حالىقارالىق ماڭىزى بار زاڭ جوبالارى ماقۇلداندى

كەشە پارلامەنت ءماجىلىسىنىڭ توراعاسى ورال مۇحامەد­جا­نوۆتىڭ جەتەكشىلىگىمەن وتكەن جالپى وتىرىستا دەپۋتاتتاردىڭ تالقىسىنا بىرنەشە زاڭ جوباسى شىعارىلدى, دەپ حابارلادى وسى پالاتانىڭ ءباسپاسوز قىزمەتى. «پاتەنت قۇقىعى تۋرالى شارت­تى راتيفيكاتسيالاۋ تۋرالى» زاڭ جوباسى جونىندە ادىلەت مينيس­ترى­نىڭ ورىنباسارى ءامىرحان امانباەۆ بايانداما جاسادى. ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى كامال بۇرحانوۆ قوسىمشا تۇسىنىك بەر­دى. بايانداماشى قازىرگى جاع­داي­دا عىلىمي-تەحنيكالىق الەۋەت جا­سالاتىن زياتكەرلىك مەنشىك سا­لا­سىن­داعى ۇدەرىستەردىڭ ماڭىزى كۇن وتكەن سايىن ارتىپ كەلە جاتقانىن ايتتى. «حالىقارالىق پاتەنتتەۋ سالا­سىن ودان ءارى جەتىلدىرۋ, ەڭ ال­دى­مەن, الەمدە بار ۇزدىك تەحنو­لو­گيالاردى قولداۋ. ول ءۇشىن مەملەكەتتەر زياتكەرلىك مەنشىكتى بارابار قورعاۋدى قامتاماسىز ەتۋگە ءتيىس. ءبىزدىڭ ونەرتابىستاردى شەتەلدە قورعاۋدى, باسقا مەملەكەتتەر قو­سىل­عان حالىقارالىق شارتتارعا قو­سىلۋ جانە شەتەلدىك ونەرتاپ­قىشت­ار الدىندا ءتيىستى مىندەتتەمەلەر الۋ ارقىلى قامتاماسىز ەتۋگە بولادى. وسى جاعدايدا, شەتەلدە ءبىزدىڭ ونەرتابىستارعا پاتەنتتەردى الۋ جانە شەتەلدىكتەر قازاقستاندا پاتەنتتى الۋ جونىندە بىرىڭعاي قا­عي­داتتار مەن بىرىڭعاي ەرەجەلەر قام­تاماسىز ەتىلەدى. قازىرگى تاڭدا ونەرتابىسقا پاتەنتتى الۋ 90-جىل­داردىڭ باسىندا قوسىلعان پاتەنتتىك كووپەراتسيا تۋرالى شارتپەن (142 مەملەكەت قاتىسۋشى) جانە ەۋ­رازيالىق پاتەنتتىك كونۆەنتسيا­نىڭ (9 تمد مەملەكەتتەرى) ءراسىم­دەرىنە سايكەس جۇزەگە اسىرىلادى. سونىمەن قاتار, پاتەنتتەۋ سالاسىن بۇدان ءارى جەتىلدىرۋ ماقساتىندا 2000 جىلعى 1 ماۋسىمدا 140-تان استام مەملەكەتتىڭ قاتىسۋىمەن ءدۇ­نيەجۇزىلىك زياتكەرلىك مەنشىك ۇيىمىنىڭ (دزمۇ) قامقور­لى­عى­مەن شاقىرىلعان ديپلوماتيالىق كونفەرەنتسياسىندا پاتەنت قۇقىعى تۋرالى شارت قابىلداندى, وسى شارت 2006 جىلعى 1 قاڭتاردا كۇ­شىنە ەندى. وسى شارت ءوتىنىمدى بەرۋ, پاتەنت الۋ جانە ساقتاۋ تالاپتارىن جەڭىلدەتەدى», – دەدى ءا.امانباەۆ. پاتەنت قۇقىعى تۋرالى شارتقا قوسىلۋ ازاماتتارعا ۇسىنىلعان قۇ­جاتتارعا ءفورمالدى تالاپتاردى بىرىزدەندىرۋگە جانە جەڭىلدەتۋگە, قۇ­جاتتاردى رەسىمدەۋ كەزىندە جىبەرىلەتىن قاتەلىكتەردى ازايتۋعا, پاتەنتكە قۇقىقتاردى جوعالتۋ جاع­دايلارىن ازايتۋعا باعىتتالعان ارتىقشىلىقتارعا قول جەتكىزەدى. بۇدان بولەك, پاتەنتتەۋدىڭ قيىن راسىمدەرىن جويىپ, پاتەنتتىك ۆەدومستۆولار ءوز فۋنكتسيالارىن ءتيىمدى تۇردە جۇزەگە اسىرا باستايدى جانە سول ارقىلى ءوز شىعىندارىن دا قىسقارتادى. زاڭ جوباسى تالقىلاۋدان كەيىن تولىقتاي ماقۇلداندى. كەلەسى كەزەكتە «شانحاي ىنتى­ماقتا­ستىق ۇيىمىنا مۇشە مەملە­كەتتەردىڭ تەرروريزمگە قارسى قۇرا­لىم­دارى ءۇشىن كادرلار دايارلاۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى, سونداي-اق «قا­زاقستان رەسپۋبليكاسى مەن يتا­ليا رەسپۋبليكاسى اراسىنداعى ستراتە­گيالىق ارىپتەستىك تۋرالى شارتتى راتيفيكاتسيالاۋ تۋرالى» زاڭ جو­باسى, «قازاقستان رەسپۋبليكا­سى­نىڭ كەيبىر زاڭنامالىق اكتىلەرىنە قارۋلى كۇشتەردىڭ, باسقا دا ءاس­كەرلەر مەن اسكەري قۇرالىمداردىڭ ارسەنالدارى, بازالارى مەن قوي­مالارى جانىنداعى تىيىم سالىن­عان ايماقتار مەن تىيىم سالىنعان اۋداندار ماسەلەلەرى بويىنشا تو­لىق­تىرۋلار ەنگىزۋ تۋرالى» زاڭ جو­با­سى (ەكىنشى وقىلىم) تالقىعا سالىندى.