اقمولا وبلىسىندا بالاباقشا اشىلدى

اقمولا وبلىسىنىڭ بۋراباي اۋدانىندا 125 ورىندىق بالاباقشا اشىلدى, دەپ حابارلايدى قازاقپارات. بۇگىن ايماق باسشىسى سەرگەي كۋلاگين جۇمىس ساپارىمەن بۋراباي اۋدانىندا بولىپ, بىرقاتار الەۋمەتتىك-وندىرىستىك نىساندارىمەن تانىستى. ساپار كەزىندە ايماق باسشىسى وقجەتپەس اۋىلىنداعى مەملەكەتتىك-جەكەمەنشىك سەرىكتەستىك اياسىندا اشىلعان 125 بالاعا ارنالعان «بالاپان» بالاباقشاسىندا بولدى. جارتى عاسىرعا جۋىق بۇرىن سالىنعان عيماراتقا وتكەن جىلى كۇردەلى جوندەۋ جۇمىستارى جۇرگىزىلىپ, بالاباقشا رەتىندە قايتا جاساقتالدى. مەكەمە باسشىسى راۋشان يبراەۆانىڭ ايتۋىنشا, جوبانىڭ قۇنى 70 ميلليون تەڭگەنى قۇراپ وتىر. ونىڭ 60 ميلليون تەڭگەسى «دامۋ» كəسىپكەرلىكتى دامىتۋ قورى ارقىلى بولىنگەن. «قازىرگى زامانعا ساي جابدىقتالعان بالاباقشادا بالالاردىڭ مەكتەپكە دەيىنگى ءبىلىم مەن تəربيە الۋىنا بارلىق جاعداي جاسالىنعان.  وسى ماقساتتا 30 ميلليون تەڭگەنىڭ قۇرال-جابدىقتارى ساتىپ الىنىپ, ورناتىلدى. نىساندا 4 ويىن الاڭى, 4 جاتىن بولمە, 4 سانيتارلىق جەلى, سپورت جəنە مۋزىكا زالدار بار. ۇستىمىزدەگى جىلى  عيماراتتىڭ كارىز, سۋ جəنە جىلۋ جۇيەلەرىن جاڭارتۋ كوزدەلىپ  وتىر», - دەدى ر.يبراەۆا.