نازارباەۆ: قۇقىق قورعاۋشى ورگاندار ادالدىعى - باستى قۇندىلىق

بۇگىن استانا قالاسىندا ءوتىپ جاتقان VII سۋديالار سەزىندە ءسوز سويلەگەن نۇرسۇلتان نازارباەۆ پوليتسيالاردىڭ جۇمىسىنا ەرەكشە توقتالىپ, ولاردىڭ قىزمەتتەگى ادالدىعى قوعام ءۇشىن باستى قۇندىلىق ەكەنىن اتاپ ءوتتى. سونىمەن قاتار ول قۇقىق قورعاۋ ورگاندارىنىڭ قىزمەتكەرلەرىنە ازاماتتاردىڭ سەنىمى جوعارى بولۋ كەرەكتىگىن ايتتى. ء"بىزدىڭ قوعامداعى ازاماتتارىمىزدىڭ قۇقىق قورعاۋ ورگاندارىنىڭ قىزمەتكەرلەرىنە دەگەن سەنىمى – ەڭ باستى قۇندىلىقتاردىڭ ءبىرى بولىپ تابىلادى. ەلدىڭ سەنىمىن سەيىلتە الماۋ جولىندا ءبىز پوليتسەيلەرىمىزدىڭ قىزمەتىن شەبەر ۇيلەستىرۋىمىز كەرەك. وسى ماقساتتا ءبىز جەرگىلىكتى پوليتسيا قىزمەتىن قۇرىپ, قوعام تىنىشتىعى مەن ازاماتتار قۇقىنىڭ قورعالۋىن قامتاماسىز ەتۋگە كوشتىك", - دەدى ەلباسى. سونىمەن قاتار نۇرسۇلتان نازارباەۆ بۇل ءىستى جۇزەگە اسىرۋ ءۇشىن تەك ءبىر عانا ۆەدومتسۆو جاۋاپ بەرمەۋ كەركەكتىگىنە توقتالدى. "وسى ءىستى بىرىزدەندىرۋ ىشكى ىستەر مينيسترلىگىنىڭ عانا قۇزىرەتىندەگى شارۋا دەپ, ءبىر ۆەدومستۆوعا يەك ارتىپ وتىرۋعا بولمايدى. جەرگىلىكتى باسقارۋ ورگاندارى مەن وزگە دە مينيسترلىكتەر بۇل جۇمىسقا اتسالىسقانى لازىم", – دەدى ەلباسى. سونىمەن قاتار, ەلباسى قازاقستانداعى قۇقىق قورعاۋ ورگاندارى سالاسى سوڭعى وزىق تەحنولوگيالاردى كەڭىنەن قولدانىلىپ جاتقانىن اتاپ ءوتتى. ونىڭ ىشىندە, پوليتسەيلەردىڭ ورتاق بىرىڭعاي بازانى پايدالانۋدى ىسكە قوسۋى دا بار. نۇرلىبەك دوسىباي, "ەگەمەن قازاقستان".