تاڭات نوسەرباەۆ «ورداباسى» ويىنشىسى اتاندى

شىمكەنتتىڭ «ورداباسى» فۋتبول كومانداسى «استانانىڭ» بۇرىنعى كاپيتانى تاڭات نوسەرباەۆپەن كەلىسىمشارتقا وتىردى. بۇل تۋرالى vesti.kz حابارلادى. ايتا كەتەرلىگى, فورۆارد ءدال وسى شىمكەنتتىڭ مەكتەبىنەن تۇلەپ شىعىپ, كاسىبي مانسابىن فارم-كومانداسىنان باستاعان. ول 2011 جىلدان باستاپ الدىمەن قازاقستان پرەمەر-ليگاسىنداعى «لوكوماتيۆ» كومانداسىندا ويناپ, ارتىنشا «استاناعا» اۋىسقان. 2013 جىلى ەلوردالىقتاردىڭ كاپيتانى قىزمەتىن اتقاردى. «استانانىڭ» ساپىندا ءۇش دۇركىن ەل چەمپيونى اتانىپ, ءبىر رەت قازاقستان كۋبوگىنا قول جەتكىزگەن. سونىمەن قاتار, ءوز كومانداسىن چەمپيوندار ليگاسى مەن ەۋروپا ليگاسىنىڭ توپتىق كەزەڭىنە وتۋىنە سەپتىگىن تيگىزگەن. 2016 جىلدىڭ اقپان ايىندا جاڭادان ۇشجىلدىق كەلىسىمشارتقا قول قويعان, الايدا وتكەن ايدا وتباسىلىق جاعدايىنا بايلانىستى ءوز ەركىمەن كلۋبتان كەتتى. بۇگىنگە دەيىن سىڭىرگەن ەڭبەگى ءۇشىن ۇجىم باسشىلىعى بۇل شەشىمىنە ەش بوگەت بولمادى. مۇندا ول 152 ماتچقا قاتىسىپ, 46 گولدىڭ اۆتورى اتانعان. ال «ورداباسىمەن» بىرجىلدىق كەلىسىمگە كەلدى.