ومبۋدسمەن سالاسىنداعى قىزمەتىمىز وڭ باعالاندى

جەنەۆا قالاسىندا (شۆەيتساريا كونفەدەراتسياسى) قازاقستان رەسپۋبليكاسىنداعى ادام قۇقىقتارى جونىندەگى ۋاكىل (ومبۋدسمەن) اسقار شاكىروۆ بۇۇ-نىڭ ازاپتاۋلارعا جانە قاتىگەز, ادامگەرشىلىككە جاتپايتىن نەمەسە ار-نامىستى قورلايتىن قارىم-قاتىناس جانە جازالاۋدىڭ باسقا دا تۇرلەرىنە قارسى كونۆەنتسياسىنا فاكۋلتاتيۆتىك حاتتاما قابىلدانۋىنىڭ 10 جىلدىعىنا ارنالعان كونفەرەنتسياعا جانە بىرقاتار شارالارعا قاتىستى. ءىس-شارا بارىسىندا فاكۋلتاتيۆتىك حاتتاماعا قاتىسۋشى مەملەكەتتەر ازاپتاۋلاردى جانە قاتىگەز قارىم-قاتىناستى الدىن الۋ بويىنشا جاھاندىق باستامالاردى, سونداي-اق, تۋىنداپ جاتقان سىن-قاتەرلەرگە قاتىستى ەلدەردىڭ كۇش-جىگەرلەرىن شوعىرلاندىرۋ ماسەلەلەرىن تالقىلادى. قازاقستاننىڭ ومبۋدسمەنى ءارىپ­تەس­تەرىنە قازاقستانداعى ازاپتاۋلاردى بول­دىرماۋ سالاسىندا قول جەتكىزىلگەن جە­تىس­تىكتەر تۋرالى حابارلادى. 2014 جىل­دان باستاپ ءبىزدىڭ ەلىمىزدە ارەكەت ەتەتىن «ومبۋدسمەن+» پىشىمىندەگى ۇلتتىق الدىن الۋ (ۇات) تەتىگى تاڭدالعان مودەلىنىڭ ءتيىم­دىلىگىن كورسەتتى, ول پاندىك, نەگىزدى جانە وزەكتى ۇسىنىستار ازىرلەۋگە, مەكە­مە­لەردىڭ اكىمشىلىگىمەن, جەرگىلىكتى, سون­داي-اق, ورتالىق مەملەكەتتىك ورگان­دارمەن جەمىستى ءوزارا ارەكەتتەسۋگە ءمۇم­كىندىك بەرەدى جانە تيىسىنشە جابىق مە­كە­مە­لەر­دەگى جاعدايدى جاقسارتۋعا اسەرىن تي­گى­زۋدە. ۇات-تىڭ 2,5 جىل جۇمىس ىستەۋى كە­زىن­دە وعان قاتىسۋشىلار 1262 مونيتوري­نگ وتكىزدى, ۇات-تىڭ مانداتىنا 3000-نان استام ىشكى ىستەر ورگاندارىنىڭ, قور­عا­نىس, دەنساۋلىق ساقتاۋ, ءبىلىم بەرۋ, ۇلت­تىق قاۋىپسىزدىك مەكەمەلەرى مەن ۇيىمدارى كىرەدى. حالىقارالىق ساراپشىلار قازاق­ستان­نىڭ ءوز حالىقارالىق مىندەت­تە­مە­لەرىن يم­پلەمەنتتەۋىنە وڭ باعا بەردى, وسىعان باي­لانىستى ۇات-تىڭ ازاپتاۋلاردى بول­دىرماۋداعى ەرەكشە ءرولى جانە ونىڭ جال­پى مۇمكىندىكتەرى اتاپ ءوتىلدى. قۇقىق قورعاۋ قۇرىلىمدارىنىڭ وكىل­دەرى قازاقستاندىق ۇات تاجىريبەسى پوست­كەڭەستىك كەڭىستىكتە تاجىريبە الماسۋ ءۇشىن ۇلگى رەتىندە قاراستىرىلۋى مۇمكىن دەپ سانايدى. ازاپتاۋلارعا جانە قاتىگەز, ادام­گەر­شى­لىككە جاتپايتىن نەمەسە ار-نا­مىس­تى قورلايتىن قارىم-قاتىناستار مەن جا­زالاۋدىڭ باسقا دا تۇرلەرىنە قار­سى كونۆەنتسياعا فاكۋلتاتيۆتىك حات­تاماعا سايكەس, ازاپتاۋلاردى بولدىرماۋ باعى­تىن­دا ۇدايى ۇنقاتىسىپ وتىرۋ, ياعني ءوزا­را ارەكەتتەسۋ ماڭىزدى. كونفەرەنتسيانىڭ جۇمىسىنا, سون­داي-اق, قازاقستان رەسپۋبليكاسىنىڭ ءبى­رىك­كەن ۇلتتار ۇيىمى بولىمشەسى مەن جەنەۆا قالاسىنداعى (شۆەيتساريا) باس­قا دا حالىقارالىق ۇيىمدار جانىن­دا­عى تۇراقتى وكىلى ج.ايتجانوۆا قا­تىستى, دەپ حابارلادى قازاقستان رەس­پۋب­لي­كا­سىن­داعى ادام قۇقىقتارى جونىندەگى ءۋا­كىل­ اپپاراتىنىڭ ءباسپاسوز قىزمەتى.