ماسەلەنىڭ ءبارى ماڭىزدى

كەشە قازاقستان بوكس فەدەراتسياسىنىڭ پرەزيدەنتى تيمۋر ق ۇلىباەۆتىڭ توراعالىق ەتۋىمەن وسى ۇيىمنىڭ جىلدىق قورىتىندىسىنا ارنالعان ءماجىلىس ءوتتى. ماجىلىستە فەدەراتسيانىڭ ءوت­كەن جىلعى جۇمىسى, تورەشىلەر مەن باپكەرلەردىڭ قىزمەتى, ەرلەر جانە ايەلدەر اراسىندا وتكەن ەل چەم­پيوناتىنىڭ قورىتىندىسى, ەلىمىزدە العاش رەت ۇيىمداستىرىلعان ايەل­­دەر اراسىنداعى ازيا چەم­پيو­ناتى, «استانا ارلاندارى» كا­سىپ­قوي سپورت كلۋبى» جشس-ءنىڭ قىز­مەتى مەن باسقا دا ماسەلەلەر قارالدى. وسى ماسەلەلەر بويىنشا جيىن­دا فەدەراتسيانىڭ باسشىلارى ءسوز سويلەپ, اتقارىلعان جۇمىستار تۋ­رالى كەڭىرەك مالىمەت بەردى. وندا ەرلەر جانە ايەلدەر اراسىندا وتكەن حالىقارالىق, ەلىشىلىك جارىس­تار­دىڭ ناتيجەلەرىنە جوعارى باعا بەرىلدى. ماسەلەن, بوكسشىلار ارا­سىن­دا باسەكەلەستىكتى ارتتىرۋ ءۇشىن ءوت­كەن قازاقستان بوكس فەدەرا­تسيا­سى­نىڭ كۋبوگى جولىنداعى جارىستار مەن باسقا دا تۋرنيرلەرگە ماماندار تاراپىنان لايىقتى باعا بەرىلسە, جيىنعا قاتىسۋشىلاردىڭ ءبارى بۇكىلالەمدىك بوكس تۇجى­رى­مى بويىنشا كاسىپقوي بوكس­شى­لاردىڭ اراسىندا ءوتىپ جاتقان جا­رىسقا قاتىسۋ ءۇشىن قۇرىلعان «اس­تانا ارلاندارى» ۇلتتىق قۇرا­ما­سىنىڭ ناتيجەلەرىن باس بارماق­پەن باعالادى. ەستەرىڭىزگە سالا كەتسەك, «استانا ارلاندارى» كومانداسى جاقىن­دا وڭتۇستىك كورەيانىڭ «قىزىل قانات­تىلار» بوكسشىلارىمەن كەزدەسىپ, 3:2 ەسەبىمەن جەڭىسكە جەتتى. ءسويتىپ, «ارلاندار» جارتىلاي في­نالعا جول­داما السا, ونىڭ قۇرا­مىنداعى ق­ا­نات ءابۋتالىپوۆ پەن ەر­جان ءمۇ­سا­پىروۆ وليمپيادا جول­داماسى ءۇشىن كۇرەسۋ مۇمكىندىگىنە يە بولدى. ال اۋەسقويلار اراسىندا وتكەن سوڭعى جارىستا قازاقستان قۇراماسى 3 التىن جۇلدەنى جەڭىپ الدى. باكۋ قالاسىندا وتكەن حالىقارالىق تۋرنيرگە بارعان 10 بوكسشىنىڭ ىشىندە ءمادي شولاقوۆ (55 كگ.), عاني جايلاۋوۆ (60 كگ.) پەن باقىتجان قوجا­بەكوۆ (69 كگ.) التىننان القا تاقتى. دەگەنمەن, بوكستاعى وسىنداي كوڭىل كونشىتەرلىك ناتيجەلەر اي­تىلعانىمەن, ماماندار بالالار ءجا­نە جاسوسپىرىمدەر, جاستار بوكسىن, سپورتتىق مەديتسينانى دامىتۋدا, تورەشىلەر مەن باپكەرلەر قىزمەتىن جەتىلدىرۋدە كەمشىلىكتەردىڭ بار ەكەنىن جاسىرمادى. وسى ماسەلەگە باي­لانىستى بىرنەشە ۇسىنىستار جا­سال­دى. ماسەلەن, فەدەراتسيا باس­شى­سى تيمۋر ق ۇلىباەۆ قى­تاي­دا ءاربىر بوكسشىنى جارىسقا دايىن­داۋ ءۇشىن ونىمەن ءتورت ءدا­رى­گەردىڭ, ال بىزدە ءبىر عانا ءدارى­گەردىڭ جۇمىس ىستەيتىنىن اي­تىپ, الداعى كەزدە ءبىزدىڭ ەلدە دە ءبىر بوكسشىمەن بىرنەشە ادام جۇمىس ىستەۋ كەرەك دەگەن ۇسىنىسىن ءبىلدىردى. سونداي-اق, ماماندار بالالار مەن جاسوسپىرىمدەر بوكسىن قول­داۋ ءۇشىن بوكس اكادەميا­سى­نىڭ قۇ­رى­لىسىن تەز­دەتىپ, وندا جاستاردىڭ بويىن­داعى قابىلەت-دارىندى اشۋ ءۇشىن بار جاعدايدى جاساۋ كەرەكتىگىن ەسكەرتتى. سونىمەن بىرگە, ماجىلىستە وسى جى­لى استانادا تۇڭعىش رەت كادەتتەر اراسىندا وتەتىن الەم چەم­پيو­نا­تىنا دايىندىق, 2013 جىلى ەرەسەكتەر اراسىندا الەم چەمپيوناتىن وتكىزۋ, لوندون وليمپياداسىنا جولداما الۋ ماسەلەلەرى قارالدى. داستان كەنجالين.