زاعيپ جانعا قولداۋ

وزگەنىڭ كومەگى مەن مەيىرىمىنە ءزارۋ, مۇمكىندىگى شەكتەۋلى جاندار كۇندەلىكتى ومىردە جانىمىزدا ءجۇر. ولار تاعدىردان جارىم­جان­دىقتى قالاپ المايدى. سون­دىق­تان ونداي جانداردىڭ ومىرگە دەگەن قۇشتارلىعى مەن ەڭبەك­قور­لىق, ىزدەنىمپازدىق قاسيەتتەرىن ۇشتاۋ ءۇشىن اينالاداعىلاردىڭ ايا­لى قامقورلىعى قاجەت. مۇمكىندىگى شەكتەۋلى وسىنداي جانداردىڭ ءبىرى – گۇلھايا جۋانباەۆا 1989 جىلى سىزعان اۋىل­دىق اكىمشىلىگىنە قاراستى قاينار ەلدى مەكەنىندە دۇنيەگە كەلگەن. ءسابي كەزىنەن كوزىنىڭ ناشار كو­رە­تىندىگىنە بايلانىستى 1-توپتاعى مۇگەدەك بولۋىنا قاراماستان, كى­تاپتى ساۋساعىمەن قيالاي وقىپ, جىر جولدارىن جادىندا ساقتاپ, ءان ونەرىنە دەگەن ىقىلاسىمەن مەك­تەپىشىلىك, اۋداندىق جانە وب­لىستىق ءتۇرلى بايقاۋلاردا بيىكتەردەن كورىنىپ جۇرگەن تالاپتى جاس. گۇلھايا كوركەمسوزدى مانەرلەپ, جاتقا وقۋمەن قاتار, اۋەلەتىپ ءان دە شىرقايدى. 2008 جىلى ەلى­مىز­دىڭ مادەنيەت جانە اقپارات مي­نيسترلىگىنىڭ ۇيىمداستىرۋىمەن شىمكەنت قالاسىندا وتكەن 5-ءشى رەسپۋبليكالىق «ماگنيفيكات» باي­قاۋىنا قاتىسىپ, 1-ءشى ورىندى جە­ڭىپ الدى. بۇل گۇلھايانىڭ ونەر­دەگى كوپ جەتىستىكتەرىنىڭ ءبىرى عانا. تالانتتى دا تاباندى جاس ءوت­كەن جىلى شىمكەنت قالاسىن­داعى وبلىستىق ارنايى كىتاپحانادا برايلشا وقىپ, جازۋدى ءۇي­رەنە وتىرىپ, جوعارى وقۋ ورنىنا تۇسۋگە تىڭعىلىقتى دايىندالدى. العا قويعان ماقساتى ورىندالىپ, م.اۋەزوۆ اتىنداعى وڭتۇستىك قا­زاقستان مەملەكەتتىك ۋنيۆەرسي­تە­تى­نىڭ اقىلى بولىمىنە ستۋدەنت بو­لىپ قابىلداندى. قازىرگى تاڭدا وسى وقۋ ورنىنىڭ «پەداگوگيكا ءجا­نە مادەنيەت» فاكۋلتەتىندە وقي ءجۇرىپ, ءوزىن ۇزدىك ستۋدەنت رەتىندە تانىتۋدا. كەيىپكەرىمىزدىڭ وتباسى جاع­داي­ىنا كەلسەك, اتا-اناسى جۇمىس­سىز. وسى جاعدايدى ەسكەرگەن ءبىز اۋداندىق ورتالىق كىتاپحانا تا­را­پىنان اۋدان اكىمى بەرىك مەي­ىربەكوۆتىڭ قابىلداۋىندا بولعان­بىز. بەرىك قۋان ۇلى بۇل ماسەلەگە مۇقيات كوڭىل ءبولىپ, مۇمكىندىك قا­راستىرۋعا ىقىلاس تانىتقان ەدى. اۋدان باسشىسىنىڭ تاپسى­رۋى­مەن اۋداندىق «ارداگەر» قوعام­دىق قو­رى­نىڭ پرەزيدەنتى امالبەك مۇسا­بەك دەمەۋشىلەر تاۋىپ, ولار جي­نا­عان قارجى گ.جۋ­ان­با­ەۆانىڭ 2010-2011 جىلعى وقۋىنا اۋدارىلدى. ادام تاعدىرىنا ايرىقشا نازار اۋدارىپ, سەرگەكتىك تانىتىپ وتىرعان اۋداندىق ءماسليحات حات­شى­سى امانعالي ايمىرزاەۆ گۇل­ھايا­نىڭ قاينار اۋىلىندا تۇرا­تىن اكەسى مەن اناسىنا جۇمىس تاۋىپ بەرۋ شارالارىن ىزدەستىرۋدە. ال ءبىز قامكوڭىل جاندارعا جى­لى سوزدەرى مەن مەيىرىمدەرىن ايا­ما­عان باسشى ازاماتتارعا زاعيپ قىز­دىڭ ءوزى مەن وتباسى ءارى تىلەۋلەس جانداردىڭ ءبارىنىڭ اتىنان ال­عىس ايتۋدى ءجون كورىپ وتىرمىز. ايمان بالتابەكوۆا, سوزاق اۋداندىق ورتالىقتاندىرىلعان كىتاپحانالار جۇيەسىنىڭ قىزمەتكەرى. وڭتۇستىك قازاقستان وبلىسى.