ارنايى وكىلمەن كەزدەستى

كەشە پارلامەنت سەناتىنىڭ توراعاسى قاسىم-جومارت توقاەۆ ەۋروپالىق وداقتىڭ ورتالىق ازيا ەلدەرى جانە گرۋزيا بويىنشا ارنايى وكىلى پەر مورەلدى قابىلدادى, دەپ حابارلادى سەناتتىڭ ءباسپاسوز قىزمەتى. كەزدەسۋ بارىسىندا قا­زاق­ستان رەسپۋبليكاسى مەن ەۋرو­پالىق وداق اراسىنداعى ىنتى­ماق­تاس­تىق­تى ودان ءارى دامىتۋ ماسەلە­لەرى بويىنشا پىكىر الما­سىلدى. «ەۋروپالىق وداق قازاق­ستان­نىڭ ماڭىزدى ارىپتەسى بولىپ تابىلادى», – دەدى توراعا جانە ول قازاقستان رەسپۋبليكاسى مەن ەۋروپالىق وداقتىڭ ەكىجاقتى ىنتىماقتاستىقتى ەكونومي­كا­لىق جانە ساياسي جاڭا دەڭگەيگە شىعارۋ ءۇشىن ناقتى ءمۇم­كىن­دىكتەرى بار ەكەنىن اتاپ ءوتتى. الداعى پرەزيدەنتتىك ساي­لاۋعا قاتىستى توراعا «بۇل سايلاۋ تاۋەلسىز 20 جىلداعى جاقسى, حالىقارالىق ستاندارتتارعا تولىق سايكەس وتەدى», دەدى. پ.مورەلدىڭ ايتۋىنشا, ما­ڭىزدى ساياسي وقيعانى وتكىزۋ ءۇشىن قازاقستاندا بارلىق قا­جەت­تى جاع­داي جاسالعان. «پرەزيدەنتتىك سايلاۋ ءسىزدىڭ ەلىڭىزدىڭ ينس­تيتۋتتىق جانە ساياسي ومىرىندە جاڭا كەزەڭدى اشادى», – دەدى مەيمان. كەزدەسۋ بارىسىندا حالىق­ارا­لىق جانە ايماقتىق ساياسات­تىڭ وزەكتى ماسەلەلەرى بويىنشا پىكىر الماسىلدى.