سينگاپۋر ديپلوماتىمەن كەزدەستى

پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ ءتورايىمى داريعا نازارباەۆا سينگاپۋر ءسىم ەرەكشە تاپسىرمالار جونىندەگى ەلشىسى بيلاحاري كاۋسيكانمەن كەزدەستى, دەپ حابارلادى وسى پالاتانىڭ ءباسپاسوز قىزمەتى. مەيمانمەن كەزدەسۋدە د.نازارباەۆا سينگاپۋر قازاقستاننىڭ وڭتۇستىك-شىعىس ازياداعى ساياسي ءارى ساۋدا-ەكونوميكالىق ماڭىزدى ارىپتەسى ەكەنىن اتاپ ءوتتى. «جو­عارى دەڭگەيدە سەنىمدى ديالوگ ورنىقتى, پار­لا­مەنت­تەر, ۇكىمەتتەر جانە ىسكەرلەر قاۋىمدارى دەڭگەي­ىندەگى بايلانىستار ورىستەپ كەلەدى», – دەدى سەناتور. «استانا كلۋبى» وتىرىسىنا قاتىسۋ ءۇشىن قا­زاق­ستانعا كەلگەن ب.كاۋسيكان ەۋرازيانىڭ نەگىزگى ماسە­لەلەرىن تالقىلاۋعا ارنالعان حالىقارالىق ساراپشى­لار الاڭىنىڭ مازمۇندىق جانە ۇيىمداستىرۋ تۇرعى­سىنداعى جوعارى دەڭگەيىن اتاپ ءوتتى. «وسىنداي باستامالاردى جالعاستىرا بەرۋ كەرەك», – دەدى ديپلومات. ەكىجاقتى قاتىناستاردىڭ دامۋىنا ريزاشىلىعىن جەتكىزە وتىرىپ, ب.كاۋسيكان د.نازارباەۆانى سينگاپۋرعا ساپارمەن كەلۋگە شاقىردى. سەناتور سينگاپۋرلىق كومپانيالاردىڭ استانادا وتەتىن ەكسپو-2017 حالىقارالىق كورمەسىنە كەلە­تىنىنە سەنىم ءبىلدىردى.