سايلاۋشىنىڭ ساناسى بيىك

كەشە قازاقستان پرەزيدەنتى جانىنداعى ستراتەگيالىق زەرتتەۋلەر ينستيتۋتىندا قازاقستاندىقتاردىڭ ەلەكتورالدىق ار­تىق­شىلىق بەرۋلەرىنە ارنالعان سوتسيولوگيالىق زەرتتەۋىنىڭ ەكىنشى كەزەڭىنىڭ ناتيجەلەرى تانىستىرىلدى. «دەموكراتيا ينس­تي­تۋتى» تاۋەلسىز سوتسيولوگيالىق عىلىمي-زەرتتەۋ قاۋىم­داس­تىعى جۇرگىزگەن ءبىرىنشى كەزەڭنىڭ مالىمەتتەرى بىرنەشە كۇن بۇرىن وتكەن كونفەرەنتسيادا تالقىلانعان بولاتىن. شەتەلدىك مەملەكەت قايرات­كەر­لەرى مەن ساياساتكەرلەردىڭ قا­زاقستانداعى الداعى پرەزيدەنتتىك سايلاۋعا بەرگەن باعالارىن تالداي كەلە, ستراتەگيالىق زەرتتەۋلەر ينستيتۋتىنىڭ ديرەك­تو­رى بولات سۇلتانوۆ ولاردىڭ ۇنام­دى ءھام تىلەكتەستىك سيپاتىن اتاپ كورسەتتى. ۆەناداعى حالىق­ارا­لىق سەميناردا قازاقستاننىڭ دۇرىس جولدا ەكەندىگى قاداپ ايتىلدى. كەيبىر ورتالىق ازيا مەملەكەتتەرىنەن ءبىر وزگەشەلىگى, مۇندا بەيبىتشىلىك پەن تۇراق­تىلىق ساقتالۋدا. اقش-تىڭ وكىلدەر پالاتا­سىن­دا ايتىلعان وڭ باعا دا جاريا ەتىلدى. ولاردىڭ پايىم­داۋ­ىن­شا, قازاقستان ەكونوميكالىق تۇرعىدان العاندا ورتالىق ازيا­داعى ەڭ قۋاتتى مەملەكەت. دەمەك, بۇل ەلمەن قارىم-قاتى­ناستا بولۋدىڭ ماڭىزى زور. اقش تا, الەمدىك قوعامداستىق تا 3 ساۋىردەگى مەرزىمىنەن بۇرىن وتكىزىلىپ جاتقان پرەزيدەنتتىك سايلاۋدى جالپى سايلاۋ ۇدەرىسىن نىعايتۋدىڭ ۇلكەن مۇمكىندىگى دەپ سانايدى. سوتسيولوگيالىق زەرتتەۋدىڭ ەكىنشى كەزەڭىنىڭ ناتيجەلەرىن تانىستىرا كەلە, «دەموكراتيا ينس­تيتۋتى» قاۋىمداستىعىنىڭ جوبالار جونىندەگى ديرەكتورى يۋليا كۋچينسكايا قازاقستاننىڭ بارلىق وڭىرلەرىن تەپە-تەڭ قام­تىعان 1500 رەسپوندەنتتىڭ ساۋال­دا­ماسى 14-20 ناۋرىز ارالى­عىن­دا وتكىزىلگەنىن تىلگە تيەك ەتتى. سايلاۋ ۋچاسكەلەرىنە كەلۋ جاي­ىن­داعى سۇراققا بەرىلگەن جاۋاپ­تار­دىڭ سالىستىرمالى تال­دا­ماسى سايلاۋشىلار بەلسەن­دى­لى­گىنىڭ ارتىپ وتىرعاندىعىن اي­عاق­تايدى. قازىردە رەسپوندەنت­تەردىڭ 75,8 پايىزى سايلاۋ كۇنى سايلاۋ ۋچاسكەسىنە كەلۋدى نىق ۇيعارعان.  تاعى 15,3 پايىزى داۋ­ىس بەرۋگە قاتىسۋعا بەيىم. وسى­لايشا, سايلاۋشىلاردىڭ 90 پاي­ى­­زى بيىك سانا دەڭگەيىن تانىتىپ, الداعى سايلاۋدا وزدەرىنىڭ ازا­ماتتىق بورىشىن ورىنداۋعا ءازىر ەكەندىگىن ايتۋدا. ەلەكتورالدىق ارتىقشىلىق بەرۋگە قاتىستى احۋال دا اي­تار­لىقتاي وزگەرىستەرگە ۇشىراعان جوق. ەكىنشى كەزەڭدە جاۋاپ­تار­دىڭ نۇسقالارىندا سايلاۋالدى ناۋقانىنا قاتىسۋشى بارلىق ۇمىتكەرلەر قامتىلدى. ەڭ جو­عا­رى رەيتينگ بۇرىنعىسىنشا مەم­لەكەت باسشىسى نۇرسۇلتان نازار­باەۆقا تيەسىلى. ول ءۇشىن رەسپون­دەنتتەردىڭ 91,7 پايىزى داۋىس بەرۋگە ىقىلاستى. ءۇمىت­كەر­دىڭ رەيتينگى وتكەندەگى ءول­شەم­مەن سالىس­تىرعاندا 0,5 پايىزعا وسكەن. باسقا ەكى كانديداتتىڭ جيىن­تىق رەيتينگى 0,7 پايىزعا ىلگەرىلەگەن. ساۋالداما مالىمەتتەرى بويىنشا, ولاردىڭ ىشىندە قاي­سىسىنىڭ موينى وزىق تۇرعانىن انىقتاۋ مۇمكىن ەمەس. جامبىل احمەتبەكوۆ پەن عاني قاسىموۆ ءۇشىن رەسپوندەنتتەردىڭ 0,9 پايى­زى, ال مەلس ەلەۋسىزوۆ ءۇشىن تۋرا 1 پايىزى داۋىس بەرۋگە ق ۇلىقتى. سۇرالعانداردىڭ 5,5 پايىزى ءوز كانديداتتارىن ءالى تاڭداپ ۇلگەرمەپتى. قورىتا ايتقاندا, وسىناۋ زەرت­تەۋلەر قازاقستاندىقتاردىڭ سايلاۋ الدىنداعى  ەلەكتورال­دىق كوڭىل اۋانى كوتەرىڭكى ءارى تۇراقتى ەكەندىگىن كورسەتكەندەي. قورعانبەك امانجول.