قازاقستان رەسپۋبليكاسى مادەنيەت مينيسترلىگىنىڭ بۇيرىعى №38

2011 جىلعى 28 اقپان  استانا قالاسى قازاقستان رەسپۋبليكاسىنىڭ ءتىل تۋرالى زاڭدارىن قولدانۋ سالاسىنداعى تاۋەكەلدەر دارەجەسىن باعالاۋ كريتەريلەرىن بەكىتۋ تۋرالى «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» 2011 جىلعى 6 قاڭتارداعى قازاقستان رەسپۋبليكاسى زاڭىنىڭ 13-بابىنىڭ 3-تارماعىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىنىڭ ءتىل تۋرالى زاڭدارىن قولدانۋ سالاسىنداعى تاۋەكەلدەر دارەجەسىن باعالاۋ كريتەريلەرى بەكىتىلسىن. 2. قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى: 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) مەملەكەتتىك تىركەۋدەن وتكەننەن كەيىن وسى بۇيرىقتىڭ رەسمي جاريالانۋىن; 3) وسى بۇيرىقتىڭ قازاقستان رەسپۋبليكاسى مادەنيەت مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ ۆيتسە-مينيستر ع.ت.تەلەباەۆقا جۇكتەلسىن. 4. وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋدەن وتكەن كۇننەن باستاپ كۇشىنە ەنەدى. 5. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر م. قۇل-مۇحاممەد.   قازاقستان رەسپۋبليكاسى مادەنيەت ءمينيسترىنىڭ 2011 جىلعى 28 اقپانداعى №38 بۇيرىعىمەن بەكىتىلگەن   قازاقستان رەسپۋبليكاسىنىڭ ءتىل تۋرالى زاڭدارىن قولدانۋ سالاسىنداعى تاۋەكەلدەر دارەجەسىن باعالاۋ كريتەريلەرى 1. قازاقستان رەسپۋبليكاسىنىڭ ءتىل تۋرالى زاڭ­دارىن قولدانۋ سالاسىنداعى تاۋەكەلدەر دارە­جەسىن باعالاۋ كريتەريلەرى (بۇدان ءارى كريتەريلەر) «قازاقستان رەسپۋبليكاسىنداعى مەملەكەتتىك باقى­لاۋ جانە قاداعالاۋ تۋرالى» 2011 جىلعى 6 قاڭ­تار­داعى قازاقستان رەسپۋبليكاسى زاڭىنىڭ 13-بابى 3-تارماعىن مەن «قازاقستان رەسپۋب­ليكاسىنداعى ءتىل تۋرالى» 1997 جىلعى 11 شىلدەدەگى قازاقستان رەسپۋبليكاسى زاڭىن ورىنداۋ ءۇشىن ازىرلەنگەن. 2. وسى كريتەريلەردە مىناداي ۇعىم پاي­دالانىلادى: 1) باقىلاۋ سۋبەكتىسى – قىزمەت بارىسىندا ءىس جۇرگىزۋدە تىلدەردى قازاقستان رەسپۋبليكاسىنىڭ ءتىل تۋرالى زاڭدارىنا سايكەس قولداناتىن ورتالىق جانە جەرگىلىكتى اتقارۋشى ورگاندار; 2) تاۋەكەل – ورتالىق جانە جەرگىلىكتى اتقارۋ­شى ورگاندار تاراپىنان ءتىل تۋرالى زاڭنا­ما­لاردىڭ ساقتالۋىن قامتاماسىز ەتۋ بويىنشا شارا قولدانباۋى. 3. تاۋەكەل دارەجەسىنە بايلانىستى سۋبەكتى­لەر مىناداي جوسپارلى تەكسەرىس جۇرگىزۋ مەرزىمدىلىگىمەن جوعارى, ورتاشا جانە بولماشى تاۋەكەل توپتارىنا جاتادى: وبەكتىلەردىڭ جوعارى دارەجەلى تاۋەكەلىندە – جىلىنا ءبىر رەتتەن; وبەكتىلەردىڭ ورتاشا دارە­جەلى تاۋەكەلىندە – ءۇش جىلدا ءبىر رەتتەن; وبەكتىلەردىڭ بولماشى دارەجەلى تاۋەكەلىندە – بەس جىلدا ءبىر رەتتەن ءجيى ەمەس. 4. العاشقىدا بارلىق باقىلاۋ سۋبەكتىلەرى بولماشى تاۋەكەل دارەجەسىنە جاتقىزىلادى. 5. بۇدان ءارى تەكسەرۋ ناتيجەلەرى بويىنشا كريتەريلەر بويىنشا جيناعان باللداردى ەسەپكە الا وتىرىپ, تەكسەرۋدەن وتكەن باقىلاۋ سۋبەكتىسى تاۋەكەل دارەجەسىنىڭ ءتيىستى توپتارىنا بولىنەدى: 1) تاۋەكەل دارەجەسىنىڭ بولماشى توبىنا تەكسەرۋ ناتيجەسى بويىنشا 1-دەن 5-كە دەيىن بالل جيناعان باقىلاۋ سۋبەكتىلەرى جاتادى; 2) تاۋەكەل دارەجەسىنىڭ ورتاشا توبىنا تەكسەرۋ ناتيجەسى بويىنشا 6-دان 11-گە دەيىن بالل جيناعان باقىلاۋ سۋبەكتىلەرى جاتادى; 3) تاۋەكەل دارەجەسىنىڭ جوعارى توبىنا تەكسەرۋ ناتيجەسى بويىنشا 11 باللدان جوعارى جيناعان باقىلاۋ سۋبەكتىلەرى جاتادى. 6. تاۋەكەل دارەجەسىن باعالاۋدىڭ كريتەريلەرى بولىپ مىنالار تابىلادى: ءىس جۇرگىزۋگە قويىلاتىن تالاپتاردىڭ بۇزى­لۋى – 1 بالل; كورنەكى اقپاراتتار ماتىندەرىن ورنالاستىرۋ ءتارتىبىنىڭ ساقتالماۋى – 2 بالل; ازاماتتاردىڭ وتىنىشتەرىنە قايتارىلاتىن جاۋاپ ءتىلىنىڭ ساقتالماۋى – 3 بالل; قۇجاتتاما جۇرگىزۋ ءتىلىنىڭ قامتاماسىز ەتىلمەۋى – 4 بالل; اكتىلەردىڭ مەملەكەتتىك تىلدە قابىلدانباۋى – 5 بالل. –––––––––––––––– بۇيرىق قازاقستان رەسپۋبليكاسىنىڭ ءادى­لەت مينيسترلىگىندە 2011 جىلعى 18 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6827 بولىپ ەنگىزىلدى.