شىمكەنتتە باۋىرجان مومىش ۇلىنىڭ ەسكەرتكىشى جاڭعىرتىلدى

شىمكەنتتە باۋىرجان مومىش ۇلىنىڭ ەسكەرتكىشى قايتا جوندەۋدەن وتكىزىلىپ, اينالاسى جاڭعىرتىلدى, دەپ حابارلايدى قازاقپارات. ەسكەرتكىش ءوزىنىڭ ەسىمىمەن اتالاتىن داڭعىل مەن تاۋكە حان داڭعىلى قيىلىسىندا ورنالاسقان. الدىمەن اتاقتى قولباسشى باۋىرجان اتانىڭ ەسكەرتكىشىنىڭ نەگىزگى تىرەۋى جاڭارتىلىپ, ەسكىرگەن گرانيت تاستارى الماستىرىلدى. ەسكەرتكىشتىڭ ارتقى تۇسىنداعى سۋبۇرقاقتاعى مرامورلىق تاستارى دا جاڭارتىلىپ جاتىر. ەندى «مرامورگرانيت تاس» مەردىگەر كومپانياسى ارلەۋ جۇمىستارىن جۇرگىزۋدە. ەسكەرتكىشتىڭ ءوزى ارنايى قوسپامەن ءسۇرتىلىپ-وڭدەلىپ, ءوڭى جاڭا كۇيدەگىدەي جىلتىراپ قالعان. ءۇش اپتا ۋاقىت ىشىندە مەردىگەر مەكەمە قالالىق «تۇرعىن-ءۇي, كوممۋنالدىق شارۋاشىلىق» ءبولىمى تاپسىرىسىن ۇلگەرىپ ورىنداپ شىقپاق نيەتتە. جوندەۋ جۇمىستارى بىرەر كۇندە تولىق اياقتالادى دەپ وتىر. ساپاسىنا مەردىگەر مەكەمە جاۋاپتى. ءۇش جىلدىق كەپىل مەرزىمدە جۇمىستاعى كەمشىلىكتەر انىقتالار بولسا, ونى رەتكە كەلتىرۋدى جۇمىس اتقارۋشى مەكەمە مىندەتىنە الادى.