قازاقستان رەسپۋبليكاسى دەنساۋلىق ساقتاۋ مينيسترلىگىنىڭ بۇيرىعى №986

2010 جىلعى 20 جەلتوقسان, استانا قالاسى مامانداندىرىلعان جانە جوعارى مامانداندىرىلعان مەديتسينالىق كومەك كورسەتۋ ەرەجەسىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىن ىسكە اسىرۋ ماقساتىندا بۇيىرامىن: 1. قوسا بەرىلىپ وتىرعان مامانداندىرىلعان جانە جوعارى مامانداندىرىلعان مەديتسينالىق كومەك كورسەتۋ ەرەجەسى بەكىتىلسىن. 2. «مامانداندىرىلعان جانە جوعارى مامانداندىرىلعان مەديتسينالىق كومەك كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 30 جەلتوقسانداعى №881 (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №6025 بولىپ تىركەلگەن, قازاقستان رەسپۋبليكاسى ورتالىق اتقارۋشى جانە وزگە دە ورتالىق مەملەكەتتىك ورگانداردىڭ 2010 جىلى №10 اكتىلەر جيناعىندا جاريالانعان) بۇيرىعىنىڭ كۇشى جويىلدى دەپ تانىلسىن. 3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى (ا.ع.تولەعاليەۆا) وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكىزۋدى قامتاماسىز ەتسىن. 4. قازاقستان رەسپۋبليكاسى اكىمشىلىك-قۇقىقتىق جۇمىس دەپارتامەنتى (ف.ب.بيسميلدين) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن. 5. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى ە.ءا. بايجۇنىسوۆكە جۇكتەلسىن. 6. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر  س. قايىربەكوۆا. قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 20 جەلتوقسان  №986 بۇيرىعىمەن بەكىتىلگەن مامانداندىرىلعان جانە جوعارى مامانداندىرىلعان مەديتسينالىق كومەك كورسەتۋ ەرەجەسى 1. جالپى ەرەجەلەر 1. وسى ەرەجە حالىققا مامانداندىرىلعان جانە جوعارى مامانداندىرىلعان مەديتسينالىق كومەك كورسەتۋ ءتارتىبىن, سونداي-اق ونى ءارتۇرلى كەزەڭدەردە جۇزەگە اسىرۋعا جاۋاپتى ورگاندار مەن ۇيىمداردىڭ ءوزارا ءىس-قيمىلىن ايقىندايدى. 2. مامانداندىرىلعان جانە جوعارى مامان­داندىرىلعان مەديتسينالىق كومەك كورسەتۋ «م­ەدي­تسينالىق كومەكتىڭ تۇرلەرى مەن كولەمدەرىن بەكىتۋ تۋرالى» قازاقستان رەسپۋبليكاسى دەن­ساۋ­لىق ساقتاۋ ءمينيسترىنىڭ مىندەتىن اتقارۋشىنىڭ 2009 جىلعى 26 قاراشاداعى №796 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىركەلىمىندە №5955 تىركەلگەن) بەكىتىلگەن تۇرلەر مەن كولەمدەرگە سايكەس جۇزەگە اسىرىلادى. 3. وسى ەرەجەدە مىناداي ۇعىمدار پايدا­لانىلادى: مامانداندىرىلعان مەديتسينالىق كومەك – دياگنوستيكانىڭ, ەمدەۋ مەن مەديتسينالىق وڭالتۋدىڭ ارناۋلى ادىستەرىن تالاپ ەتەتىن اۋرۋلار كەزىندە بەيىندى ماماندار كورسەتەتىن مەدي­تسينالىق كومەك; جوعارى مامانداندىرىلعان مەديتسينالىق كومەك (بۇدان ءارى – جممك) – دياگنوستيكانىڭ, ەمدەۋ مەن مەديتسينالىق وڭالتۋدىڭ ەڭ جاڭا تەحنولوگيالارىن پايدالانۋدى تالاپ ەتەتىن اۋرۋلار كەزىندە مەديتسينالىق ۇيىمداردا بەيىندى ماماندار كورسەتەتىن مەديتسينالىق كومەك. 2. مامانداندىرىلعان مەديتسينالىق كومەك كورسەتۋ ءتارتىبى 4. مامانداندىرىلعان مەديتسينالىق كومەكتى بەيىندى مەديتسينالىق دەنساۋلىق ساقتاۋ ۇيىم­دارى كونسۋلتاتسيالىق-دياگنوستيكالىق, ستاتسيو­نار­دى الماستىراتىن كومەك نەمەسە ستاتسيو­نار­لىق مەديتسينالىق كومەك نىسانىندا كورسەتەدى. 5. مامانداندىرىلعان مەديتسينالىق كومەك كورسەتۋدىڭ كەز-كەلگەن دەڭگەيىندە دياگنوزدى ۇقساستاندىرۋداعى قيىنشىلىقتار كەزىندە, سون­داي-اق, ناۋقاس تاسىمالدانبايتىن جاعدايدا قا­جەت بولعان جاعدايدا رەسپۋبليكالىق دەڭگەي­دەگى كونسۋلتانتتى قوسا العاندا, قاجەتتى مامان­دار­دى تارتا وتىرىپ, كونسيليۋم ۇيىمداستىرىلادى. 6. تەگىن مەديتسينالىق كومەكتىڭ كەپىلدىك بەرىلگەن كولەمى مەن ەمدەۋگە جاتقىزۋ جاعداي­لارىنىڭ جوسپارلانعان سانىنىڭ شەڭبەرىندە پاتسيەنتتىڭ مەديتسينالىق ۇيىمدى ەركىن تاڭداۋعا قۇقىقتارىن ەسەپكە الا وتىرىپ, جۇزەگە اسىرىلادى. § 1. امبۋلاتوريالىق-ەمحانالىق دەڭگەيدەگى مامانداندىرىلعان مەديتسينالىق كومەك 7. حالىققا امبۋلاتوريالىق-ەمحانالىق دەڭ­گەي­دەگى مامانداندىرىلعان مەديتسينالىق كومەك تاۋلىكتىك باقىلاۋسىز دياگنوستيكا مەن ەمدەۋدىڭ ارنايى ادىستەرىن تالاپ ەتەتىن اۋرۋلار كەزىندە امبۋلاتوريالىق-ەمحانالىق ۇيىمدار كورسەتەدى. 8. امبۋلاتوريالىق-ەمحانالىق دەڭگەيدەگى مامانداندىرىلعان مەديتسينالىق كومەك ستا­تسيوناردى الماستىراتىن كومەك تۇرىندە كور­سەتىلۋى مۇمكىن. 9. پاتسيەنتتىڭ جەرگىلىكتى دەڭگەيدەگى مەديتسي­نا­لىق ۇيىمدا ستاتسيونارلىق ەمدەۋگە ايعاقتارى بولعان جاعدايدا امبۋلاتوريالىق-ەمحانالىق ۇيىم­­نىڭ دارىگەرى «دەنساۋلىق ساقتاۋ سالاسىن­داعى ۋاكىلەتتى ورگان بەكىتكەن تارتىپتە ەمدەۋگە جاتقىزۋ پورتالى ارقىلى تەگىن مەديتسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە ستاتسيونارعا جوسپارلى ەمدەۋگە جاتقىزۋدى ۇيىم­داستىرۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ مي­نيسترىنىڭ 2010 جىلعى 3 شىلدەدەگى №492 بۇي­رىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىركەلىمىندە №6380 تىركەلگەن) بەكىتىلگەن دەنساۋلىق ساقتاۋ سالاسىن­داعى ۋاكىلەتتى ورگان بەكىتكەن تارتىپتە ەمدەۋگە جاتقىزۋ پورتا­لىن­دا (بۇدان ءارى – ەمدەۋگە جات­قىزۋ پورتالى) جولداما تىركەلەدى جانە ونى پاتسيەنتكە بەرەدى. 10. شۇعىل ايعاقتارى بويىنشا ەمدەۋگە جات­قىزۋ قاجەت بولعان جاعدايدا پاتسيەنتتى جەدەل مەديتسينالىق جاردەم قىزمەتىمەن نەمەسە امبۋ­لا­ت­وريالىق-ەمحانالىق ۇيىمنىڭ سانيتاريالىق اۆتوكولىگىمەن مەديتسينا قىزمەتكەرىنىڭ الىپ جۇرۋىمەن ستاتسيونارعا جەتكىزىلەدى. § 2. ستاتسيونارلىق دەڭگەيدەگى مامانداندىرىلعان مەديتسينالىق كومەك 11. حالىققا ستاتسيونارلىق دەڭگەيدەگى مامان­داندىرىلعان مەديتسينالىق كومەكتى تاۋلىكتىك باقىلاۋمەن دياگنوستيكالاۋ مەن ەمدەۋدىڭ ارنايى ادىستەرىن تالاپ ەتەتىن اۋرۋلار كەزىندە مەديتسينالىق ۇيىمدار كورسەتەدى. 12. حالىققا ستاتسيونارلىق دەڭگەيدە مامانداندىرىلعان مەديتسينالىق كومەك ستاتسيونارلىق جانە ستاتسيوناردى الماستىراتىن تەحنولوگيا تۇرىندە كورسەتىلەدى. 13. دياگنوستيكا مەن ەمدەۋدىڭ بارلىق ءادىس­تەرىن قولدانعان ستاتسيونارلىق كومەك كورسەتەتىن مەديتسينالىق ۇيىمدارعا قاتىستى پاتسيەنتتە وڭ ەمدەۋ تيىمدىلىگى بولماعان جاعدايدا بۇل پاتسيەنت مامانداندىرىلعان جانە جوعارى ماماندان­دىرىلعان مەديتسينالىق كومەك كورسەتەتىن جەرگىلىكتى دەڭگەيدەگى باسقا مەديتسينالىق ۇيىمعا ستا­تسيونارلىق ەمدەۋگە جىبەرىلەدى. 14. جەرگىلىكتى مەديتسينالىق ۇيىمدا مامان­دان­دىرىلعان جانە جوعارى مامانداندىرىلعان مەديتسينالىق كومەك كورسەتۋ كەزىندە پاتسيەنتتە وڭ ەمدەۋ تيىمدىلىگى بولماعان جاعدايدا پاتسيەنت مامانداندىرىلعان جانە جوعارى ماماندان­دىرىلعان مەديتسينالىق كومەك كورسەتەتىن رەسپۋبليكالىق مەديتسينالىق ۇيىمعا جىبەرىلەدى. 15. پاتسيەنتتى مامانداندىرىلعان جانە جوعارى مامانداندىرىلعان مەديتسينالىق كومەك الۋ ءۇشىن ستاتسيونارعا ەمدەۋگە جاتقىزۋعا جولداما ەمدەۋگە جاتقىزۋ بيۋروسىندا تىركەلەدى. § 3. جوعارى مامانداندىرىلعان مەديتسينالىق كومەك كورسەتۋ ءتارتىبى 16. ستاتسيونارلىق كومەك نىسانىنداعى جممك جەرگىلىكتى دەڭگەيدەگىدەي رەسپۋبليكالىق دەڭگەيدەگى مەديتسينالىق ۇيىمداردا دا كورسەتىلەدى. كونسۋلتاتسيالىق-دياگنوستيكالىق كومەك نىسانىنداعى جممك رەسپۋبليكالىق دەڭگەيدە كورسەتىلەدى. 17. جەرگىلىكتى دەڭگەيدەگى مەديتسينالىق ۇيىم­داردا ستاتسيونار جاعدايىندا جممك كورسەتۋ ءۇشىن امبۋلاتوريالىق-ەمحانالىق كومەك كورسەتەتىن مەديتسينالىق ۇيىمنىڭ مامانى جولدامانى ەمدەۋگە جاتقىزۋ بيۋروسىنىڭ پور­تالىندا تىركەيدى جانە ونى پاتسيەنتكە بەرەدى. امبۋلاتوريالىق-ەمحانالىق كومەك كورسەتەتىن مەديتسينالىق ۇيىمنىڭ مامانى جەرگىلىكتى دەڭگەيدە جوعارى مامانداندىرىلعان مەدي­تسي­نا­لىق كومەك كورسەتۋ مۇمكىندىگى بولماعان جاع­دايدا رەسپۋبليكالىق مەديتسينالىق ۇيىمعا ەمدەۋگە جاتقىزۋ ماسەلەسىن شەشۋ ءۇشىن پا­تسيەنتتىڭ قۇجاتتار پاكەتىن وبلىستاردىڭ, رەس­پۋبليكالىق ماڭىزى بار قالالار مەن استانانىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارىنىڭ جوعارى مامانداندىرىلعان مەدي­تسينالىق كومەك جونىندەگى كوميسسياعا (بۇدان ءارى – جممك كوميسسيا) قاراۋعا جىبەرەدى. 18. جوعارى مامانداندىرىلعان مەديتسينالىق كومەك كورسەتەتىن جەرگىلىكتى دەڭگەيدەگى مەديتسينالىق ۇيىمداردا ەمدەۋدىڭ بارلىق ادىستەرى بار پايدالانىلعان ستاتسيونارلىق ەمدەۋدەگى پاتسيەنتتى ەمدەۋگە وڭ ەمدىك تيىمدىلىك بول­ماعان جاعدايدا, ال رەسپۋبليكالىق مەديتسينالىق ۇيىمداردا دياگنوستيكا مەن ەمدەۋدىڭ جوعارى تەحنولوگيالىق ادىستەرى قولدانىلۋى مۇمكىن رەس­پۋبليكالىق مەديتسينالىق ۇيىمداردا ەمدەۋشى دارىگەر بولىمشە مەڭگەرۋشىسىمەن نەمەسە باس دارىگەردىڭ ەمدەۋ ءىسى جونىندەگى ورىنباسارىمەن بىرلەسىپ, وڭىرلىك كوميسسيانىڭ قاراۋىنا ستاتسيو­نارلىق ناۋقاستىڭ مەديتسينالىق كارتاسىنان كوشىرمەنى فاكسيمالدىق بايلانىس ارقىلى جىبەرەدى. 19. جممك كوميسسيانىڭ شەشىمى ستاتسيونار­لىق كومەك نىسانىندا مامانداندىرىلعان جانە جوعارى مامانداندىرىلعان مەديتسينالىق كو­مەكتى كورسەتۋ ءۇشىن ازاماتتاردى رەسپۋب­ليكالىق مەديتسينالىق ۇيىمدارعا ەمدەۋگە جاتقىزۋدىڭ جانە كونسۋلتاتسيالىق-دياگنوستيكالىق كومەك نىسانىنداعى جممك كورسەتۋگە جىبەرۋدىڭ نەگىزى بولىپ تابىلادى. 20. جممك كوميسسيانىڭ قاراۋىنا مىناداي قۇجاتتار ۇسىنىلادى: 1) پاتسيەنتتىڭ جەكە باستى كۋالاندىراتىن قۇجاتتىڭ كوشىرمەسى; 2) پاتسيەنتتىڭ كلينيكالىق دياگنوزىن كورسەتە وتىرىپ مەديتسينالىق ۇيىم مامانىنىڭ جول­داماسى; 3) پاتسيەنتتى زەرتتەپ-قاراۋدىڭ ەڭ از قاجەتتى كولەمىنىڭ ناتيجەلەرى (قاننىڭ جالپى تالداۋى, نەسەپتىڭ جالپى تالداۋى, ءناجىستىڭ ىشەكقۇرت جۇمىرتقالارىنا تالداۋى, كەۋدە اعزالارىنىڭ فليۋوروگرافياسى, ەلەكتروكارديوگرامما جانە HbsAg بولۋى); 4) وڭىرلىك دەڭگەيدە مۇمكىن بولاتىن كليني­كالىق دياگنوزدى, زەرتتەۋ ناتيجەلەرىن كورسەتە وتىرىپ, امبۋلاتوريالىق كارتادان/سىرقاتنا­مادان كوشىرمە; 5) پاتسيەنتتىڭ كلينيكالىق دياگنوزىن راستاي­تىن زەرتحانالىق جانە اسپاپتىق زەرتتەۋلەردىڭ ناتيجەلەرى. جممك كوميسسيا پاتسيەنتتىڭ قۇجاتتار پاكەتىن سىرتتاي نەمەسە قاجەت بولعان جاعدايدا پاتسيەنتتى بەيىندى مامانداردىڭ كوميسسيالىق قاراۋى­نا شاقىرا وتىرىپ, قاراۋعا قۇقىلى. 21. جممك كوميسسياسى ۇسىنىلعان قۇجات­تاردى قارايدى جانە پاتسيەنتتى تۇرلەرى مەن كولەمىنە جانە پاتسيەنت تاسىمالدانۋىنا سايكەس مامانداندىرىلعان جانە جوعارى ماماندا­دىرىلعان مەديتسينالىق كومەك كورسەتۋ ءۇشىن رەسپۋبليكالىق مەديتسينالىق ۇيىمدارعا جىبەرۋدىڭ نەگىزدىلىگىن انىقتايدى. 22. پاتسيەنتتىڭ قۇجاتتارى كەلىپ تۇسكەن ساتىنەن باستاپ ەكى جۇمىس كۇنىنىڭ ىشىندە جممك كوميسسياسى حاتتامالىق شەشىم قابىلدايدى. 23. رەسپۋبليكالىق مەديتسينالىق ۇيىمداردا پاتسيەنتكە مامانداندىرىلعان جانە جوعارى مامانداندىرىلعان مەديتسينالىق كومەكتى كورسەتۋ تۋرالى وڭ شەشىم قابىلداۋ كەزىندە جممك كوميس­سياسى جولدامانى ەمدەۋگە جاتقىزۋ بيۋروسىنىڭ پورتالىنا تىركەيدى جانە جىبەرگەن مەديتسينالىق ۇيىمدا باسىلىپ شىعارىلعان جولدامامەن قۇجاتتاردىڭ پاكەتىن بەرەدى. مەديتسينالىق ۇيىم ەمدەۋگە جاتقىزۋعا جولداما العاننان كەيىن پاتسيەنتتى ەمدەۋگە جاتقىزۋ تۋرالى حابارلايدى. 24. پاتسيەنتكە مامانداندىرىلعان جانە جوعارى مامانداندىرىلعان مەديتسينالىق كومەك كورسەتۋدەن باس تارتۋ تۋرالى شەشىم قابىلداۋ كەزىندە جممك كوميسسياسى ەمدەۋگە جاتقىزۋ بيۋروسىنىڭ پورتالىنا باس تارتۋدى تىركەيدى جانە جىبەرگەن مەديتسينالىق ۇيىمعا دايەكتى باس تارتۋدى قوسا بەرە وتىرىپ, قۇجاتتاردىڭ پاكەتىن قايتارادى. 25. رەسپۋبليكالىق دەڭگەيدە كونسۋلتاتسيا­لىق-دياگنوستيكالىق كومەك نىسانىندا جممك كورسەتۋ ءۇشىن ايعاقتارى بولعان جاعدايدا ام­بۋلاتوريالىق-ەمحانالىق كومەك كورسەتەتىن مە­دي­تسينالىق ۇيىم­نىڭ مامانى جممك كوميس­سياسىنا قاراۋ ءۇشىن پاتسيەنتتىڭ قۇجاتتارىنىڭ پاكەتىن جىبەرەدى. 26. پاتسيەنتكە رەسپۋبليكالىق دەڭگەيدە كون­سۋلتاتسيالىق-دياگنوستيكالىق كومەك نىسانىندا جممك كورسەتۋ تۋرالى وڭ شەشىم قابىلداۋ كەزىندە جممك كوميسسياسى جولدامانىڭ ەلەكتروندى ۇلگىسىنە ءتيىستى جولداردى تولتىرۋ ارقىلى ەمدەۋگە جاتقىزۋ پورتالىنا جولدامانى تىركەيدى جانە اۆتوماتتى قالىپتاسقان ەمدەۋگە جاتقىزۋ كودىمەن باسىلىپ شىققان جولدامانى جىبەرگەن مەديتسينالىق ۇيىمعا بەرەدى. مەديتسينالىق ۇيىم ەمدەۋگە جاتقىزۋعا جولداما العاننان كەيىن مەديتسينالىق ۇيىم پاتسيەنتكە جولدامانىڭ كۇنى تۋرالى حابارلايدى. 27. پاتسيەنتكە رەسپۋبليكالىق مەديتسينالىق ۇيىمدا كونسۋلتاتسيالىق-دياگنوستيكالىق كومەك نىسانىندا جممك كورسەتۋدەن باس تارتۋ تۋرالى شەشىم قابىلداۋ كەزىندە جممك كوميسسياسى ەمدەۋگە جاتقىزۋ بيۋروسىنىڭ پورتالىندا باس تارتۋدى تىركەيدى جانە ۋاجدەمەلى باس تارتۋدى قوسا بەرە وتىرىپ, قۇجاتتاردىڭ پاكەتىن جىبەرگەن مەديتسينالىق ۇيىمعا قايتارادى. 28. پاتسيەنتتەردىڭ قۇقىقتارىن قورعاۋ, مەدي­تسي­نالىق عىلىمدى دامىتۋ ماقساتىندا رەسپۋب­ليكالىق مەديتسينالىق ۇيىم پاتسيەنتتى جوعارى مامانداندىرىلعان كومەكتىڭ جوسپارلى كولەم­دەرىنەن 10% شەكتە مەديتسينالىق ايعاقتارى بولعان جاعدايدا مىناداي ادامداردى ءوز بەتىنشە ەمدەۋگە جاتقىزادى: 1) الەۋمەتتىك-قورعالماعان توپتارعا: 18 جاسقا دەيىنگى بالالاردى, جۇكتى ايەلدەردى, ۇلى وتان سوعىسىنا قاتىسۋشىلاردى, مۇگەدەكتەردى, «ال­تىن القا», «كۇمىس القا» القالارىمەن ماراپات­تالعان كوپ بالالى انالاردى, اتاۋلى الەۋمەتتىك كومەك الۋشىلاردى, جاسىنا قاراي زەينەتكەرلەرگە, الەۋمەتتىك ءمانى بار ناۋقاستارعا; 2) شۇعىل جانە جەدەل مەديتسينالىق ايعاقتارى كەزىندە; 3) قازاقستان رەسپۋبليكاسى دەنساۋلىق ساقتاۋ مينيسترلىگى اكىمشىلەگەن عىلىمي-تەحنيكالىق باعدارلامالاردى ورىنداۋ شەڭبەرىندە. بۇل رەتتە, رەسپۋبليكالىق مەديتسينالىق ۇيىم مەديتسينالىق كومەك كورسەتۋ ءۇشىن پاتسيەنتتى ەمدەۋگە جاتقىزۋ تۋرالى شەشىم قابىلداۋ كەزىندە دەنساۋلىق ساقتاۋ سالاسىنداعى ۋاكىلەتتى ورگان بەكىتكەن تارتىپپەن ەمدەۋگە جاتقىزۋ بيۋروسىنىڭ پورتالىندا جولدامانى تىركەيدى جانە ونى مەديتسينالىق كارتاعا قوسادى. 29. وڭىرلەردىڭ بولىگىندەگى حالىقتىڭ جممك-كە دەگەن قاجەتتىلىكتەرىن انىقتاۋدى جانە جەكەلەگەن اۋرۋلار بويىنشا جوعارى ماماندان­دىرىلعان مەديتسينالىق كومەكتىڭ شەكتى كولەمدەرىن بەكىتۋدى دەنساۋلىق ساقتاۋ سالاسىن­داعى ۋاكىلەتتى ورگان قۇرعان مەديتسينالىق تەحنولوگيالاردى ستاندارتتاۋ مەن باعالاۋ جونىندەگى ساراپتاما كەڭەسى جۇزەگە اسىرادى. 30. مەديتسينالىق ۇيىمداردىڭ جممك كورسەتۋىنە رۇقسات بەرۋ دەنساۋلىق ساقتاۋ سالاسىنداعى ۋاكىلەتتى ورگان بەكىتكەن ولشەمدەرگە سايكەس جۇزەگە اسىرىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 29 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6711 بولىپ ەنگىزىلدى.