قر قارجى مينيسترلىگىنىڭ قارجى مونيتورينگى كوميتەتىنىڭ توراعاسى تاعايىندالدى

ءانۋار جۇمادىلداەۆ قر قارجى مينيسترلىگىنىڭ قارجىلىق مونيتورينگ كوميتەتىنىڭ توراعاسى قىزمەتىنە تاعايىندالدى. بۇل تۋرالى قر قارجى مينيسترلىگىنىڭ تۆيتتەردەگى رەسمي اككاۋنتىندا حابارلاندى. ءانۋار سەرقۇل ۇلى جۇمادىلداەۆ 1965 جىلى 22 قىركۇيەكتە قىزىلوردا وبلىسى شيەلى كەنتىندە تۋعان. پ. لۋمۋمبا اتىنداعى رەسەي حالىقتار دوستىعى ۋنيۆەرسيتەتىن (1990), ماتەماتيك; باتىس قازاقستان ينجەنەر تەحنولوگيالىق ۋنيۆەرسيتەتىن (2006) بىتىرگەن, قارجىگەر. 1990 جىلدان - الماتى قالاسى قازكسر گا ماتەماتيكا جانە مەحانيكا ينستيتۋتىنىڭ تاعىلىمداماشى-زەرتتەۋشىسى. 1990 جىلدان - پ. لۋمۋمبا اتىنداعى حدۋ اسپيرانتى. 1992 جىلدان - الماتى قالاسى «فيرما اپاس» جشس كوممەرتسيالىق ديرەكتورى. 1997 جىلدان - الماتى قالاسى «الاۋگاز» اق باسقارۋشىسى, «اكتسەپت-پروفيل» جشس ۆيتسە-پرەزيدەنتى. 1997 جىلدان - الماتى قالاسى «اپاۋگاز» اق پرەزيدەنتىنىڭ مىندەتىن اتقارۋشى, پرەزيدەنتى. 2005 جىلدان - ورال قالاسىنداعى باتىس قازاقستان وبلىسى بويىنشا سالىق كوميتەتى توراعاسىنىڭ ورىنباسارى. 2008 جىلدان - قر قارجى مينيسترلىگى اقپاراتتىق تەحنولوگيالار دەپارتامەنتى اقپاراتتىق-تەلەكوممۋنيكاتسيالىق ينفراقۇرىلىم جانە اقپاراتتىق قاۋىپسىزدىك مونيتورينگى باسقارماسى باستىعىنىڭ مىندەتىن اتقارۋشى, باستىعى. 2008 جىلدىڭ جەلتوقسانىنان - قر قارجى مينيسترلىگىنىڭ سالىق كوميتەتى الكوگول, تەمەكى جانە ەزگە اكتسيزدەلەتىن ەنىمدى اكىمشىلەندىرۋ باسقارماسىنىڭ باستىعى, اكتسيزدەردى اكىمشىلەندىرۋ باسقارماسىنىڭ باستىعى. 2009 جىلدىڭ ساۋىرىنەن بەرى قر قارجى مينيسترلىگىنىڭ سالىق كوميتەتى تەراعاسىنىڭ ورىنباسارى قىزمەتىن اتقاردى.