ەلدىڭ ءىشى – بەرەكە

بيىلعى جولداۋدىڭ تاقىرى­بى-اق بارشاعا تىڭ مىندەتتەر جۇك­تەگەندەي. ءتىپتى, حالىقتىڭ قوعامداعى بەلسەندىلىگىنە جول اشىپ, قاجىر-قايراتىن ەسەلەدى. «بولا­شاق­تىڭ ىرگەسىن بىرگە قالايمىز» دەپ حالىققا سەنىم ارتقان قۇندى قۇجاتتان قوعامداعى تۇراقتىلىق پەن دامۋدىڭ نەگىزى ەل ىشىندەگى بەرەكەلى تىرلىككە كوز جەتكىزەمىز. دەمەك, تاۋەل­سىزدىگىمىزدىڭ وتكەن جىلدارداعى جەتىستىكتەرى مەن وركەندى ىستەردە كوپۇلتتى قازاق­ستاندىقتاردىڭ وزىندىك قولتاڭ­باسى بار ەكەنى انىق. ەلىمىزدى دامىتۋداعى ماڭىزدى مىندەتتەر قاتارىندا باسەكەگە قا­بى­لەتتى ەكونوميكانى دامىتۋ مەن جۇمىسسىز­دىقتى بولدىرماۋ مىندەتتەرى تۇر. «بيزنەستىڭ جول كار­تاسى – 2020» باع­دارلاماسى نەگىزىندە مەملەكەتتىك قول­داۋعا يە بولعان ءتيىمدى جوبالار قولعا الى­نىپ, ءوز كاسىبىن اشقاندار بولا­شاققا ناقتى قادام جاساپ وتىر. مۇنداي ورتاسىنان وزعاندار جەتىسۋ جەرىندە دە بار. تەك, قارا­ساي اۋدانىندا 1943 زاڭدى جانە 6714 جەكە كاسىپكەرلىك سالاسىندا 55 مىڭنان استام ادام ەڭبەك ەتەدى. وتكەن جىلى اتالعان سالادا 23,2 ملرد. تەڭگەنىڭ ءونىمى ءون­دىرىلىپ, الەۋمەت­تىك سالادا تۇتى­نۋ­شى­لارعا ءمىنسىز قىز­مەت كورسە­تىل­گەن. ناتيجەسىندە, بيۋدجەت قور­جىنىنا 2,1 ملرد. تەڭگە سالىق ءتۇ­سىپ­تى. جىل وتكەن سايىن  حالىق­قا قىزمەت كورسەتۋدىڭ ساپاسى جاقسارعانى, ءونىم ءوندىرۋ كولەمى ارتقانى وسىعان دالەل. «بيزنەستىڭ جول كارتاسى-2020» باع­دارلاماسىمەن جاڭا شامالعان ەلدى مەكەنىندە «ازيااگروفۋد» جشس 500 ادام­دى جۇمىسپەن قامتىپ, ۇن ءونىم­دەرىن ءوندى­رۋ­مەن قاتار باسقا دا تۇ­تى­نۋ­شىلارعا قاجەتتى ازىق-ت ۇلىك شىعارۋدا. ال, «يۋنيليۋكس» سەرىكتەستىگى قۇرى­لىس­تاعى جىلۋ جۇيەسىنە قاجەتتى  قازاندىق شىعارسا, «RG-Brands» كاسىپورنى مەملەكەتتەن 2 ميللياردتان استام تەڭگە سۋبسيديا الىپ, الكوگولسىز سۋسىندار ءون­دىرۋ باعىتىنداعى جۇمىستى جۇيە­­لەگەن. قازىرگى كەزدە كاسىپ­ورىندا جۇزدەگەن ادام جۇمىسپەن قام­تىلىپ, اۋىل تۇر­عىن­دارىنىڭ الەۋمەتتىك جاعدايى ۋاقىت وتكەن سايىن جاقسارىپ كەلەدى. جولداۋعا بايلانىستى قارا­سايلىق­تاردىڭ بولاشاق يگىلىگىنە اينالاتىن تىڭ جوبا «تۋلاەۆ» جەكە كاسىپورنى قوناقۇي كەشەنىن سالۋدى قولعا الدى. جاڭا بيزنەس باستاما قولداۋعا يە بولىپ, «بتا بانك» اق-تان 338 ملن. تەڭگەگە قارجىلاندىرۋ ءۇشىن «دامۋ» قورى وبلىس بويىنشا العاش رەت نەسيەنىڭ تەڭ جارتىسىنا كەپىلدىك بەردى. ءبىرىنشى باعىت بويىنشا «دامۋ» قورى­نىڭ كەپىلدىگى جانە «بيزنەستىڭ جول كارتاسى-2020» باعدارلاماسى اياسىندا كەشەن قۇ­رى­لىسىنا 169 ملن. تەڭگە سۋبسيديا ءبو­لىنەتىن بولدى. نەگىزىنەن ءوندىرىستى كەڭەيتۋ مەن قايتا جا­راقتاندىرۋعا, جاڭالارىن دامى­تۋعا باعىتتالعان تىڭ جوبالاردى قارجى­لاندىرۋ تارتىبىمەن 14 پايىزبەن نەسيە العاندار سىياقى مولشەرلەمەسىنىڭ جارتىسىن ءتو­لەيدى. ال, كاسىپكەر قالعان 7 پايىزدى ءوزى وتەيتىنىن جەڭىلدىك رەتىندە قابىلداعان ۇجىم بىلەك سىبانا جۇمىسىن باستاپ وتىر. قوناقۇي كەشەنى تۇتىنۋشى­لاردىڭ بۇگىنگى جوعارى تالعا­مىنا ساي قاجەت­تىلىكتەرمەن جابدىقتالماقشى. وتىز ءۇش نومىرگە ارنالعان قوناقۇي­دەگى ءار بولمە ادام قاۋىپسىزدىگىن قام­تامىز ەتۋ دەڭگەيىنىڭ جوعارى­لىعى جانە قوسالقى تۇرمىستىق قىزمەتتەردىڭ كوپتەگەن تۇرلەرىن ۇسىنباقشى. ماسەلەن, ءنومىر­لەر ينتەرنەتكە قوسىلسا, قوعامدىق تاماقتاندىرۋ, كونفەرەنتسيالار ۇيىم­داس­تىرۋعا ارنالعان ورىن­دار, سالامات­تى ءومىر سالتىن قا­لىپتاستىراتىن سپورتتىق جۇيە­لەرمەن تولىقتىرى­لاتىن بو­لادى. يندۋستريالاندىرۋ باعىتى­مەن اۋداندا قولعا الىنعان 2,8 ملرد. تەڭگەنى قۇرايتىن جوبالار تولىق جۇزەگە اسقاندا «تراپەزا ترەيد», «جەتىسۋ», «AS Group LTD» 300-گە جۋىق جۇ­مىس ورنى اشىلادى. ەل ەرتەڭى­نىڭ كەپىلى ايماقتاعى كاسىپكەر­لىكتىڭ دامۋى مەن ونداعى ءونىم مەن قىزمەتتىڭ باسەكەگە قابىلەت­تىلىگىنە تىكەلەي قاتىستىلىعىن ەسكەرگەن ىسكەر ازاماتتار ناقتى قادامدارعا بارعان. كۇمىسجان بايجان, الماتى وبلىسى, قاراساي اۋدانى.