استانادا ەكى اۆتوبۋس باعدارى وزگەردى

استانادا ەكى اۆتوبۋس باعدارىنىڭ قوزعالىس سىزبانۇسقاسى وزگەردى, دەپ حابارلايدى قالا اكىمدىگىنىڭ سايتى. ەلوردالىق جولاۋشىلار تاسىمالى باسقارماسىنىڭ حابارلاۋىنشا, قالانىڭ باعدارلىق جەلىسىن وڭتايلاندىرۋ اياسىندا 2017 جىلدىڭ 23 قاڭتارىنان باستاپ № 29 جانە № 76 باعدارلاردىڭ قوزعالىس سىزبانۇسقاسىنا كەلەسىدەي ءىشىنارا وزگەرىستەر ەنگىزىلەتىن بولادى. №29-باعدار سوڭعى «دارحان» بالاباقشاسى ايالداماسىنان - «استانا-قاراعاندى تاس جولى» ايالداماسىنا دەيىن وزگەرىسسىز, ءارى قاراي تولەباەۆ كوشەسىنە بۇرىلماي, ابىلاي حان داڭعىلىنىڭ بويىمەن جۇرەدى. كەرى باعىتتا وزگەرىسسىز. №76-باعداردىڭ قوزعالىسىنا كەلەسىدەي وزگەرىستەر ەنگىزىلدى: سوڭعى «ازامات» شاعىن-ماركەتى ايالداماسىنان - «بالقانتاۋ كوشەسى» ايالداماسىنا دەيىن وزگەرىسسىز, ءارى قاراي باعدار بالقانتاۋ كوشەسىنە بۇرىلماي, ايناكول كوشەسىنىڭ بويىمەن جۇرەدى. كەرى باعىتتا سوڭعى «ريتا» دۇكەنى ايالداماسىنان - «مەرەكە» ءسۇ ايالداماسىنا دەيىن وزگەرىسسىز, ءارى قاراي بالقانتاۋ كوشەسىنە كىرمەي, ايناكول كوشەسىنىڭ بويىمەن جۇرەدى.