ۋنيۆەرسياداعا دايىندىقتىڭ قورىتىندىسى شىعارىلدى

پرەمەر-ءمينيستردىڭ ورىنباسارى يمانعالي تاسماعامبەتوۆتىڭ توراعالىعىمەن الماتى قالاسىندا وتەتىن 2017 جىلعى XXVIII دۇنيەجۇزىلىك قىسقى ۋني­ۆەرسياداعا دايىندىق بارىسى جونىندە كەڭەس ءوتتى, دەپ حابارلادى پرەمەر-ءمينيستردىڭ ءباسپاسوز قىزمەتى. قازاقستان رەسپۋب­لي­كا­سىنىڭ سپورتشىلارى العاش رەت ۋنيۆەرسيادا باعدار­لاماسىنا ەنگەن سپورتتىڭ بارلىق ءتۇرى بويىنشا سايىس­قا تۇسەدى. قا­زاقستان تاراپىنان قاتى­ساتىن 250 سپورتشى جارىسقا ءازىر تۇر. وتىرىس بارىسىندا XXVIII دۇنيەجۇزىلىك قىسقى ۋني­ۆەرسياداعا داي­ىندىق بارىسى ونىڭ ىشىندە ستۋ­دەنتتىك كوماندالاردىڭ وقۋ-جاتتىعۋ جيىنىن وتكى­زۋ قورىتىندىسى, FISU كون­فەرەنتسياسىن ۇيىم­داستىرۋ جانە ۇلتتىق قۇرا­ما كوماندانى پارادتىق سپورت كيىمدەرىمەن قامتا­ما­سىز ەتۋ ماسەلەلەرى قاراستىرىلدى. ۋنيۆەرسياداعا دايارلىق اياسىندا 12 قىسقى سپورت تۇرىنەن 26 وقۋ-جاتتىعۋ جيىنى ۇيىمداستىرىلدى جانە وتكىزىلدى. ونىڭ ىشىندە كەرلينگ, شايبالى حوككەي, كونكي تەبۋ سپورتى, مانەرلەپ سىرعاناۋ, شورت-ترەك, بياتلون, شاڭعى جارىسى, شاڭعىمەن تۇعىردان سەكىرۋ, تاۋ شاڭعىسى, فريستايل (اكروباتيكا), سنوۋبورد جانە شاڭعى قوسسايىسى بار. وعان 32 جوعارى وقۋ ورنى مەن 5 كوللەدجدەن 137 سپورتشى قاتىستى. سونداي-اق, 2-5 اقپان كۇندەرى «ۋنيۆەرسيتەتتىك سپورت: قوعامنىڭ دەنساۋ­لىعى مەن بولاشاعى» تاقى­رى­بىندا ۋنيۆەرسيادا باع­دارلاماسىنىڭ رەسمي بولىگى سانالاتىن FISU قىس­قى كونفەرەنتسياسى وتەدى. شاراعا الەمنىڭ 30 ەلى­نەن ۇلتتىق ستۋدەنتتىك فەدە­را­تسيالاردىڭ پرەزيدەنتتەرى, جوو-لاردىڭ رەكتورلارى, الەمدىك قوعامداستىقتاعى جەتەكشى عالىمدار مەن ما­ماندار قاتىسادى دەپ كۇتى­لۋدە.