سەمەيدە جاڭا شاعىن اۋدان سالىنادى

سەمەيدە بيىل «قاراعايلى» دەپ اتالاتىن جاڭا شاعىن اۋداننىڭ قۇرىلىسى باستالادى, دەپ جازادى «حابار 24». جوبا شىعىس قازاقستان وبلىسىنىڭ اكىمى دانيال احمەتوۆكە تانىستىرىلدى. وسى جىلى وندا 10 شاقتى كوپقاباتتى تۇرعىن ءۇي سالۋ كوزدەلگەن. ءاربىر نىساندا مىندەتتى تۇردە كولىك تۇراعى قاراستىرىلادى. سونىمەن قاتار, جاڭا شاعىن اۋداندا الەۋمەتتىك نىساندار دا كوپتەپ سالىنباق. سولاردىڭ ءبىرى - 5 مىڭ ادامعا ارنالعان «اباي ارەنا» دەمالىس جانە سپورت كەشەنى. «1 جىلدان كەيىن وسى قالانىڭ 300 جىلدىق تويى بولادى. سول سەبەپتەن ەلباسى, پرەزيدەنتتىڭ تاپسىرماسى بويىنشا ءبىز ءبىرسىپىرا جاڭالىقتى وسى ەلگە, وسى قالاعا اكەلەمىز دەپ وتىرمىز. اباتتاندىرۋ جۇمىسىن كوردىڭىز بە, جاقسى بولادى. سودان كەيىن جول جوندەۋ جۇمىسى, وعان دا قوسىمشا 1 ميلليارد بەردىك. اباتتاندىرۋ جۇمىسىنا جارتى ميلليارد قوسايىن دەپ جاتىرمىز», - دەيدى شىعىس قازاقستان وبلىسىنىڭ اكىمى دانيال احمەتوۆ.