قىتاي ەكونوميكاسىنىڭ دامۋ قارقىنى باسەڭدەدى

قىتاي ەكونوميكاسىنىڭ دامۋ قارقىنى 2015 جىلى 9,6 پايىزعا, 2016 جىلى 6,7 پايىزعا باسەڭدەدى. بۇل سوڭعى 26 جىلداعى ەڭ تومەنگى كورسەتكىشتەر. بۇل تۋرالى قحر-نىڭ مەملەكەتتىك ستاتيستيكالىق بيۋروسىنىڭ مالىمەتتەرىنە سۇيەنە وتىرىپ, Reuters حابارلادى. ەكونوميكا ءوسىمىنىڭ كورسەتكىشتەرى قىتاي بيلگى وكىلدەرىنىڭ بولجامدارىمەن سايكەس كەلدى. العاشقى ءۇش توقساندا ءجىو-ءنىڭ جىلدىق ءوسىمى 6,7 پايىزعا جەتتى. ءتورتىنشى توقساندا 6,8 پايىزعا ارتتى. قحر-نىڭ ىشكى جالپى ءونىمىنىڭ كولەمى جىل قورىتىندىسى بويىنشا, 74,41 تريلليون ءيۋاندى قۇرادى (شامامەن 10,84 تريلليون دوللار). Reuters اگەنتتىگىنىڭ حابارلاۋىنشا, قىتاي ەكونوميكاسىنىڭ قازىرگى تاڭداعى جاعدايى وتكەن جىلمەن سالىستىرعاندا مىعىم ەكەندىگىنە قاراماستان, 2017 جىلى ونىڭ ءوسىمىن ناقتى ايتۋ قيىن بولىپ وتىر. سونىمەن قاتار بيلىك وكىلدەرىنىڭ ەكونوميكانىڭ دامۋ قارقىنى جەدەلدەتۋگە باعىتتالعان شارالارى دا ءالسىز. اقش-تىڭ سايلانعان پرەزيدەنتى دونالد ترامپتىڭ ساۋدا سالاسىندا پروتەكتسيونيستىك باعىت بويىنشا جۇرگىزىپ وتىرعان ساياساتى قىتاي ەكسپورتىنا قاتىستى ماسەلەنى قيىندىتا تۇسپەك. ونسىز دا مۇشكىل جاعدايعا ءيۋاننىڭ قۇنسىزدانۋى دا كەرى اسەرىن تيگىزۋدە.