مالىمدەمە ماقساتى – مامىلە

كەشە وسك شىعارعان الدىن الا قورىتىندى بويىنشا سايلاۋدا 1,4 % پايىز داۋىس جيناعان حالىقتىق كوممۋنيستەر پارتياسىنان پرەزيدەنتتىككە ۇمىتكەر جامبىل احمەتبەكوۆ ۇلتتىق ءباسپاسوز كلۋبىندا سايلاۋدان كەيىنگى قورىتىندى ءباسپاسوز ءماسليحاتىن وتكىزدى. وندا ول ءوز پارتياسى اتىنان ەلباسىنى قۇتتىقتاپ, ۇندەۋىن جاريالادى. بۇل سايلاۋ وتكەن سايلاۋلارعا ۇقسامايتىن وزىندىك سيپاتىمەن ەرەكشەلەنەدى, دەلىنگەن ءمالىم­دەمەدە. ماڭىزدىلىعى جاعىنان جاي عانا سايلاۋ بولىپ قويعان جوق. بۇل مەملەكەتتىك بيلىك ءجۇ­يەسىنىڭ ومىرشەڭدىگىنە, ونىڭ قا­زىرگى زامانعا جانە ءوز حالقىنىڭ مۇددەسىنە سايكەس كەلەتىندىگىنە بەرىلگەن باعا بولدى. وسىنداي سايا­سي جاعدايدا نۇرسۇلتان نازار­باەۆتىڭ جەڭىسى ءبىر عانا ەلەك­تورالدى مەرزىمدە دايىن بولۋى مۇمكىن ەمەس ەدى. بۇل جاعدايدا حالىق سەنىمىنىڭ نەگىزى تەرەڭنەن باس­تالدى جانە وعان ءبىز كۋا بولدىق. ورتالىق سايلاۋ كوميسسياسى جاريالاعان داۋىس بەرۋ ءناتي­جە­لەرى ناقتى شىندىقتى وبەكتيۆتى تۇردە كورسەتىپ وتىر. مۇنى مو­يىنداۋىمىز قاجەت. جالپى ال­عان­دا ەلەكتورالدى ءىس-شارا ەلىمىزدىڭ زاڭنامالارىنا سايكەس وتكىزىلدى دەي الامىن. قحكپ اتىنان تۇسكەن ماعان بۇقارالىق اقپارات قۇرال­دارىنا, سونىڭ ىشىندە ەلەكتروندى باق-تارعا شىعۋىما جانە ساي­لاۋ­شىلارمەن كەزدەسۋىمە ەشقان­داي بوگەتتەر بولعان جوق. مەنىڭ حالىقپەن بولعان ساي­لاۋالدى كەزدەسۋلەردەن تۇيگەن باستى نارسەم – ەلدىڭ بيلىكتەن تۇبەگەيلى الەۋمەتتىك وزگەرىستەردى كۇتۋىندە. ازاماتتار ءوز تاعدىر­لا­رىن جاساۋعا مەملەكەتتىڭ ارالا­سۋىن تالاپ ەتۋدە. مەنىڭ سايلاۋ الدى باعدارلامام وسى ماسە­لە­لەردى شەشۋگە ارنالدى. سوندىق­تان مەن مەملەكەتتىك ساياساتتا قاراپايىم حالىق ءۇشىن الەۋمەت­تىك كۇرت وزگەرىستەردىڭ بولاتى­نىنا سەنىمدىمىن, دەدى ول. جاس ساياساتكەرگە پرەزيدەنتتىك سايلاۋ ۇلكەن سىناق, ءارى كاسىبي تۇرعىدا قالىپتاسۋ جولىندا ءتاجى­ريبە جيناقتاۋ ەكەنى راس. سايلاۋ ناۋقانى ماعان حالىقپەن تىكەلەي سۇحباتتاسۋعا, ولاردىڭ كوڭىل-كۇيىن, بۇگىنگى ماسەلەلەرىن ءوز كو­زىممەن كورۋگە, سەنىمىنە ءۇمىت وتىن وياتۋىما مۇمكىندىك بەردى. ەلى­مىزدىڭ بارلىق ايماقتارىندا بو­لىپ, مىڭداعان ادامدارمەن ءجۇز­دەسكەننەن كەيىن مۇلدەم باسقا ادام بوپ شىققانىمدى سەزىنەمىن. ساياساتكەرلىك جاۋاپكەرشىلىك سەزىمنەن باستالادى. ياعني, ءوز سوزىڭە, ءىس-ارەكەتتەرىڭە, سەنىم ارتقان ادام­دارعا جاۋاپ بەرۋ. سايلاۋ كامپانياسى كەزىندە مەنى قولداپ, ماعان داۋىس بەرگەن حالىققا, تۇراقتىلىقتى تەرىسكە شىعار­ما­عاندارعا العىسىمدى بىلدىرەمىن. بولاشاقتا سايلاۋشىلار سەنىمىن ءبىر عانا تاسىلمەن, ءوز پرينتسيپتەرىمدى ناقتى ۇستانىپ, ۇنەمى قارا­پايىم حالىقتىڭ مۇددەلەرىن قورعاۋ ارقىلى اقتاي الامىن, دەدى ول ءوز سوزىندە. *** كەشە ەلورداداعى ۇلتتىق ءباسپاسوز ورتالىعىندا «اۋىل» سوتسيال-دەموكراتيالىق پارتياسىنىڭ توراعاسى عاني قاليەۆ ءسوز سويلەپ, بۇل ۇيىم ءىس ۇستىندەگى پرەزيدەنتتىڭ كاندي­داتۋ­راسىن قولداپ داۋىس بەرگەندىگىن مالىمدەدى. «قازاقستان سوتسيال-دەمو­كرا­تيا­­لىق «اۋىل» پارتياسى وسى ساي­لاۋ­دىڭ قورىتىندىسىن تولىق قولداي­تىندىعىن بىلدىرە وتىرىپ, نۇر­سۇلتان نازارباەۆتى جوعارعى بيلىككە قايتا سايلانۋىمەن قۇت­تىق­تايدى, دەپ باستادى ءسوزىن ع.قاليەۆ. وسى سايلاۋدىڭ جاۋاپكەرشىلىگى مەن ماڭىزدىلىعىن ءتۇ­سىنە وتىرىپ, «اۋىل» پارتياسى مۇشەلەرى دەمو­كراتيالىق كۇشتەر قاۋىمداس­تى­عىنا قوسىلدى. نۇر­سۇلتان ءابىش­ ۇلى نازارباەۆتىڭ كانديداتۋراسىن قولداي وتىرىپ, ءبىز اۋىلدا تۇراتىن كوپشىلىك قا­ۋىمنىڭ ويىن بىلدىردىك دەپ ويلايمىز. ءبىز ەلىمىزدىڭ تۇراقتى دا­مۋى­نا, دۇنيەجۇزىلىك باسەكە­لەس­تىك­كە شىعۋىنا, حالقىمىزدىڭ ءوسىپ-وركەندەۋىنە شىنايى سەنىمدەمىز. بۇل كەزەكتەن تىس پرەزيدەنتتىك ساي­لاۋ ەلىمىزدىڭ زاڭدارىنا ءساي­كەس ءوتتى جانە سايلاۋالدى ۇگىت-نا­سيحات جۇمىستارىن جۇرگىزۋدە بار­لىق كانديداتتارعا بىردەي جاعداي جاسالدى دەپ ەسەپتەيمىز. اۋىلدىق جەردەگى سايلاۋشى­لار­دىڭ جوعارعى بەلسەندىلىگى, ءوز­دە­رىنىڭ كەلەشەگىنىڭ, ءال-اۋقات­تا­رى­نىڭ جاقسارۋىن نۇرسۇلتان ءابىش­ ۇلى نازارباەۆپەن باي­لا­نىس­تىراتىندىعىن دالەلدەيدى. ەل كوشباسشىسىنىڭ باس­شى­لى­عىمەن ەلىمىز ودان ءارى وركەن­دەپ, ساياسي-ەكونوميكالىق احۋالدى جاق­سارتۋ, دەموكراتيالىق ءۇردىس­تەردى دامىتۋ, ەلدەگى ساياسي رەفور­ما­لاردى جاڭعىرتۋ باعىتىنداعى جۇ­مىستاردى ودان ءارى جال­عاس­تى­رادى دەپ سەنەمىز, دەلىنگەن پارتيا توراعاسى وقىعان ءمالىم­دەمەدە. *** سايلاۋ وتكەن كۇننىڭ ەرتەسىندە ەلوردادا «ادىلەت» دەمو­كراتيالىق پارتياسىنىڭ تەڭ توراعاسى ماقسۇت نارىكباەۆ مالىمدەمە جاسادى. «ادىلەت» پارتياسى «قازاقستان -2020» كواليتسياسىنىڭ مۇشەسى رەتىندە ەلىمىزدىڭ ميلليونداعان ازاماتتارىمەن بىرگە قازىرگى پرەزيدەنت نۇرسۇلتان نازارباەۆتىڭ وكىلەتتىگىن سوزۋ تۋرالى رەفە­رەن­دۋمدى قولداعان بولاتىن دەدى. بىراق, ءوزىنىڭ دەمو­كرا­تيالىق قۇندىلىقتارعا ادال ەكەندىگىن بىلدىرگەن ەلباسى, مەرزىمىنەن بۇرىن پرەزيدەنتتىك سايلاۋ وتكىزۋ تۋرالى شەشىم قابىلدادى. بۇل شەشىم دە ءبىزدىڭ پارتيا تارا­پىنان قولداۋ تاپتى. پرەزيدەنتتىڭ كانديداتۋراسىن بەلسەنە قولداۋ ءۇشىن سايلاۋالدى ناۋقانىنا تىكەلەي قاتىسقان ءادى­لەت­تىكتەر جۇرشىلىقتى الەۋمەت­تىك تۇراقتىلىققا, قوعامدىق كەلىسىمگە, ۇلتتىق بىرلىككە, حالىقتىڭ تۇرمىس جاعدايىن كوتەرۋگە, ەلى­مىزدىڭ ودان ءارى دە وسى قالىپپەن تۇراقتى دامي بەرۋىنە جانە قا­زاق­ستان رەسپۋبليكاسىنىڭ تۇڭ­عىش پرەزيدەنتى, ەلباسى ءجۇر­گىز­گەن 20 جىلدىق سىندارلى سايا­ساتتىڭ ارقاسىندا قازاقستاننىڭ جەتكەن جەتىستىكتەرى ءۇشىن داۋىس بەرۋگە شاقىردى. كەشەگى پرەزيدەنتتىك سايلاۋدا نۇرسۇلتان نازارباەۆتىڭ ايقىن باسىمدىلىقپەن جەڭىسكە جەتۋى – بۇكىل حالىقتىڭ ەلباسى ساياساتىن تولىق قولدايتىنىن دالەلدەپ قانا قويماي, رەفەرەندۋم وتكىزۋ تۋرالى باستامانىڭ قانشالىقتى ومىرشەڭ بولعاندىعىنا دا كوز جەتكىزدى. ءبىز وسى سايلاۋ ارقىلى رەفەرەندۋم تۋرالى باستامانىڭ نەگىزگى ماقساتىنىڭ ءىس جۇزىنە اسقاندىعىنا كۋا بولدىق. سايلاۋ ناتيجەسىنەن قازاقستان حالقىنىڭ نۇرسۇلتان نازارباەۆتىڭ ەل ال­دىنداعى تاريحي ءرولىن شىنايى باعالايتىندىعىن جانە وعان دەگەن قۇرمەت پەن سەنىمنىڭ ودان ءارى ارتا تۇسكەندىگىن ەشبىر كۇمانسىز بايقاۋعا بولادى. وسى سايلاۋدا ءبىر كىسىدەي جۇمىلا داۋىس بەرگەن قازاق­ستان­دىقتار الدا تۇرعان اسا ءىرى ەكو­نوميكالىق جانە الەۋمەتتىك دامۋ جولىمەن قاتار, قازىرگى كەزەڭدەگى زامانا تالابىنا ساي تۇبەگەيلى سايا­سي رەفورمالارعا دا بار كۇشى مەن جىگەرىن ايامايتىندىقتارىن پاش ەتتى. الدىمىزدا اۋىرتپالىعى زور, ماڭىزدىلىعى مول قىرۋار ىستەر مەن اسقار اسۋلار اساتىن ۇلى كوش كۇتىپ تۇر. كوش كومبەسىنە ءوز تاڭداۋىمىزدىڭ يەسى – ەلباسى بىرەۋ, باسقالارىمىز وعان تىرەۋ بولىپ جەتەيىك! ۆەنەرا تۇگەلباي.