تەڭدەي جاعدايدا ءارى بىردەي كولەمدە

19 ناۋرىز, سەنبى كۇنى ورتالىق سايلاۋ كوميسسياسىندا  2011 جىلعى  3 ساۋىرگە تاعايىندالعان  قازاقستان رەسپۋبليكا­سى­نىڭ  كەزەكتەن تىس پرەزيدەنتتىك سايلاۋىنداعى اقپاراتتىق داۋ­لاردى قاراۋ جونىندەگى قوعامدىق كەڭەستىڭ كەزەكتى وتى­رىسى بولىپ ءوتتى. وعان ەقىۇ/دياقب مەن تمد ميسسيا­لارىنىڭ بايقاۋشىلارى, سونداي-اق «قازاقستان رەسپۋب­لي­كا­سىنىڭ  كەزەكتەن تىس پرەزيدەنتتىك سايلاۋىن بايقاۋ جونىندەگى رەسپۋبليكالىق قوعامدىق كوميسسياسى» رقب-ءنىڭ بايقاۋ­شىلارى قاتىستى. وتىرىستا كەڭەس مۇشەلەرى ورتالىق سايلاۋ كوميسسياسىنىڭ بايلانىس جانە اقپارات مينيسترلىگىمەن بىرلەسىپ جۇرگىزىپ وتىر­عان باق-تار مونيتو­رينگى­نىڭ ارالىق قورىتىندىلارىن تال­قىلادى. مونيتورينگ 53 باسپا باسىلىمدارىن, 11 رەس­پۋب­لي­كالىق تەلەارنانى, 6 اقپاراتتىق اگەنتتىكتى جانە 11 مەيلىنشە تانىمال قوعامدىق-ساياسي ينتەر­نەت-رەسۋرستاردى قامتيدى. مونيتورينگ مالىمەتتەرىنە قارا­عان­دا, 3-16 ناۋرىز ارالىعىندا    باسپا باسىلىمدارىندا  پرەزيدەنتتىككە كانديداتتار ج.احمەتبەكوۆ تۋرالى – 110, م.ەلەۋسىزوۆ تۋرالى – 101, ع.قاسىموۆ تۋرالى – 96, ن.نازارباەۆ تۋرالى 129 ماتەريال جاريالانعان. ال اتال­عان كۇندەر ىشىندە رەسپۋب­لي­كا­لىق تەلەارنالار ەفيرىنە پرەزيدەنتتىككە كانديداتتار ج.احمەتبەكوۆ بويىنشا – 148, م.ەلەۋ­سىزوۆ بويىنشا – 163, ع.قاسىموۆ بويىنشا – 161, ن.نازارباەۆ بوي­ىنشا  108 ماتەريال شىققان. ماتەريالداردىڭ جالپى سانى­نىڭ 51 پايىزى «حابار» جانە «قازاقستان» تەلەارنالارىنىڭ ەنشىسىنە تيەدى. كانديداتتاردىڭ تەلەارنالار ەفيرىنىڭ جاڭالىقتار بلوگى ايا­سىندا كانديداتتاردىڭ قىزمەتىن جاريا ەتۋگە ارنالعان سيۋجەتتەر ۋاقىتىنىڭ ۇزاقتىعىنا كەلسەك, ول ج.احمەتبەكوۆ جونىندە 24 پايىزدى, م.ەلەۋسىزوۆ تۋرالى 27 پايىزدى, ع.قاسىموۆ تۋرالى  28 پايىزدى, ن.نازارباەۆ تۋرالى 21 پايىزدى قۇراعان. مونيتورينگ جۇرگىزۋ بارىسىندا كاندي­دات­تاردىڭ كاسىبي قىزمەتىنە باي­لا­نىستى ماتەريالدار دا ەسەپكە الىنادى. ەلباسى ءوزىنىڭ وكى­لەت­تىكتەرىن سايلاۋ ناۋقانى بارى­سىندا دا اتقارۋى ءتيىس ەكەنىن  ەسكەرسەك,   مۇنداي ماتەريالدىڭ كوبى ءىس باسىنداعى پرەزيدەنتتىڭ قىزمەتىنە ارنالعانى   تۇسىنىكتى. وسىدان ءبىراز ۋاقىت بۇرىن وسك-گە كانديداتتار م.ەلەۋسىزوۆ پەن  ع.قاسىموۆ سايلاۋالدى ۇگىت شارالارىنا ارنالعان بيلبورد­تار­دى ورنالاستىرۋعا بايلانىس­تى ءوتىنىش بىلدىرگەن بولاتىن. ورتالىق سايلاۋ كوميسسياسى ۇمىتكەرلەرگە بۇل ماسەلەگە قول­داۋ كورسەتۋ تۋرالى شارالار قا­بىلدادى. قازىرگى ۋاقىتتا وسى ەكى كانديداتتىڭ سايلاۋ قورلارى قاراجاتى ەسەبىنەن ولاردىڭ 100-دەن استام بيلبوردتارى دايىن­دالىپ, ولار الماتى جانە استانا قالالارى مەن ەلىمىزدىڭ وزگە دە وڭىرلەرىندە ورنالاستىرىلدى. وتىرىستا قوعامدىق كەڭەس ورتسايلاۋكومعا باق-تاردىڭ ۇگىت ناۋقانىن جاريالاۋ ءجونىن­دەگى جۇمىسىندا ورىن العان كەمشىلىكتەرگە قاتىستى ۇسىنىستار دا ءبىلدىردى. مىسالى, «ۋكراىنسكى نوۆيني» گازەتىندە قازاقستان رەس­پۋبليكاسىنىڭ پرەزيدەنتتىگىنە كانديداتتاردىڭ سايلاۋال­دى تۇعىرنامالارىنىڭ «ساي­لاۋ­شىلاردى اقپاراتتاندىرۋ ماق­ساتىندا» دەگەن رەداكتورلىق  العىسوزبەن ماقالا جاريا­لا­نۋى­نا بايلانىستى ورتالىق سايلاۋ كوميسسياسىنا  وسى ماسەلەنى شەشۋ  ءۇشىن پروكۋراتۋرا ورگان­دارىنا جۇگىنۋدى ۇسىندى. سونىمەن قاتار, «يزۆەستيا-كازاحستان» گازەتىندە «زا ۆى­بورنوست اكيموۆ ي سۋدەي» دەگەن تاقىرىپتا ماقالا جاريالانعان ەدى. ماقالا پرەزيدەنتتىككە كانديدات م.ەلەۋسىزوۆكە ارنالعان. ماقالانىڭ ءبىرىنشى ازات­ جو­لىندا پرەزيدەنتتىككە كانديدات  ج.احمەتبەكوۆتىڭ اتى-ءجونى اتا­لادى. وسىعان بايلانىستى كانديداتتار م.ەلەۋسىزوۆ تە, ج.احمەتبەكوۆ تە ماقالانى تەرىسكە شىعارۋ جونىندە ءوتىنىش بىلدىرمەگەن. قوعامدىق كەڭەس «يزۆەستيا-كازاحستان» گازەتىنە اتالعان ماتەريالدى  تەرىسكە شىعارۋ تۋ­را­لى ماقالا جاريالاۋدى ۇسىن­دى. «استانا» تەلەارناسى 13 ناۋرىزدا  پرەزيدەنتتىككە كانديدات  ج.احمەتبەكوۆتىڭ ۇگىتتىك روليكتەرىن ەفيرگە شىعارعان ەكەن. ال قارجىلاندىرۋ كوزى تۋرالى اقپارات كورسەتىلمەگەن بۇل روليك 7 رەت كورسەتىلگەن. وسىعان وراي قوعامدىق كەڭەس قارجىلاندىرۋ كوزدەرى تۋرالى ماسەلەلەردى بولدىرماۋ ماقساتىندا بارلىق تەلەارنالارعا ۇگىت ماتەريال­دارىنىڭ شىعارىلۋىن قارجى­لان­­دىرۋ كوزدەرى تۋرالى ءمالى­مەتتەردى جاريالاۋ قاجەتتىگىن ەسكەرتتى. – بارلىق كانديداتتار ءۇشىن باق-تارعا تەڭ قول جەتكىزۋ تا­لابى, جالپىلاي العاندا,  ورىن­دالىپ وتىر دەگەن تۇجىرىم جاساۋعا بولادى, – دەدى وتى­رىستا ورتالىق سايلاۋ كوميس­سياسىنىڭ مۇشەسى, قوعامدىق كەڭەستىڭ ءتو­ر­ايىمى ءلاززات ءسۇ­لەيمەن. – باسپا جانە ەلەك­ترون­دى باق-تاردا كان­ديداتتاردىڭ قىزمەتىن جاريالاۋ تەڭ جاع­داي­دا جانە شامامەن تەڭ كولەمدە ءجۇر­گىزىلىپ كەلەدى. ءاليسۇلتان قۇلانباي.