ساعىنتاەۆ ۋنيۆەرسيادا جەڭىمپازدارىنا ۋاقىتىلى تولەم جۇرگىزۋدى تاپسىردى

قر پرەمەر-ءمينيسترى باقىتجان ساعىنتاەۆ ۇكىمەت وتىرىسىندا ۋنيۆەرسيادانىڭ جوعارى دەڭگەيدە وتكىزىلگەنىن اتاپ ءوتىپ, ءىس-شارا ۇيىمداستىرۋشىلارىنا, سونداي-اق جوعارى سپورتتىق ناتيجەلەرگە قول جەتكىزگەن ەلىمىزدىڭ ستۋدەنتتىك قۇراماسىنا العىسىن ءبىلدىردى, دەپ جازادى primeminister.kz. ب. ساعىنتاەۆ ۋنيۆەرسيادانىڭ وتكىزىلۋى الماتى قالاسىن دامىتۋعا سەرپىن بەرگەنىن, وسىعان وراي الداعى استانادا وتەتىن حالىقارالىق ەكسپو كورمەسى اياسىندا مۇنداي ءىرى ءىس-شارالاردى وتكىزۋ تاجىريبەسىن پايدالانۋ كەرەكتىگىن اتاپ ءوتتى. «مادەنيەت جانە سپورت مينيسترلىگىنە ۋنيۆەرسيادا جەڭىمپازدارى مەن جۇلدەگەرلەرىنە, سونىمەن قاتار ولاردىڭ جاتتىقتىرۋشىلارىنا ۋاقىتىلى تولەم جۇرگىزۋدى تاپسىرامىن. سونداي-اق, مادەنيەت جانە سپورت مينيسترىلىگى الماتى قالاسىنىڭ اكىمدىگىمەن بىرلەسىپ سپورتتىق عيماراتتاردى ودان ءارى پايدالانۋ ماسەلەسىن ناقتى شەشۋى ءتيىس», - دەدى ب. ساعىنتاەۆ. ەستەرىڭىزگە سالا كەتەيىك, 2017 جىلعى 28-ءشى دۇنيەجۇزىلىك قىسقى ۋنيۆەرسيادا 29 قاڭتار مەن 8 اقپان ارالىعىندا الماتى قالاسىندا ءوتتى.