ايگىلى برازيليالىق ويىنشى جانكۇيەرلەرمەن بىرگە فۋتبول وينادى (ۆيدەو)

«بارسەلونا» فۋتبول كلۋبىنىڭ بۇرىنعى جارتىلاي قورعاۋشىسى ايگىلى برازيليالىق ريۆالدو بەت-الپەتىن ادام تانىماستاي ەتىپ وزگەرتىپ, جاتتىعۋ الاڭىندا جانكۇيەرلەرمەن بىرگە فۋتبول وينادى. 44 جاستاعى برازيليالىقتىڭ كومانداسى 2:1 ەسەبىمەن جەڭىسكە جەتتى. ال ءوزى كەزدەسۋدىڭ ۇزدىك ويىنشىسى اتاندى. ايتا كەتەيىك, ريۆالدو «بارسەلونادا» 1997-2002 جىلدار ارالىعىندا دوپ تەپكەن. وسى ۋاقىت ارالىعىندا 157 ماتچقا قاتىسىپ, 86 گولدىڭ اۆتورى اتاندى. كاتالون كلۋبىنىڭ ساپىندا ەكى مارتە يسپانيا چەمپيونى اتانىپ (1997/98, 1998/99), ەل كۋبوگى (1997/98) مەن ۋەفا سۋپەركۋبوگىندا (1997) جەڭىسكە جەتكەن. سونىمەن قاتار, برازيليا ۇلتتىق قۇراماسىندا 74 ويىندا 34 گول سالعان. «پەنتاكامپەوندەرمەن» بىرگە امەريكا كۋبوگىنىڭ (1999), الەمنىڭ ۆيتسە-چەمپيونى (1998) جانە الەم چەمپيونى (2002) اتانعان. ال 1999 جىلى «التىن دوپ» يەگەرى اتاندى.