بۇل كوممۋنيست بۇرىنعىدان وزگەرەك

قازاقستاننىڭ كوممۋنيستىك حالىقتىق پارتياسىنان تىركەلگەن كانديدات جامبىل احمەتبەكوۆ ءوزىنىڭ سايلاۋالدى باعدارلاماسىمەن جۇرتشىلىقتى جەتە تانىستىرۋ ماقساتىمەن جامبىل وبلىسىنا كەلدى. حالىقتا «كەلگەنشە قوناق ۇيالادى, كەلگەن سوڭ ءۇي يەسى ۇيالادى» دەگەن ءسوز بار, سول ايتقانداي, قازاقستاننىڭ كوممۋنيستىك حالىقتىق پارتياسىنان تىركەلگەن كانديدات جامبىل احمەتبەكوۆ ءوزىنىڭ سەنىم بىلدىرىلگەن ادامى ۆ.سوروكين جانە پارتيانىڭ وبلىستىق كوميتەتىنىڭ ءبىرىنشى حاتشىسى ءا.ماماشەۆتى ەرتىپ, ارتىنىپ-تارتىنىپ كەلىپ وتىرعان سوڭ وبلىس اكىمى ق.بوزىمباەۆ كىسىلىك پەن كىشىلىك تانىتىپ, ۇلكەن ىقىلاسپەن قابىلدادى. قابىلداۋ بارىسىندا ولار ەلدەگى جانە جەرگىلىكتى جەردەگى اتقارىلىپ جاتقان الەۋمەتتىك-ەكونوميكالىق جاع­داي­لار تۋراسىندا ءوڭىر باسشىسىمەن جاراسىمدى اڭگىمە قوزعاپ, كەيبىر وزەكتى ماسەلەلەردى دە ءسوز ەتتى. بۇدان كەيىن ۇمىتكەر تاراز قالاسىنداعى ق.سارى­مول­داەۆ اتىنداعى №1 بالالار ۇيىنە بارىپ, جەتىم جانە اتا-انا قام­قور­لىعىنسىز قالعان بۇلدىرشىندەر مەن جاسوسپىرىمدەر­دىڭ الەۋمەتتىك قۇ­قى­عىن قورعاۋداعى اتقارىلىپ جاتقان جۇمىستارمەن تا­نىستى. بۇگىندە مۇندا جەتىم جانە اتا-اناسىنىڭ قامقور­لى­عىن­سىز قالعان 170-كە جۋىق بالا ءتار­بيەلەنۋدە. ال بالالار ۇيىندەگى جۇمىس جاقسى جولعا قويىلعان. مىسالى, 2001-2009 جىلدار ارالىعىندا 28 تاربيە­لە­نۋ­شىنىڭ جەكە شوتىنداعى جينالعان اقشاسىنا پاتەرلەر ساتىلىپ الىنىپ­تى. م ۇلىكتەردى جاريالاۋ ارقىلى 5 تۇر­عىن ءۇي زاڭداستىرىلعان. 5 بالاعا اتا-اناسىنان, اجەسىنەن مۇراگەرلىك اشى­لىپتى. ايتا بەرسەك, ەلىمىزدىڭ باس­قا وڭىرىنە ۇلگى بولارلىق مۇنداي يگى ىستەر وتە كوپ. مىنە, وسىنىڭ بارىمەن پرەزيدەنتتىككە كانديدات ج. احمەتبەكوۆ جەتە تانىسىپ, ءوزىنىڭ دە كوپ بالالى وت­باسىندا دۇنيەگە كەلىپ, قايسارلىقتىڭ ارقاسىندا قاجىماي ءوسىپ-جەتىلگەنىن تىلگە تيەك ەتتى. سوندىقتان الداعى بو­لاتىن پرەزيدەنتتىك سايلاۋدا جەڭىسكە جەتە قالعان جاعدايدا ەڭ الدىمەن بالالار ۇيلەرىنە, ونداعى جەتىم بالالار مەن اتا-اناسىنىڭ قامقورلىعىنسىز قالعان بالالارعا جانە ولاردىڭ اتا-اناسى ىسپەتتى بولىپ كەتكەن تاربيە­شى­لەرىنە جاعداي جاسايتىنىن قاداي جەتكىزدى. قوعامداعى ساياسي احۋال تۋرالى دا ءوز كوزقاراسىن ءبىلدىرىپ, ازىق-ت ۇلىك باعاسىنىڭ كوتەرىلۋىنە, ايلىق جال­اقى­عا جانە ءدىني اعىمدار جونىندەگى ساۋالدارعا جاۋاپ بەردى. ەل پرەزيدەنتتىگىنەن ۇمىتكەر بۇدان كەيىن وبلىس ورتالىعىنداعى جامبىل پولي­تەح­­نيكالىق كوللەدجىندە, تاراز قالا­سىن­دا­عى  قا­لالىق مادەنيەت ۇيىندە كەزدەسۋلەر وتكىزدى. كوسەمالى ساتتىباي ۇلى. جامبىل وبلىسى.