VII سۋديالار سەزىندە سويلەگەن سوزىندە نۇرسۇلتان نازارباەۆ سۋديالاردىڭ ادىلدىگى تۋرالى ايتىپ, ولار حالىقتىڭ كوڭىلىنەن شىعۋ كەرەكتىگىن دە اتاپ وتتى.
– سۋديا ستاتيستيكالىق كورسەتكىشتەردىڭ قۇربانى بولماۋ كەرەك. ول زاڭ اياسىندا ءادىل شەڭبەر قابىلداۋ ارقىلى حالىقتىڭ كوڭىلىنەن شىعۋى كەرەك, - دەگەن ەلباسى سۋديالاردى قوعامنىڭ عانا ەمەس, مەملەكەتتىڭ ايناسىنا تەڭەدى.
– سۋديانىڭ ءاربىر ءسوزى مەن ءىس-ارەكەتى ادام تاعدىرىن شەشۋدە وتە-موتە ماڭىزى جوعارى. ەندەشە, سۋديالاردىڭ جاۋاپكەرشىلىگى وراسان زور. ءبىر قۇمالاقتىڭ ءبىر قارىن مايدى شىرىتەتىنى سياقتى, ءبىر سۋديانىڭ شالىس قادام باسۋى تۇتاس مەملەكەتتىڭ ءيميدجىن ءتۇسىرىپ, قاسىقتاپ جيعان ابىرويدى شەلەكتەپ توگۋى مۇمكىن. دەمەك, كىنالىنىڭ جازاسىن بەرىپ, تاراپتاردى تاتۋلاستىرۋدا ەلىمىزدەگى سۋديالاردىڭ ءسوزى مىعىم, ءىسى تياناقتى بولۋى ءتيىس, – دەدى نۇرسۇلتان ءابىش ۇلى.
سونىمەن قاتار ەلباسى وسى كۇنگە دەيىن سۋديالار سانىن ارتتىرۋ ەش ناتيجە بەرمەگەندىكتەن, سۋديالاردى دايىنداۋ باعدارلاماسىنىڭ باياۋلاماۋى كەرەكتىگىن ايتتى.
– مەنىڭ تىكەلەي تاپسىرماممەن 400-دەن استام اۋدانارالىق دەڭگەيدەگى سۋديالاردىڭ سانىن 450-دەن اسىردىق, ورتالىق اپپاراتتاعى ادامداردى 540-قا كوبەيتتىك. بىراق, ولار ءتيىستى ناتيجەلەر كورسەتپەي جاتىر. وسى ماسەلەنى قايتا قاراستىرۋىمىز كەرەك. سونىمەن قاتار, سوت قىزمەتى ءۇشىن تولەنەتىن مەملەكەتتىك باج تولەمىنە دە وزگەرىستەر ەنگىزدىك. ەكىۇشتى داۋلاسۋشى تاراپتاردىڭ سانىن قىسقارتۋى كەرەك ەدى. سوندىقتان دا ءبىز "100 ناقتى قادام" ۇلت جوسپارىنىڭ تارماقتارىندا كورسەتىلگەن مىندەتتەر بويىنشا جۇمىستاردى جۇيەلى تۇردە جالعاستىرۋىمىز كەرەك. سونىمەن قاتار, سۋديالاردى دايارلاپ شىعارۋ باعدارلاماسىن باياۋلاتپاعانىمىز ءجون", – دەدى ن. نازارباەۆ.
نۇرلىبەك دوسىباي,
"ەگەمەن قازاقستان".
سۋرەتتەردى تۇسىرگەن ەرلان وماروۆ
