تامارا دۇيسەنوۆا رەسپۋبليكالىق قوعامدىق قابىلداۋ وتكىزدى

«نۇر وتان» پارتياسىنىڭ رەسپۋبليكالىق قوعامدىق قابىلداۋىندا قر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا الەۋمەتتىك-ەڭبەك جانە دەنساۋلىق ساقتاۋ ماسەلەلەرى بويىنشا ەل ازاماتتارىن قابىلدادى, دەپ حابارلادى اتالعان مينيسترلىكتىڭ باسپاسوز قىزمەتى. مينيسترگە بارلىعى 19 ادام, ولاردىڭ ىشىندە استانا قالاcى, اقمولا پاۆلودار, قاراعاندى وبلىستارىنان كەلدى. سونىمەن قاتار, باتىس قازاقستان, جامبىل, ماڭعىستاۋ وبلىستارىنىڭ تۇرعىندارى تامارا دۇيسەنوۆامەن بەينەكونفەرەنتسيا بايلانىسى ارقىلى ءوز سۇراقتارىن قويدى. ولاردىڭ باسىم كوپشىلىگى زەينەتاقى مەن الەۋمەتتىك قامسىزداندىرۋ, ەمدەۋ بارىسىندا كومەك كورسەتۋ, جۇمىسپەن ماسەلەلەرىنە قاتىستى بولدى. «بۇگىنگى كەزدەسۋدە كوپتەگەن ازاماتتار زەينەتاقى مەن جاردەماقىلاردىڭ كولەمىن ارتتىرۋ ماسەلەلەرى بويىنشا ساۋالدار قويدى. مەملەكەت باسشىسىنىڭ تاپسىرماسى بويىنشا اعىمداعى جىلدىڭ 1 شىلدەسىنەن باستاپ زەينەتاقى تولەمدەرىنىڭ كولەمى 2016 جىلمەن سالىستىرعاندا 20%-عا, سونداي-اق, بالا تۋىنا بايلانىستى بەرiلەتiن بiر جولعى مەملەكەتتىك جاردەماقى مولشەرى 1 شىلدەدەن 20%-عا ارتتىرىلادى. وسى ماقساتتارعا رەسپۋبليكالىق بيۋدجەتتەن قوسىمشا 81,6 ملرد. تەڭگە بولىنەدى. اتالعان ماسەلەلەر بويىنشا قازاقستاندىقتار جۇمىسپەن قامتۋ جانە الەۋمەتتىك باعدارلامالار باسقارمالارىندا تولىق ماعلۇمات الا الادى. سونىمەن بىرگە, ازاماتتار مەنەن ناتيجەلى جۇمىسپەن قامتۋ مەن بۇقارالىق كاسىپكەرلىكتى دامىتۋ باعدارلاماسى تۋرالى سۇرادى. مەن ولارعا باعدارلاما بويىنشا نەسيە الۋ جولدارى, ازاماتتاردى جۇمىسپەن قامتۋ بارىسىندا قانداي تەتىكتەر قولدانىلاتىنى جايىندا مالىمەت بەردىم»,- دەپ حابارلادى تامارا دۇيسەنوۆا ازاماتتاردى قابىلداۋ اياقتالعان سوڭ.