الماتىعا كوكتەم كەلدى

ءيا, كوكتەم كەلدى دەگەنشە, قازاققا ناۋرىز كەلدى دەسەيشى...   ۇلىستىڭ ۇلى كۇنى – ناۋرىزدى قازەكەم «كۇن مەن ءتۇن تەڭەسكەن قاسيەتتى كۇن,  جاڭا جىل, ىرىس بەرەكەنىڭ باسى» دەپ سانايدى. سول قاسيەتتى كۇندى ىرىمداپ, قالايدا  ايتۋلى ەتىپ قارسى الۋعا قام جاسايدى. مىنە, وسى  حالىقتىق  مەيرامعا ءبىر جارىم ميلليونداي  تۇرعىنى بار   كۇڭگەيدەگى باس قالا  ەرتە باستان دايىن­دالادى. بۇگىن ءبىز الماتى قالاسىنداعى  ءوندىرىس, ساۋدا ورىندارى, الەۋمەتتىك نىساندارى   كوپ ورنالاسقان ەڭ ءىرى بوس­تاندىق اۋدا­نىن­داعى  دايىن­دىق بارىسىمەن تانىسۋ ماقسا­تىن­دا اۋدان اكىمى زاۋرەش امانجولوۆاعا   جولىققان ەدىك. – زاۋرە جۇمانالىقىزى, بيىل­عى ناۋرىز مەيرامىنىڭ ءجونى بولەك بولعالى تۇر. كەڭ باي­تاق قازاقستان كوگىندە كوك باي­راعىمىزدىڭ جەلبىرەگەنىنە 20 جىل تولعالى وتىر. سوعان قا­راعاندا, بيىلعى ناۋرىز مەي­رامىن بارىنشا مازمۇن­دى, با­رىنشا دۋماندى وتكىزۋ­گە كۇش سالىپ جاتقان بولارسىزدار؟ – ءيا. ءبىز دايىندىقتى ناۋ­رىز ايىنىڭ العاشقى كۇنىنەن باستاپ, اتقارىلاتىن ءىس-شارا­لار­دىڭ جو­با­سىن, جوسپارىن جاساپ, ىقتيات­تاپ العانبىز. وندا ەڭ الدىمەن, ءوت­كىزىلەتىن باعدار­لا­مالاردىڭ ماق­ساتىن ايقىن­دا­دىق. ول – جاس­تاردى پات­ريوت­تىق, وتانسۇيگىشتىك قاسيەت­كە باۋلي وتىرىپ, ءوز مەم­لە­كەتىنىڭ تا­ريحىنا, ونداعى تۇراتىن قا­زاق­ستان حالقىنىڭ سالت-ءداس­تۇرىن, مادەنيەتىن تانىپ بىلۋگە, سىيلاۋعا ۇندەۋ. 10-ى ناۋرىزدان اكىمدىكتەگى ءار ءبولىم مەرەكەلىك ءىس-شارانى ءوز سالاسى بويىنشا ءوت­كى­زۋ­دى باستاپ ءجى­بەردى. ماسەلەن, ءما­دە­نيەت پەن تىلدەردى دامىتۋ ءبولىمى ناۋرىزدىڭ 10 مەن 21 ارالىعىندا اۋ­داندىق كىتاپحانا مەن وقۋ ورىن­دارى كىتاپ­حانالارىندا تاۋەل­سىز­دىكتىڭ 20 جىل­دىق رامىزدەرىن پايدالانا وتى­­رىپ, ۇلتتىق مەرەكەگە ارنالعان كىتاپ كورمەسىن, وقۋ­شى­لار كون­فە­رەن­تسياسىن, سازدى-پوە­تي­كالىق كەشتەر ۇيىمداستىرۋدا. سونداي-اق, «اتاكەنت» كەشەنىندە 22 ناۋرىز كۇنى اۋدانداعى شى­عار­ماشىلىق ۇجىمدار مەن قازاق­ستان ەسترادا جۇلدىزدارىنىڭ قا­تىسۋىمەن كونتسەرتتىك باعدارلاما, مەكتەپ وقۋ­شى­لارىنىڭ قاتىسۋى­مەن ۇلتتىق سپورت تۇرلەرىنەن جا­رىستار وتكىزىپ, اۋدانعا ەڭبەگى سىڭگەن ازاماتتاردى ماراپاتتاپ, قۇرمەت گراموتالارى مەن العىس حاتتار تابىستايمىز. سونداي-اق, جوعارى وقۋ ورىن­دارىندا تاۋەلسىزدىكتىڭ 20 جىل­دى­عى­نا وراي « ۇلىستىڭ ۇلى كۇنى قۇت­تى بولسىن!» فەستيۆالىن وتكىز­بەك­پىز. اۋلا كلۋبتارىنىڭ كۇشى­مەن مادەني-ويىن ساۋىق شارا­لا­رىن, سونىمەن قاتار اۋدانداعى ۇلت­تىق-مادەني ورتالىقتاردىڭ قا­تى­سۋىمەن حالىق شىعارماشى­لى­عى كورمەسى ۇيىمداستىرىلادى. ال مەكتەپ وقۋشىلارى اراسىندا تاۋەلسىزدىكتىڭ 20 جىلدىعى ايا­سىن­دا «كوكتەم كەلدى, ناۋرىز كەلدى!» تاقىرىبىندا پلاكات, سۋرەت سالۋ بويىنشا جانە شىعارما جازۋدان بايقاۋ وتكىزىلمەك. جانە كىشكەنە بالاقايلار اراسىندا اسفالتتا سۋرەت سالۋدان دا بايقاۋ ۇيىم­داس­تىرىلادى. ەڭ باستىسى – ابات­تاندىرۋ ءبولىمى اۋدان بو­يىن­شا بارلىق مەكەمە, كاسىپورىن, ۇيىم­دارمەن بىرلەسە وتىرىپ, سا­ني­تارلىق تازالىق جۇمىسىن ءجۇر­گ­ىزۋگە كۇش سالادى. سونىمەن قاتار «اتاكەنتتە» ساۋدا مەكەمەلەرى, كا­سىپورىندار حالىق تۇتىناتىن تا­ۋارلار, ۇلتتىق تاماقتار ءتۇر­لە­رىن, كۋلينارلىق تاتتىلەردى, سۋسىن ساتۋ­دى ۇيىمداستىرماق. ارينە, ناۋ­رىز كوجەسىز قانداي مەيرام بول­سىن, قازاقستاندا تۇراتىن حا­لىق­تاردىڭ ۇلتتىق تاعامدارىن ازىرلەيتىن اۋدانداعى ەڭ ۇزدىك مەيرامحانالار تەگىن ناۋرىز كوجە, باۋىر­ساق, پالاۋ, ت.ب. اس ءمازىرىن ۇسىن­سا, الەۋمەتتىك سالا ءبولىمى ناۋ­­رىز مەرەكەسىنە وراي جاعدايى ءتو­مەن, جالعىزىلىكتى, مۇگەدەك, جەتىم بالالار مەن قارتتارعا ارنالعان قايىرىمدىلىق اكتسياسىن وتكىزىپ, جاعدايى تومەن زەينەتكەرلەرگە ازىق-ت ۇلىك پاكەتىن دايىنداپ, ال مۇگەدەكتەرگە ءدارى-دارمەك پرەپا­رات­تارىن تاراتادى. ءبارىن تىزە بەر­مەي-اق قويايىن, باسقا دا ءىس-شارا­لار ناۋرىز ايى بويى جۇرگىزىلمەك. اڭگىمەلەسكەن گۇلزەينەپ سادىرقىزى.