شتابتا جۇمىس قىزعان شاق

سايلاۋ وتەر كۇن جاقىنداعان سايىن پرەزيدەنتتىكتەن ۇمىتكەرلەردىڭ شتابتارىندا قاربالاس تىرلىك قايناي تۇسكەن. وسى ورايدا ءبىزدىڭ ءتىلشىمىز پرەزيدەنتتىككە كانديدات رەتىندە  «قازاقستاننىڭ پاتريوتتار پارتياسى»  قوعامدىق بىرلەستىگى ۇسىنعان عاني قاسىموۆتىڭ استاناداعى سايلاۋالدى شتابىنىڭ باس جەتەكشىسى گۇلدانا نۇرتىلەسوۆاعا بىرنەشە ساۋال قويعان ەدى. – سايلاۋالدى ۇگىت-ناسيحات جۇ­مىس­تارى قالاي جۇرگىزىلىپ جاتىر؟ جالپى, ءسىزدىڭ پارتيالاستارىڭىز ءوز كانديداتتارىنا قولداۋلارىن قالاي كورسەتۋدە؟ – قازىرگى كۇنى رەسپۋبليكا بويىنشا بارلىق وبلىستاردا ۇمىتكەرىمىزگە قول­داۋ كورسەتەتىن شتابتار قۇرىلىپ, جۇ­مىس جۇرگىزىپ جاتىر. عاني ەسەنگەل­دى­ ۇلىنىڭ سەنىم بىلدىرىلگەن ادامدارى بەل­گىلى, شتابتارداعى جۇمىس تۋرا قاي­ناعان قازانداي. ءبىر جاعىنان ۇگىتشى-ناسيحاتشىلارىمىزبەن, ءبىر جاعىنان باي­قاۋشىلارىمىزبەن سەمينار-ترەنينگ­تەر وتكىزىپ, ەندى ءبىر جاعىنان باق-تارمەن جۇمىستى دا ۇزدىكسىز جۇرگىزىپ جاتىرمىز. شتابتاعى تەلەفوندارعا دا دامىل جوق, سايلاۋشىلار حابارلاسىپ, وزدە­رىنىڭ عاني قاسىموۆقا داۋىستارىن بەرگىلەرى كەلەتىندىكتەرىن ايتۋدا. ولاردىڭ جاس مولشەرلەرى دە, ماماندىقتارى دا ءارتۇرلى. قاريالار مەن جاستار, اراسىن­دا عالىمدار, دارىگەرلەر, مۇعالىمدەر, ونەر ادامدارى دا بار, كوپشىلىك قولداۋلارىن ءبىلدىرىپ جاتىر. سونداي-اق شتابتاردا وتىرعان ءبىزدىڭ كاسىبي زاڭگەرلەرىمىز ازاماتتارعا قاجەتتى كەڭەس بەرىپ, ولاردىڭ مۇڭ-مۇقتاجدارىن تىڭداپ, زاڭ اياسىندا قانداي قادامدار جاساۋ كەرەكتىگىن ايتۋدا. – ال بايقاۋشىلار جۇمىسى جاي­ىندا نە ايتاسىز؟ – ارينە, سايلاۋ دەگەن بايقاۋ­ش­ى­لار­سىز ءوتۋى مۇمكىن ەمەس. سوندىقتان ءبىزدىڭ ءاربىر سايلاۋ ۋچاسكەلەرىمىزدە ءوز بايقاۋشىلارىمىز بولادى. جوعارىدا ولارمەن سەمينار-ترەنينگتەر وتكىزىلىپ جاتقاندىعىن ايتتىم. جانە دە ول باي­قاۋشىلار تەك ءوزىمىزدىڭ ارامىزدان شىققاندارمەن شەكتەلمەي, ۇكىمەتتىك ەمەس ۇيىمدارمەن قاتار, شەتەلدەن كەلگەندەرمەن تولىعا تۇسپەك. – عاني قاسىموۆتىڭ سايلاۋ قورى قۇرىلعان با؟ ۇگىت-ناسيحات جۇمىس­تا­رى تەك مەملەكەت بولگەن قاراجاتپەن عانا جۇرگىزىلىپ جاتىر ما, الدە قورداعى قارجى پايدالانىلۋدا ما؟ – مەملەكەت تاراپىنان زاڭعا سايكەس بولىنگەن قاراجاتتىڭ دەنى بۇقارالىق اقپارات قۇرالدارى ارقىلى ۇگىت-نا­سي­حات جۇرگىزۋگە, وزگە دە ۇگىت ماتە­ريا­ل­دا­رىن شىعارىپ, تاراتۋعا جۇمسالىپ جا­تىر. سوسىن ءبىزدىڭ پارتيا كەرەمەت باي پارتيانىڭ ساناتىنا جاتپايدى, سون­دىق­تان, پارتيا تاراپىنان بولىنگەن قارا­جات جۇمسالىپ جانە ۇگىت شارالارى پارتيامىزدىڭ قاراپايىم مۇشەلەرىنەن قۇرىلعان ەرىكتىلەر كۇشىمەن وتۋدە. ولار شىنىمەن تەگىن جۇمىس ىستەپ ءجۇر. ناعىز ەڭبەك سولاردىكى, ناۋرىز تۋعان­مەن, كوكتەم كەلە قويعان جوق قوي, ەرىكتىلەرىمىز اق قار, كوك مۇزدا ۋاقىتپەن ساناسپاي تىنىمسىز سايلاۋالدى ۇگىت-ناسيحات جۇمىستارىن جۇرگىزۋدە. – ال  بۇقارالىق اقپارات قۇرال­دارى تاراپىنا ايتىلار رەنىش جوق پا, ولاردىڭ تاراپىنان ەشقانداي الالاۋ, الدە ءبىر بۇيرەك بۇرۋ سەكىلدى جايتتەر كەزدەسپەدى مە؟ – اقپارات قۇرالدارىنا ۇلكەن ريزا­شى­لىعىمىزدى بىلدىرەمىز. گازەتتەر بولسىن, تەلەارنالار مەن  راديو بولسىن, بارلىعىنىڭ دا سايلاۋالدى ۇگىت ناۋقا­نىنا ارالاسۋى وتە جوعارى دەڭگەيدە. ول جاعىنان ەشقانداي ولقىلىق جوق. – اڭگىمەڭىزگە كوپ راحمەت. اڭگىمەلەسكەن انار تولەۋحانقىزى.