تارباعاتايداعى قوس قۋانىش

ءدال وسى ۋاقىتتا وتكەن جىلى تارباعاتاي اۋدانىنىڭ بىرنەشە ەلدى مەكەنىن سۋ شايىپ, تابيعات اپاتى 500-گە تارتا تۇرعىن ءۇيدى, الەۋ­مەتتىك عيماراتتاردى قيراتىپ كەتكەن ەدى. ارادا ءبىر جىل وتە شىقتى. ەندى, مىنە, تارباعاتاي اۋدانىنىڭ تۇرعىن­دارى ناۋرىز مەرەكەسىن وبلىس اكىمى بەردىبەك ساپارباەۆپەن بىرگە قارسى الدى. ءوڭىر باسشىسى جانتەكەي اۋى­لىن­داعى جاڭادان بوي كوتەرگەن 180 ورىن­دىق مەكتەپتىڭ تۇساۋىن كەستى. اۋىل تۇرعىندارىن ناۋرىز مەرەكەسىمەن قۇت­تىقتاعان سوڭ مەكتەپكە تەلەديدار مەن لينگوفون كابينەتىنە ارنالعان جاب­دىقتاردى تاپسىردى. تارباعات­اي­لىق­تار سىن ساتتە جاناشىرلىق تانىت­قان بيلىككە العىستارىن جاۋدىردى. سول كۇنى ءوڭىر باسشىسى اقسۋات اۋىلىندا جاڭا ورتالىق اۋرۋ­حا­نا­نىڭ سالتاناتتى اشىلۋىنا قاتىس­تى. بۇ­رىنعى اۋدان ورتالىعى اق­جار اۋى­لىن­دا تۋبەركۋلەزگە قارسى 50 ورىن­دىق اۋرۋحانا قۇرىلىسى دا اياقتالىپ, وبلىس اكىمى ونى قابىل­داپ الدى. امان­شىلىق بولسا, ءتور­تىن­شى توقسان­نان باستاپ, تاسقىن سۋدان ەڭ كوپ زارداپ شەككەن كوك­جى­را اۋى­لىن­داعى 600 ورىندىق ءزاۋلىم مەكتەپتە وقۋ­شى­لار ءبىلىم نارىمەن سۋسىنداماق. وڭداسىن ەلۋباي, شىعىس قازاقستان وبلىسى.