2016 جىلى 226 مىڭ قازاقستاندىق «نۇر وتاننان» كومەك سۇراعان

بۇگىن «نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەد بەينە بايلانىس ارقىلى پارتيانىڭ قۇرىلىمدىق بولىمدەرى جانە وبلىستىق فيليالدارىنىڭ باسشىلارىمەن كەڭەيتىلگەن جينالىس وتكىزدى, دەپ حابارلادى پارتيانىڭ ءباسپاسوز قىزمەتى. وندا توراعانىڭ ءبىرىنشى ورىنباسارى پارتيانىڭ 2016 جىلعى جۇمىسىن قورىتىندىلاپ, الداعى جوسپاردىڭ باسىم باعىتتارىن ناقتىلادى. جيىن بارىسىندا مۇحتار قۇل-مۇحاممەد «نۇرلى جول» باعدارلاماسىنىڭ جۇزەگە اسىرىلۋىن باقىلاپ, پارتيالىق مونيتورينگ جاساۋ پارتيا توراعاسىنىڭ تىكەلەي تاپسىرماسى ەكەنىن اتاپ ءوتتى. «سول سەبەپتى, پارتيا ايماقتىق فيليالدارىنىڭ باسشىلارىنا اتالعان باعدارلامانىڭ ورىندالۋ بارىسىنا پارتيالىق باقىلاۋدى كۇشەيتۋدى تاپسىرامىن. باعدارلامانىڭ ۋاقىتىلى ءارى ساپالى جۇزەگە اسۋىنا كەدەرگى كەلتىرەتىن ولقىلىقتارعا ەرەكشە ءمان بەرۋ كەرەك», - دەدى پارتيا توراعاسىنىڭ ءبىرىنشى ورىنباسارى. ەكىنشىدەن, «نۇر وتان» پارتياسى ۇلتتىق بىرىڭعاي تەستىلەۋدىڭ مەجەلىك دەڭگەيىنەن وتە الماعان نەمەسە اتالعان سىناققا مۇلدەم قاتىسپاعان مەكتەپ تۇلەكتەرىنە قولداۋ كورسەتۋ بويىنشا پرەزيدەنت تاپسىرماسىن ءساتتى ورىندادى. ەلىمىز بويىنشا تەستىلەۋگە قاتىسپاعان 54 مىڭ تۇلەك انىقتالىپ, ولاردىڭ ارقايسىسىنا پارتيا تاراپىنان كومەك كورسەتىلدى. ماسەلەن, 9 مىڭى جۇمىسقا ورنالاستىرىلسا, قالعاندارى جوعارى وقۋ ورىندارى مەن كاسىپتىك تەحنيكالىق ءبىلىم بەرۋ مەكەمەلەرىنە وقۋعا ءتۇستى. ۇشىنشىدەن, ارنايى «جەدەل جەلى» مەن ينتەرنەت سايتىنىڭ ارقاسىندا پارتيا قوعامدىق قابىلداۋىنىڭ قىزمەت اياسى كەڭەيىپ, ماڭىزى ارتا ءتۇستى. وتكەن 2016 جىلى 226 مىڭنان استام قازاقستاندىق «نۇر وتاننان» كومەك سۇراعان. تورتىنشىدەن, «نۇر وتان» پارتياسى مەملەكەت باسشىسىنىڭ تاپسىرماسىمەن ەشقانداي بالاماسى جوق NURINTECH رەسپۋبليكالىق يننوۆاتسيالىق بايقاۋىن وتكىزدى. ونىڭ باستى ماقساتى - جاس ۇرپاق اراسىنداعى عىلىمي ىزدەنىستىڭ دامۋىنا تىڭ سەرپىن بەرۋ. بەسىنشىدەن, از قامتىلعان وتباسىلارىنان شىققان تالانتتى جانە بولاشاعى زور جاستاردىڭ ساپالى ءبىلىم الۋىن قامتاماسىز ەتۋ ماقساتىندا پرەزيدەنتتىڭ تاپسىرماسىمەن پارتيا «نۇر ارمان» بىرەگەي جوباسىن قولعا الدى. قازىردىڭ وزىندە جوبا ارقىلى 9 جاس ورەن ۇلىبريتانيا, قىتاي, مالايزيا جانە رەسەيدە ءبىلىم الۋعا مۇمكىندىك بەرەتىن قايىرىمدىلىق گرانتىنا يە بولدى.