«APCO Worldwide» – امەريكالىق پاۆيلوندى ۇيىمداستىرۋشى كومپانيا

قازاقستان رەسپۋبليكاسىنىڭ ۆاشينگتونداعى ەلشىلىگىندە اقش مەملەكەتتىك دەپارتامەنتىنىڭ استاناداعى ەكسپو-2017 كورمەسىندە امەريكالىق پاۆيلوندى ۇيىمداستىرۋشى كومپانيانى تاڭداۋ جونىندەگى تەندەردىڭ قورىتىندىلارى  جاريالاندى. مەملەكەتتىك دەپارتامەنت  «APCO Worldwide» كونسالتينگتىك كومپانياسىن وسى مىندەتتى اتقارۋعا لايىق دەپ تاپتى. ءىس-شارا بارىسىندا اقش-تىڭ ەنەرگەتيكا ءمينيسترى ەرنەست مونيز, اقش مەملەكەتتىك حاتشىسىنىڭ وڭتۇستىك جانە ورتالىق ازيا ماسەلەلەرى جونىندەگى كومەكشىسى نيشا بيس­ۆال, امەريكا-قازاقستان ىسكەرلەر اسسوتسياتسياسىنىڭ اتقارۋشى ديرەكتورى سارا فريز ءسوز سويلەسە, امەريكانىڭ ىسكەر جانە رەسمي توپتارىنىڭ, قوعامدىق ۇيىمدارىنىڭ وكىلدەرى دە وزدەرىنىڭ ويلارىن ورتاعا سالدى. مەملەكەتتىك حاتشىنىڭ كومەكشىسى ن.بيسۆال قازاقستان مەن اقش قاتىناستارىنىڭ ودان ءارى دامۋىندا ەكسپو ايتارلىقتاي ءرول اتقاراتىنىن جانە ونىڭ امەريكالىق كومپا­نيا­لارعا بولاشاق ەنەرگياسىن پاي­دالانۋداعى تەحنولوگيالىق جاڭا­لىقتارىن كورسەتۋگە مۇمكىن­دىك بەرەتىنىن اتاپ ءوتتى. ءسويتىپ, اقش ءوزىنىڭ پاۆيلونىن ۇيىم­داستىرۋشى كومپانيانى انىق­تاپ, استاناداعى ەكسپو كور­مەسىنە قاتىسۋعا بەلسەندى ات­سالىسا باستادى. امەريكالىق ديپ­لوماتتىڭ سوزىنە قاراعاندا, بۇل قازاقستانمەن ىنتىماق­تاسۋعا مۇددەلى جەكەمەنشىك كومپا­نيالاردىڭ قارجىلاي كومەگىنىڭ ارقاسىندا مۇمكىن بولعان. ەنەرگەتيكا ءمينيسترى ە.مو­نيز ەنەرگەتيكا, يادرولىق قاۋىپ­سىزدىك جانە تاراتپاۋ سالا­لارىنداعى ەكىجاقتى ستراتە­گيالىق ارىپتەستىكتى جوعارى باعالاپ, قازاقستان وسى سالالاردا اقش-تىڭ ماڭىزدى ارىپتەسى بولىپ تابىلاتىنىن اتاپ ءوتتى. ول ءوزىنىڭ ءساۋىر ايىنداعى استاناعا ساپارىن جىلىلىقپەن ەسكە الىپ, قازاقستانعا قوناقجايلىلىق تانىتقانى ءۇشىن العىسىن ءبىلدىردى. سونداي-اق, ول قازاقستاندا وتەتىن كورمەنىڭ يننوۆاتسيالىق باعىتى مەن ەكسپو-2017 كورمەسىنىڭ «بولاشاقتىڭ ەنەرگياسى» تاقىرىبىنىڭ وزەكتىلىگىن قاناعاتپەن اتاپ ءوتتى. ەنەرگەتيكا ءمينيسترى اقش-تىڭ ۇلتتىق پاۆيلونىندا امەريكانىڭ عىلىمي-تەحنيكالىق جەتىستىكتەرى كورىنىس تاباتىنىنا دا نازار اۋداردى. «APCO Worldwide» كومپانيا­سى جەڭىمپاز دەپ تانىلعاننان كەيىن ونىڭ باسشىسى ماردجەري كراۋس: «ۇلتتىق پاۆيلوندى ۇيىمداستىرۋ قۇرمەتتى ميسسياسىن اتقارۋعا تاعايىندالۋىمىز ءبىز ءۇشىن ۇلكەن ابىروي», دەدى. ول, سونىمەن قاتار, پاۆيلوننىڭ تۇجىرىمداماسىن جاساۋعا, تاجىريبەلى ارىپتەستەرى تارتىلاتىنىن دا اتاپ كورسەتتى. سونىمەن, پاۆيلون جاساقتاۋ ىسىنە قۇلشىنا كىرىسەتىن پەرسونالدىڭ دا دايىن تۇرعانى بەلگىلى بولدى. ال – «The source of infinite energy» («قۋاتتىڭ تاۋسىلماس قاينار كوزى») دەپ اتالماق. جاقىن ارادا مەملەكەتتىك حات­شىنىڭ ساياسي ماسەلەلەر ءجونىن­دەگى ورىنباسارى توماس شە­نون باستاعان دەلەگاتسيا استا­نادا ساپارمەن بولىپ, امەري­كاعا ارنالعان پاۆيلوندى قا­راپ شىقتى. ديپلومات عيما­رات­قا ريزاشىلىعىن ءبىلدىرىپ, امەري­كالىق تاراپتىڭ كورمەگە دايىن­دىقتى باستاۋ ءۇشىن بيۋرو­كراتيالىق راسىمدەردى تەزدەتە­تىنىن جاريا ەتتى, دەپ حابارلادى «استانا ەكسپو-2017» كومپا­نيا­سىنىڭ ءباسپاسوز قىزمەتى.