«جاسىل ەكونوميكاعا» كوشۋ جايى تالقىلاندى

ۇكىمەت ۇيىندە پرەمەر-مينيستر باقىتجان ساعىنتاەۆتىڭ توراعالىعىمەن قازاقستان پرەزيدەنتى جانىنداعى «جاسىل ەكونوميكاعا» كوشۋ جونىندەگى كەڭەس وتىرىسى ءوتتى, دەپ حابارلادى پرەمەر-ءمينيستردىڭ ءباسپاسوز قىزمەتى. وتىرىس بارىسىندا قازاقستان رەسپۋب­ليكاسىنىڭ «جاسىل ەكونوميكاعا» كوشۋ جونىندەگى 2013-2020 جىلدارعا ارنالعان تۇجى­رىم­داماسىنىڭ ءىس-شارا جوسپارىن ورىنداۋ بويىنشا جۇمىس توپتارىنىڭ ەسەپتەرى تىڭدالدى. ەنەرگەتيكا ءمينيسترى ق.بوزىم­باەۆ, ينۆەستيتسيالار جانە دامۋ ءمينيسترى ج. قاسىمبەك جانە اۋىل شارۋاشىلىعى ءبىرىنشى ۆيتسە-ءمينيسترى ق. ايتۋعانوۆ بايانداما جاسادى. سونداي-اق, استانادا «جاسىل» تەحنولو­گيالار مەن ينۆەستيتسيالىق جوبالاردىڭ حالىق­ارالىق ورتالىعىن قۇرۋ بويىنشا ماسەلە تالقىلاندى. تۇجىرىمداماعا سايكەس, ورتا­لىقتىڭ نەگىزگى مىندەتى قازاقستاننىڭ «جاسىل ەكونوميكاعا» تاجىريبەلىك كوشۋىنە جاردەم­دەسۋ, جاڭارتىلاتىن ەنەرگيا كوزدەرى جانە ەكو­لوگيالىق تازا تەحنولوگيالار سياقتى «جاسىل ەكونوميكا» سالالارىن دامىتۋعا قاجەتتى تۇراقتى نەگىزدى قالىپتاستىرۋعا قولداۋ كورسەتۋ, سونداي-اق, حالىقارالىق ىنتىماقتاستىقتى نىعايتۋ. اتاپ ايتقاندا, ورتالىق «جاسىل» تەحنولوگيالار ترانسفەرتى بويىنشا ەلدەردىڭ ءوزارا ءىس-قيمىلىن قامتا­ماسىز ەتەدى. وتىرىس قورىتىندىسى بويىنشا پرەمەر-مينيستر باقىتجان ساعىنتاەۆ بىرقاتار تاپسىرما بەردى. ەسكە سالساق, قازاقستان پرەزيدەنتى جانىنداعى «جاسىل ەكونوميكاعا» كوشۋ جونىندەگى كەڭەس مەملەكەت باسشىسىنىڭ جارلىعىمەن 2014 جىلعى 26 مامىردا قۇرىلدى. كەڭەس توراعاسى پرەمەر-مينيستر بولىپ تابىلادى. كەڭەس قازاقستان رەسپۋبليكاسىنىڭ «جاسىل ەكونوميكاعا» كوشۋ جونىندەگى تۇجىرىمداماسىن جۇزەگە اسىرۋعا مونيتورينگ جۇرگىزۋ جانە باعالاۋ, مونيتورينگ جۇرگىزۋ جانە باعالاۋ نەگىزىندە سايكەس ۇسىنىمدار جاساۋ, «جاسىل» جانە تۇراقتى دامۋ قاعيدالارىمەن ەكونوميكانى جاڭعىرتۋدى قامتاماسىز ەتەتىن تۇجىرىمدامانى جۇزەگە اسىرۋ ستراتەگياسىن, ءتاسىلىن جانە تەتىكتەرىن انىقتاۋ ماقساتىندا قۇرىلعان كونسۋلتاتيۆتىك-كەڭەسشى ورگان بولىپ تابىلادى.