دىنارالىق كەلىسىم – بەيبىتشىلىك كەپىلى

سىرتقى ىستەر ءمينيسترى قايرات ءابدىراحمانوۆ استانا جانە قازاقستان ءميتروپوليتى الەكساندرمەن كەزدەستى. تاراپتار اڭگىمە بارىسىندا الەمدەگى دىنارالىق ۇنقاتىسۋدى ىلگەرىلەتۋ باعىتىنداعى جۇمىستاردى جالعاستىرا بەرۋ قاجەتتىگىنە نازار اۋداردى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى. كەزدەسۋ بارىسىندا قازاق­ستان­دىق قوعامنىڭ بىرەگەي مودەلىن قۇرۋداعى ەلباسى نۇرسۇلتان نازارباەۆتىڭ رولىنە, ءداستۇرلى يسلام مەن پراۆوسلاۆ دىندەرىنىڭ مەملەكەتپەن ماڭىزدى ارىپتەستىگى ەلىمىزدەگى ەتنوسارالىق جانە كونفەسسياارالىق كەلىسىمنىڭ نەگىزگى تىرەگى بولىپ وتىرعانىنا ەرەكشە ەكپىن ءتۇسىرىلدى. سونىمەن قاتار, باسقوسۋدا مەملەكەت باسشىسىنىڭ باس­تاما­سىمەن ءداستۇرلى تۇردە وتكى­زى­لىپ كەلە جاتقان الەم­دىك جانە ءداستۇرلى دىندەر كوشباس­شى­لارىنىڭ سەزىنىڭ ماڭىزدىلىعى ءسوز بولدى. وسى ورايدا, بۇل سەزد اياسىندا ءدىني جانە ساياسي لي­دەرلەر ۇنقاتىسۋى ورناپ, سونىڭ ناتيجەسىندە حالىقارالىق قوعامداستىقتا ءدىني توزىمدىلىك پەن تولەرانتتىلىقتى ناسيحاتتاۋ ىسىنە زايىرلى جانە ءدىني تۇرعىدا قولداۋ كورسەتىلىپ كەلە جاتقانى ءسوز بولدى. ودان ءارى مينيستر استانا جانە قازاقستان ميتروپوليتىمەن بىرگە قازىرگى تاڭدا قوعامىمىزدا قىزۋ تالقىلانىپ ءارى حالىق تاراپىنان قولداۋ تاۋىپ وتىرعان ەلباسى ۇسىنعان ساياسي رەفورمالار مەن ەلىمىزدى جاڭعىرتۋ باعىتىنداعى ءىس-قيمىلداردى تالقىلادى. ەكىجاقتى اڭگىمەلەسۋ ساتىندە ەلىمىزدەگى پراۆوسلاۆ ءدىنىن ۇستاناتىنداردىڭ بەيبىتشىلىكتى ساق­تاۋ, تاتۋلىقتى نىعايتۋ, كەلى­سىم مەن ءوزارا تۇسىنىستىك باعى­تىن­داعى قازاقستاندىق بارلىق باستامالاردى قولدايتىنى اتاپ ءوتىلدى.