ءوزارا مۇددەلەستىك تانىتىلدى

قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ ۋكراينانىڭ سىرتقى ىستەر ءمينيسترى كونستانتين گريششەنكومەن تەلەفون ارقىلى سويلەستى, دەپ حابارلادى ءسىم-ءنىڭ ءباسپاسوز قىزمەتى. اڭگىمەلەسۋشى تاراپتار پرەزيدەنت ن.نازارباەۆ پەن پرەزيدەنت ۆ. يانۋكوۆيچتىڭ كەزدەسۋلەرى ەرەكشە جىگەر بەرگەن ەكىجاقتى جانە كوپجاقتى سيپاتتاعى قازاق­ستان جانە ۋكراينا ىنتىماق­تاس­تىعىنىڭ ودان ءارى دامۋ بەتا­لى­سىنا بايلانىستى ماسەلەلەر شەڭبەرىن قاراستىردى. قوس ەلدىڭ ساۋدا-ەكونو­مي­كا­لىق ىنتىماقتاستىعىنىڭ قارقى­نى­نا توقتالا وتىرىپ, تاراپتار ستراتەگيالىق ارىپتەستىكتى جان-جاقتى دامىتۋدىڭ ماڭىزدىلى­عىن اتاپ ءوتتى. ق.ساۋداباەۆ پەن ك.گريششەنكو سونداي-اق جاھاندىق دەڭگەيدەگى يادرولىق قاۋىپسىزدىكتى نىعايتۋ مەن يادرولىق قارۋدى تاراتپاۋ سالاسىنداعى زاماناۋي ۇردىستەردى تالقىلادى. وسى رەتتە تاياۋدا كيەۆتە وتەتىن يادرولىق ەنەرگيانى يننوۆاتسيالىق جانە قاۋىپسىز ءتۇر­دە قولدانۋ ماسەلەلەرىنە ارنال­عان ءسامميتتىڭ ماڭىزدىلىعى اتاپ كورسەتىلدى. تاراپتار ۇستىمىزدەگى جىلعى 8 ساۋىردە وتەتىن تمد ەلدەرى سىرت­قى ىستەر مينيسترلەرى كەڭەسى باس­قوسۋىنا دايىندىق بارىسىن قا­راس­تىرا وتىرىپ, اتالمىش ءبىر­لەس­تىكتىڭ ودان ءارى قارايعى جەمىستى قىزمەتىن قامتاماسىز ەتۋ ماق­ساتىنداعى ءوزارا ۇمتىلىستارعا توقتالىپ ءوتتى.