قازاقستان رەسپۋبليكاسى ۇكىمەتىنىڭ قاۋلىسى №1367

2010 جىلعى 15 جەلتوقسان            استانا, ۇكىمەت ءۇيى قازاقستان رەسپۋبليكاسىندا ءورت قاۋىپسىزدىگى سالاسىنداعى قاتەرلەردى تاۋەلسىز باعالاۋ جۇرگىزۋ ەرەجەسىن بەكىتۋ تۋرالى «ءورت قاۋىپسىزدىگى تۋرالى» قازاقستان رەسپۋبليكاسىنىڭ 1996 جىلعى 22 قاراشاداعى زاڭىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسىندا ءورت قاۋىپسىزدىگى سالاسىنداعى قاتەرلەردى تاۋەلسىز باعالاۋدى جۇرگىزۋ ەرەجەسى بەكىتىلسىن. 2. وسى قاۋلى 2011 جىلعى 9 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2010 جىلعى 15 جەلتوقسانداعى №1367 قاۋلىسىمەن بەكىتىلگەن قازاقستان رەسپۋبليكاسىندا ءورت قاۋىپسىزدىگى سالاسىنداعى قاتەرلەردى تاۋەلسىز باعالاۋدى جۇرگىزۋ ەرەجەسى 1. وسى قازاقستان رەسپۋبليكاسىندا ءورت قاۋىپسىزدىگى سالاسىنداعى قاتەرلەردى تاۋەلسىز باعالاۋدى جۇرگىزۋ ەرەجەسى (بۇدان ءارى – ەرەجە) «ءورت قاۋىپسىزدىگى تۋرالى» قازاقستان رەسپۋبليكاسىنىڭ 1996 جىلعى 22 قاراشاداعى زاڭىنا سايكەس ازىرلەنگەن جانە ساراپتاما ۇيىمدارىنىڭ ءورت قاۋىپسىزدىگى سالاسىنداعى قاتەرلەردى تاۋەلسىز باعالاۋدى جۇرگىزۋ ءتارتىبىن انىقتايدى. 2. وسى ەرەجەدە مىناداي تەرميندەر قولدانىلادى: 1) جەكە ءورت قاتەرى ء(ورت كەزىندە ادام ءولىمىنىڭ قاتەرى) – ءورتتىڭ قاۋىپتى فاكتورلارىنىڭ اسەر ەتۋى ناتيجەسىندە جەكەلەگەن ادام ءولىمى مۇمكىندىگىنىڭ ساندىق سيپاتتاماسى; 2)        ءورت قاتەرى – ادامدار مەن ماتەريالدىق قۇندىلىقتار ءۇشىن ءورت قاۋىپتىلىگى مەن ونىڭ سالدارلارىن ىسكە اسىرۋ مۇمكىندىگىنىڭ ساندىق سيپاتتاماسى; 3)        وندىرىستىك وبەكتىلەر – ونەركاسىپتىك جانە اۋىل شارۋاشىلىعى ماقساتىنداعى وبەكتىلەر, ونىڭ ىشىندە قويمالار, ينجەنەرلىك جانە كولىك (تەمىرجول, اۆتوموبيل, ىشكى سۋ, تەڭىز, اۋە جانە ماگيسترالدىق قۇبىر كولىگى) ينفراقۇرىلىمى, بايلانىس وبەكتىلەرى; 4)  الەۋمەتتىك ءورت قاتەرى ء(ورت كەزىندە توپتىق ادام ءولىمىنىڭ قاتەرى) – ءورتتىڭ قاۋىپتى فاكتورلارىنىڭ اسەر ەتۋى ناتيجەسىندە ون جانە ودان استام ادام ءولىمى مۇمكىندىگىنىڭ ساندىق سيپاتتاماسى; 5)   قونىستانعان ايماق – تۇرعىن ءۇي قورىن, قوعامدىق عيماراتتار مەن قۇرىلىستاردى, سونداي-اق جەكەلەگەن كوممۋنالدىق وبەكتىلەردى ورنالاستىرۋعا ارنالعان وندىرىستىك وبەكت اۋماعىنىڭ بولىگى. 3.          ءورت قاۋىپسىزدىگى سالاسىنداعى قاتەرلەردى تاۋەلسىز باعالاۋ وبەكتىنىڭ مەنشىك يەسى مەن ساراپتاما ۇيىمى اراسىندا جاسالاتىن شارت نەگىزىندە جۇرگىزىلەدى. 4.          ءورت قاۋىپسىزدىگى سالاسىنداعى قاتەرلەردى تاۋەلسىز باعالاۋ مەملەكەتتىك مەنشىك وبەكتىلەرىندە, ادامدار جاپپاي جينالاتىن جانە تىنىس-تىرشىلىكتى قامتاماسىز ەتۋ وبەكتىلەرىندە جۇرگىزىلمەيدى. 5.          قاتەرلەردى تاۋەلسىز باعالاۋدى جۇرگىزۋ مەرزىمى شارتپەن انىقتالادى, بىراق وبەكتىنىڭ مەنشىك يەسى شارتپەن انىقتالعان قاتەرلەردى تاۋەلسىز باعالاۋ جۇرگىزۋدىڭ بارلىق تالاپتارىن ورىنداعان ساتتەن باستاپ ءۇش ايدان اسپاۋى قاجەت. 6.  ەگەر تومەندەگى مىناداي تالاپتاردىڭ بىرەۋى ورىندالعان بولسا, وبەكت ءورت قاۋىپسىزدىگى تالاپتارىنا سايكەس كەلەدى: 1)  قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىمەن جانە ءورت قاۋىپسىزدىگى ماسەلەلەرىن رەتتەيتىن نورماتيۆتىك قۇجاتتارمەن بەلگىلەنگەن ءورت قاۋىپسىزدىگى تالاپتارى تولىقتاي ورىندالعان; 2)   ءورت قاتەرلەرىنىڭ كورسەتكىشتەرى وسى ەرەجەمەن بەلگىلەنگەن شەكتى ماندەردەن اسپايدى. 7.  ءورت قاۋىپسىزدىگى سالاسىنداعى قاتەرلەردى تاۋەلسىز باعالاۋ مىناداي ءىس-شارالاردى: 1) وبەكتىنىڭ ءورت قاۋىپتىلىگىن سيپاتتايتىن قۇجاتتاردى تالداۋدى, سونداي-اق پەرسونالدىڭ دايىندىق دەڭگەيىن, ونىڭ ىشىندە: وبەكتىدە ورتتەردىڭ الدىن الۋ جانە ءسوندىرۋ بويىنشا قاجەتتى ۇيىمداستىرۋشىلىق-جوسپارلى قۇجاتتاردىڭ بولۋىن تەكسەرۋدى; ىقتيمال ءورت قاۋپى بار وبەكتىنىڭ قۇرامداس بولىكتەرىن تەڭەستىرۋ ماقساتىندا ءورت قاۋىپسىزدىگىن قامتاماسىز ەتۋ ماسەلەلەرى بويىنشا زاڭنامالىق جانە وزگە دە نورماتيۆتىك قۇقىقتىق اكتىلەردىڭ, تەحنيكالىق جانە جوبالاۋ قۇجاتتاماسى تالاپتارىنىڭ ورىندالۋىن تالداۋدى; وبەكت باسشىلارى مەن پەرسونالىنىڭ, ونىڭ ىشىندە وبەكتىنىڭ مەملەكەتتىك ەمەس ورتكە قارسى قىزمەتىنىڭ دايىندىعىن تەكسەرۋدى; 2) وبەكتىنىڭ ءورت قاۋىپسىزدىگى جاي-كۇيى, ءورتتىڭ تۋىنداۋ جانە ءورشۋ, ءورتتىڭ قاۋىپتى فاكتورلارىنىڭ ادامدارعا اسەر ەتۋ مۇمكىندىگىن انىقتاۋ تۋرالى شىنايى اقپارات الۋ, سونداي-اق وبەكتىنىڭ ءورت قاۋىپسىزدىگى تالاپتارىنا سايكەستىگىن انىقتاۋ ءۇشىن وبەكتىنى تەكسەرۋدى, ونىڭ ىشىندە: وبەكتىنىڭ ءورت قاۋىپسىزدىگىن قامتاماسىز ەتۋ جۇيەسىنىڭ قۇجاتتامالىق جانە ءىس جۇزىندە سايكەستىگىن تەكسەرۋدى; كاسىپورىنداردى, عيماراتتار مەن قۇرىلىستاردى ورتتەن قورعاۋعا ارنالعان ءورت تەحنيكاسىنىڭ بولۋىن جانە ونىڭ جاي-كۇيىن تەكسەرۋدى; 3) قازاقستان رەسپۋبليكاسىنىڭ ۇكىمەتى بەلگىلەگەن تارتىپپەن ءورت قاۋىپسىزدىگى سالاسىنداعى قاتەرلەردى باعالاۋ جونىندەگى ەسەپتەردى جۇرگىزۋدى; 4) وبەكتىنىڭ ءورت قاۋىپسىزدىگى تالاپتارىنا سايكەستىگى نەمەسە سايكەس ەمەستىگى تۋرالى قورىتىندى دايىنداۋدى قامتيدى. 8.       قوعامدىق عيماراتتاردىڭ قاتەرلەرىن تاۋەلسىز باعالاۋ كەزىندە جەكە ءورت قاتەرىنىڭ ەسەبى جۇرگىزىلەدى. 9. وندىرىستىك وبەكتىلەردىڭ قاتەرلەرىن تاۋەلسىز باعالاۋ كەزىندە جەكە جانە الەۋمەتتىك ءورت قاتەرلەرىنىڭ ەسەبى جۇرگىزىلەدى. 10. ءورت قاتەرلەرى ماندەرىنىڭ ەسەبى قازاقستان رەسپۋبليكاسىنىڭ اۋماعىندا قولدانۋ ءۇشىن رۇقسات ەتىلگەن تەحنيكالىق رەگلامەنتتەردىڭ, مەملەكەتتىك, مەملەكەتارالىق, حالىقارالىق ستاندارتتاردىڭ, بەلگىلەنگەن تارتىپپەن بەكىتىلگەن ءورت قاۋىپسىزدىگى سالاسىنداعى نورماتيۆتىك قۇجاتتاردىڭ تالاپتارىنا سايكەس جۇرگىزىلەدى. 11. قوعامدىق عيماراتتار ءۇشىن جەكە ءورت قاتەرى عيماراتتا ءورتتىڭ تارالۋىنىڭ ەداۋىر كۇردەلى جاعدايى مەن ادامداردى عيماراتتان, ءۇي-جايدان جانە قۇرىلىستان شىعۋ جولىنان ەداۋىر قاشىق ورىندا ورنالاستىرۋ ءۇشىن جىلىنا 10^-6 مانىنەن اسپاۋى ءتيىس. 12. وندىرىستىك وبەكتىلەردىڭ عيماراتتارىندا, قۇرىلىستارىندا, قۇرىلىمدارىندا جانە اۋماقتارىندا جەكە ءورت قاتەرىنىڭ شاماسى جىلىنا 10^-6 اسپاۋى ءتيىس. 13. تەحنولوگيالىق ۇدەرىستەردىڭ جۇمىس ىستەۋ ەرەكشەلىگىنە بايلانىستى جەكە ءورت قاتەرىنىڭ كورسەتىلگەن شاماسىن قامتاماسىز ەتۋ مۇمكىن بولمايتىن وندىرىستىك وبەكتىلەر ءۇشىن جەكە ءورت قاتەرى جىلىنا 10^-8 اسپاۋى ءتيىس. 14.        وندىرىستىك وبەكتىدە ءورتتىڭ قاۋىپتى فاكتورلارىنىڭ اسەر ەتۋى ناتيجەسىندە جەكە ءورت قاتەرىنىڭ شاماسى وبەكتىنىڭ قونىستاندىرىلعان ايماعىنداعى ادامدار ءۇشىن جىلىنا 10^-8 اسپاۋى ءتيىس. 15.        وندىرىستىك وبەكتىدە ءورتتىڭ قاۋىپتى فاكتورلارىنىڭ اسەر ەتۋىنىڭ الەۋمەتتىك ءورت قاتەرىنىڭ ءمانى وبەكتىنىڭ قونىستاندىرىلعان ايماعىنداعى ادامدار ءۇشىن جىلىنا 10^-7 اسپاۋى ءتيىس. 16.        ءورت قاۋىپسىزدىگى سالاسىنداعى قاتەرلەردى تاۋەلسىز باعالاۋدى جۇرگىزۋ ناتيجەلەرى قورىتىندى تۇرىندە رەسىمدەلەدى. 17.        قاتەرلەردى تاۋەلسىز باعالاۋدى جۇرگىزۋ ناتيجەلەرى تۋرالى قورىتىندى مىنالاردى: 1) قورىتىندىنىڭ اتاۋىن; 2) قاتەرلەردى تاۋەلسىز باعالاۋدى جۇرگىزۋ نەگىزدەمەسى مەن ماقساتىن قامتيتىن كىرىسپە ءبولىمىن, جۇرگىزىلگەن قاتەرلەردى تاۋەلسىز باعالاۋدىڭ تاپسىرىس بەرۋشىسى تۋرالى مالىمەتتى, قاتەرلەردى تاۋەلسىز باعالاۋدى ورىنداعان ساراپتاما ۇيىمى مەن وندا اككرەديتتەۋ اتتەستاتىنىڭ بار-جوعى تۋرالى مالىمەتتى, قاتەرلەردى تاۋەلسىز باعالاۋدى جۇرگىزگەن ماماندار تۋرالى مالىمەتتى; 3)     وبەكتىنىڭ قىسقاشا سيپاتتاماسى مەن قاتەرلەردى تاۋەلسىز باعالاۋدىڭ ماقساتىن; 4)       قاتەرلەردى تاۋەلسىز باعالاۋ ۇدەرىسىندە قارالعان قۇجاتتار مەن سايكەستەندىرۋ ءۇشىن قاجەتتى ءشيفرى, ءنومىرى, ماركاسى نەمەسە وزگە دە ينديكاتسياسى بار ماتەريالداردى كورسەتە وتىرىپ, تەكسەرىلگەن تەحنيكالىق جۇيەلەر تۋرالى مالىمەتتى; 5)       وبەكتىنىڭ ءورت قاۋىپسىزدىگىن قامتاماسىز ەتۋ جۇيەسىنىڭ, سونداي-اق ۇيىمداستىرۋشىلىق-تەحنيكالىق ءىس-شارالاردىڭ ءورت قاۋىپسىزدىگى تالاپتارىنا سايكەستىگى تۋرالى مالىمەتتى; 6)       ءورت قاۋىپسىزدىگى تالاپتارىن بۇزۋشىلىقتار بولعان جاعدايدا ءورت قاۋىپسىزدىگى سالاسىنداعى قاتەرلەردى باعالاۋ ەسەپتەرىن; 7)       وبەكتىنىڭ ءورت قاۋىپسىزدىگى تالاپتارىنا, ونىڭ ىشىندە ەسەپتەرمەن الىنعان ءورت قاتەرلەرى ماندەرىنىڭ نەگىزىندە سايكەستىگى نەمەسە سايكەس ەمەستىگى تۋرالى قورىتىندىلاردى قامتيتىن قورىتىندى ءبولىمدى قاميدى. 18. قاتەرلەردى تاۋەلسىز باعالاۋ قورىتىندىسىنا ساراپتاما ۇيىمىنىڭ باسشىسى قول قويادى, ساراپتاما ۇيىمىنىڭ مورىمەن راستالادى, تىگىلگەن بەتتەردىڭ سانىن كورسەتىلە وتىرىپ تىگىلەدى. 19. ساراپتاما ۇيىمى قورىتىندى شىعارىلعاننان كەيىن بەس جۇمىس كۇنى ىشىندە قورىتىندىنىڭ كوشىرمەسىن ءورت قاۋىپسىزدىگى سالاسىنداعى ۋاكىلەتتى ورگاننىڭ اۋماقتىق بولىمشەسىنە ۇسىنادى. 20. ءورت قاۋىپسىزدىگى سالاسىنداعى ۋاكىلەتتى ورگاننىڭ اۋماقتىق بولىمشەسىنە قاتەرلەردى تاۋەلسىز باعالاۋ جۇرگىزۋ ناتيجەلەرى بويىنشا قورىتىندىنىڭ كوشىرمەسىن ۇسىنباعانى نەمەسە ۋاقتىلى ۇسىنباعانى, سونداي-اق وبەكتىنىڭ ءورت قاۋىپسىزدىگى تالاپتارىنا سايكەستىگى (سايكەس ەمەستىگى) تۋرالى كۇماندى اقپاراتتى قامتيتىن ءورت قاۋىپسىزدىگى سالاسىنداعى قاتەرلەردى تاۋەلسىز باعالاۋ جۇرگىزۋ ناتيجەلەرى بويىنشا قورىتىندىنى بەرگەنى ءۇشىن ساراپتاما ۇيىمى قازاقستان رەسپۋبليكاسىنىڭ اكىمشىلىك زاڭناماسىنا سايكەس جاۋاپتى بولادى.