"ىرىس" ميكروقارجى ۇيىمى 7 جىلدا 14 مىڭ جوبا قارجىلاندىردى

2009 جىلى شاعىن جانە ورتا بيزنەستىڭ دامۋىنا ۇلەس قوسۋ ماقساتىندا قۇرىلعان «ىرىس» ميكروقارجى ۇيىمى 7 جىلدا 14 مىڭعا جۋىق اۋىل شارۋاشىلىعى باعىتىنداعى جوبالاردى قارجىلاندىرعان. بۇل تۋرالى وقو ايماقتىق كوممۋنيكاتسيا قىزمەتىندە وتكەن بريفينگتە «وڭتۇستىك» ايو ەنشىلەس مەكەمەسى «ىرىس» ميكروقارجى ۇيىمى ديرەكتورىنىڭ مىندەتىن اتقارۋشى ەربول سۇلەشوۆ ءمالىم ەتتى, دەپ حابارلادى وقو اكىمىنىڭ ءباسپاسوز قىزمەتى. ءوز كاسىبىن باستايمىن نەمەسە ءارى قاراي دامىتامىن دەگەن كاسىپكەرلەرگە تومەنگى پايىزبەن قول جەتىمدى نەسيە بەرەتىن ۇيىم 2016 جىلى 4 831,3 ملن تەڭگەنى قۇرايتىن 1979 جوبا قارجىلاندىرىلدى. ناتيجەسىندە 1398 ادام تۇراقتى جۇمىسپەن, ال 3 مىڭ ادام مەرزىمدى جۇمىسپەن قامتىلدى. 2016 جىلدان باستاپ اتالعان ۇيىم «نۇر وتان» پارتياسىنىڭ باستاماسىمەن رەسپۋبليكامىزدىڭ 5 وڭىرىندە پيلوتتى جوبا رەتىندە «جۇمىسپەن قامتۋ 2020 جول كارتاسى» باعدارلاماسىمەن قوسىمشا قاراجات ءبولىپ, ءار ءوڭىردىڭ ءوزىنىڭ ەرەكشىلىگىنە قاراي قاجەتتى سالالارىن قارجىلاندىرۋ ماقساتىندا, نەسيە سوماسىن 6 ملن. تەڭگەگە دەيىن كوتەرىپ, كاسىپكەرلەردى نەسيەلەندىرۋدى قولعا العان. وسى باعىت بويىنشا وڭتۇستىك قازاقستانعا 3,39 ملرد.تەڭگە قاراجات بولىنگەن. «قازىرگى ۋاقىتتا باعدارلاما اياسىندا بولىنگەن قاراجات ءبىزدىڭ مەكەمە ارقىلى باعدارلاما قاتىسۋشىلارىنا تاراتىلۋدا. 2016 جىلدىڭ قازان ايىنان باستاپ جالپى قۇنى 2,21 ملرد. تەڭگەنى قۇرايتىن 765 جوبا ماقۇلدانىپ, ونىڭ ىشىندە قۇنى 1,34 ملرد.تەڭگەنى قۇرايتىن 448 جوبا قارجىلاندىرىلدى. ناتيجەسىندە 472 ازامات جۇمىسپەن قامتىلدى. باعدارلامانى 2017 جىلدىڭ ءساۋىر ايىنا دەيىن تولىق يگەرۋ جوسپارلانۋدا»,- دەدى ەربول سۇلەشوۆ. «ىرىس» ميكروقارجى ۇيىمى 2017 جىلى 5 700,0 ملن. تەڭگەگە 1436  جوبالاردى قارجىلاندىرۋدى جوسپارلاپ وتىر.