسىرۋ ىسىنە قاجەتتى مامانداردى  ازىرلەۋگە وسى باستان جەتە كوڭىل بولمەسەك, ونى ۇلتتىق برەندكە اينالدىرۋ جونىندەگى وي-ماقساتتارىمىز قۇر قيال ءارى بوس اڭگىمە تۇرىندە قالىپ قويادى», دەپ قورىتتى ءوز اڭگىمەسىن ىرىسجان ىلياسوۆا. ءبىز وسى تياناقتى تۇجىرىممەن بۇگىنگى ماتەريالىمىزدىڭ نۇكتەسىن قويعاندى ءجون كورەمىز. تەمىر قۇسايىن, "ەگەمەن قازاقستان" اقتوبە وبلىسى