مەملەكەتكە قاجەت ەمەس نىساندار جابىلادى - قر ۇلتتىق ەكونوميكا ءمينيسترى

ۇر ۇلتتىق ەكونوميكا ءمينيسترى تيمۋر سۇلەيمەنوۆ "بايتەرەك" جانە "قازاگرو" حولدينگتەرىنىڭ قايتا قۇرىلۋى مۇمكىندىگى تۋرالى پىكىر ءبىلدىردى. "وزدەرىڭىز جولداۋدان ەستىگەندەي, كەيبىر نىساندار قايتا قۇرىلادى نەمەسە مۇلدەم جويىلادى. ياعني جارامسىز, مەملەكەتكە پايداسى جوق نىساندار جويىلادى. بۇل دەگەنىمىز كەشەننىڭ جەكەمەنشىك ەكەنى تۇسىنىكتى, الايدا ول زاڭ جۇزىندە جويىلادى", - دەدى سۇلەيمەنوۆ قر ۇكىمەتىنىڭ وتىرىسىنان كەيىن وتكەن بريفينگتە. "بايتەرەك" حولدينگىنىڭ توراعاسى ەربولات دوساەۆ جۋرناليستەردىڭ سۇراعىنا جاۋاپ بەرە وتىرىپ, قازىرگى ۋاقىتتا حولدينگتەردىڭ بىرىگۋى تۋرالى ايتۋ ازىرشە ەرتە ەكەنىن ايتتى. ۇلتتىق حولدينگتىڭ توراعاسىنىڭ ايتۋىنشا, بۇل ماسەلە تەك تالقىلاۋ ساتىسىندا تۇر. ەسكە سالايىق, قازاقستان پرەزيدەنتى مەملەكەتتىك حولدينگتەردىڭ ("سامرۇق-قازىنا", "بايتەرەك" جانە "قازاگرو") ءرولىن قايتا قاراپ شىعۋدى تاپسىرعان. سونداي-اق, ولارعا باعدارلامالاردى ىسكە اسىرۋ ءۇشىن مەملەكەتتىك ەمەس قارجى كوزدەرى ارقىلى قور قالىپتاستىرۋمەن اينالىسۋ كەرەكتىگىن ايتتى.