قازاقستان رەسپۋبليكاسى ۇكىمەتىنىڭ قاۋلىسى № 38

2011 جىلعى 28 قاڭتار,  استانا, ۇكىمەت ءۇيى قازاقستان رەسپۋبليكاسىنىڭ پايدالى قازبالاردى ساتىپ الۋعا باسىم قۇقىعىن ىسكە اسىرۋ قاعيداسىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسى زاڭىنىڭ 16-بابى 28) تارماق­شاسىنا سايكەس قازاقستان رەسپۋبلي­كاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قازاقستان رەس­پۋبليكاسىنىڭ پايدالى قازبالاردى ساتىپ الۋعا باسىم قۇقىعىن ىسكە اسىرۋ قاعيداسى بەكىتىلسىن. 2. وسى قاۋلى العاشقى رەسمي جاريالان­عانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2011جىلعى 29 قاڭتارداعى №38 قاۋلىسىمەن بەكىتىلگەن قازاقستان رەسپۋبليكاسىنىڭ پايدالى قازبالاردى ساتىپ الۋعا باسىم قۇقىعىن ىسكە اسىرۋ قاعيداسى 1. جالپى ەرەجەلەر 1. وسى قازاقستان رەسپۋبليكاسىنىڭ پايدالى قازبالاردى ساتىپ الۋعا باسىم قۇقىعىن ىسكە اسىرۋ قاعيداسى (بۇدان ءارى – قاعيدا) «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەس­پۋبليكاسىنىڭ زاڭىنا سايكەس ازىرلەندى جانە مەملەكەتتىڭ پايدالى قازبالاردى ساتىپ الۋعا باسىم قۇقىعىن ىسكە اسىرۋ ءتارتىبىن ايقىندايدى. 2. مەملەكەتتىڭ باسىم قۇقىعى تارتىبىمەن پايدالى قازبالاردى ساتىپ الۋدى قۇزىرەتتى ورگان جۇزەگە اسىرادى. قازاقستان رەسپۋبليكاسى مۇناي جانە گاز مينيسترلىگى كومىرسۋتەك شيكىزاتىن ساتىپ الۋ جونىندەگى قۇزىرەتتى ورگان بولىپ تابىلادى. قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى كەڭ تارالعان پايدالى قازبالاردى جانە كومىرسۋتەك شيكىزاتىن قوسپاعاندا, پايدالى قازبالاردى ساتىپ الۋ جونىندەگى قۇزىرەتتى ورگان بولىپ تابىلادى. 3. وسى قاعيدادا قولدانىلاتىن ۇعىمدار زاڭدا اڭىقتالعان ماعىناعا يە بولادى. 2. مەملەكەتتىڭ پايدالى قازبالاردى ساتىپ الۋعا باسىم قۇقىعىن ىسكە اسىرۋ ءتارتىبى 4. ستراتەگيالىق مينەرالدىق شيكىزاتتىڭ بەلگىلى ءبىر تۇرىنە ىشكى نارىقتىڭ قاجەتتىلىكتەرىن جابۋ ماقساتىندا قازاقستان رەسپۋبليكاسىنىڭ زاڭناماسىنا سايكەس قۇزىرەتتى ورگان جۇزەگە اسىراتىن مونيتورينگ ناتيجەلەرى بويىنشا, سونداي-اق توتەنشە سيپاتتاعى وزگە جاعدايلاردا قازاقستان رەسپۋبليكاسىنىڭ ۇكىمەتى باسىم قۇقىق تارتىبىمەن پايدالى قازبالاردى ساتىپ الۋ تۋرالى شەشىم قابىلداۋى مۇمكىن. 5. مەملەكەتتىڭ باسىم قۇقىعى تارتىبىمەن ساتىپ الۋ تۋرالى شەشىمنىڭ جوباسىن زاڭنامادا بەلگىلەنگەن تارتىپپەن پايدالى قازبا تۇرىنە بايلانىستى ءتيىستى قۇزىرەتتى ورگان ازىرلەيدى جانە ول بيۋدجەتتى اتقارۋ جونىندەگى ۋاكىلەتتى ورگانمەن مىندەتتى تۇردە كەلىسىلۋگە جاتادى. 6. پايدالى قازبالاردى مەملەكەتتىڭ باسىم قۇقىعى تارتىبىمەن ساتىپ الۋ تۋرالى شەشىم نەگىزىندە قۇزىرەتتى ورگان جەر قويناۋىن پاي­دالانۋشىنى مۇنداي نيەتى تۋرالى ساتىپ الۋدىڭ بولجاناتىن كۇنىنەن كەمىندە ون بەس جۇمىس كۇنى بۇرىن جازباشا حاباردار ەتەدى. جەر قويناۋىن پايدالانۋشىنىڭ جازباشا حابار­لاماسى مى­نالاردى: پايدالى قازبانىڭ ءتۇرىن, ونىڭ مولشەرىن, شامامەن ساتىپ الۋ مەرزىمىن قامتۋى ءتيىس. 7. ساتىپ الىناتىن پايدالى قازبالاردىڭ شەكتى كولەمى جانە تولەم ءتۇرى جەر قويناۋىن پايدالانۋعا ارنالعان كەلىسىمشارتتا بەلگىلەنەدى. بۇرىن جاسالعان كەلىسىمشارتتار بويىنشا شەكتى كولەمى كوزدەلمەگەن ساتىپ الىناتىن پايدالى قازبالاردىڭ مۇنداي كولەمىن, سونداي-اق ساتىپ الۋدىڭ وزگە دە شارتتارىن جەر قويناۋىن پايدالانۋشىمەن كەلىسىم بويىنشا قۇزىرەتتى ورگان بەلگىلەيدى. 8. حابارلامانى العان ساتتەن باستاپ بەس جۇمىس كۇنى ىشىندە جەر قويناۋىن پاي­دالانۋشى مەن قۇزىرەتتى ورگان كەلىسسوزدەر ارقىلى ساتىپ الىناتىن پايدالى قازبالاردىڭ باعاسىن, جەتكىزۋ شارتتارىن جانە ولاردى تولەۋ ءتارتىبىن كەلىسەدى. 9. ساتىپ الىناتىن پايدالى قازبالاردىڭ باعاسى كولىكتىك شىعىستاردى جانە وتكىزۋگە ارنالعان شىعىنداردى شەگەرە وتىرىپ, مامىلەنى جاساۋ كۇنىنە قالىپتاسقان, جەر قويناۋىن پايدالانۋشى ءتيىستى پايدالى قازبالارعا مامىلە جاساسۋ كەزىندە قولداناتىن باعادان اسپاۋى ءتيىس. جەر قويناۋىن پايدالانۋشىلاردىڭ ءمامى­لەلەر جاساسقان كەزدە قولدانىلاتىن پايدالى قازبالاردىڭ باعاسى تۋرالى اقپاراتى بولماعان جاعدايدا مەملەكەتتىڭ پايدالى قازبالاردى ساتىپ الۋى جونىندەگى مامىلەنى جاساسۋ كۇنىنە الەمدىك نارىقتا قالىپتاسقان باعادان اسپايتىن باعا قولدانىلادى. 10. پايدالى قازبالاردى ساتىپ الۋ شارت­تارىن كەلىسكەننەن كەيىن قۇزىرەتتى ورگان جەر قويناۋىن پايدالانۋشىمەن پايدالى قازبالاردى ساتىپ الۋ تۋرالى شارت جاساسادى. 11. ساتىپ الىنعان پايدالى قازبالار ءۇشىن تولەم مەرزىمى پايدالى قازبالاردى جەتكىزۋ كۇنىنەن باستاپ كۇنتىزبەلىك وتىز كۇننەن اسپاۋى ءتيىس. 12. پايدالى قازبالاردى ساتىپ الۋ تۋرالى شارت مىنالاردى: 1) جەر قويناۋىن پايدالانۋشى جەكە تۇلعانىڭ اتى-ءجونى نەمەسە زاڭدى تۇلعانىڭ اتاۋى; 2) جەر قويناۋىن پايدالانۋعا ارنالعان كەلىسىمشارتتىڭ دەرەكتەمەلەرى; 3) ساتىپ الىناتىن پايدالى قازبالاردىڭ مولشەرى; 4) پايدالى قازبالاردى جەتكىزۋ ورنى مەن مەرزىمى; 5) اقى تولەۋ ءتارتىبى جانە مەرزىمى; 6) جەتكىزۋ كولىگىنىڭ ءتۇرى; 7) پايدالى قازبانى الۋشىنى قامتۋى ءتيىس.