قازاقستان رەسپۋبليكاسى ۇكىمەتىنىڭ قاۋلىسى № 1404

22 جەلتوقسان 2010 جىل. استانا, ۇكىمەت ءۇيى قازاقستان رەسپۋبليكاسىندا تەرروريزمگە قارسى ءىس-قيمىل  سالاسىنداعى قىزمەتتى ۇيىمداستىرۋ قاعيداسىن بەكىتۋ تۋرالى «تەرروريزمگە قارسى ءىس-قيمىل تۋرالى» قازاقستان رەسپۋبليكاسىنىڭ  1999 جىلعى 13 شىلدەدەگى زاڭىنىڭ 4-بابى 3-تارماعىنىڭ 3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسىندا تەرروريزمگە قارسى    ىس-قيمىل سالاسىنداعى قىزمەتتى ۇيىمداستىرۋ قاعيداسى بەكىتىلسىن. 2. قازاقستان رەسپۋبليكاسى ۇكىمەتىنىڭ 2005 جىلعى 30 ناۋرىزداعى № 284 قپۇ قاۋلىسىنىڭ كۇشى جويىلدى دەپ تانىلسىن. 3. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى  ك. ءماسىموۆ. ____________________ قازاقستان رەسپۋبليكاسى ۇكىمەتىنىڭ 2010 جىلعى 22 جەلتوقسانداعى № 1404 قاۋلىسىمەن بەكىتىلگەن قازاقستان رەسپۋبليكاسىندا تەرروريزمگە قارسى ءىس-قيمىل سالاسىنداعى قىزمەتتى ۇيىمداستىرۋ قاعيداسى 1-تاراۋ. جالپى ەرەجەلەر 1. وسى قازاقستان رەسپۋبليكاسىندا تەرروريزمگە قارسى ءىس-قيمىل جاساۋ سالاسىنداعى قىزمەتتى ۇيىمداستىرۋ قاعيداسى (بۇدان ءارى – قاعيدا) «تەرروريزمگە قارسى ءىس-قيمىل تۋرالى» قازاقستان رەسپۋبليكاسى 1999 جىلعى  13 شىلدەدەگى زاڭىنىڭ 4-بابى 3-تارماعىنىڭ 3) تارماقشاسىنا سايكەس ازىرلەنگەن. 2. قاعيدا تەرروريزم سالدارىن الدىن الۋدى,  جولىن كەسۋدى, ونى بارىنشا ازايتۋدى جانە (نەمەسە) جويۋدى ۇيىمداستىرۋ  تارتىبىن انىقتايدى. تەرروريزمدى انىقتاۋ, اشۋ جانە تەرگەۋ قازاقستان رەسپۋبليكاسىنىڭ قىلمىستىق جانە قىلمىستىق ءىس جۇرگىزۋ كودەكستەرىنىڭ نورمالارىندا, سونداي-اق  ءوز قۇزىرەتى شەگىندە تەرروريزمگە قارسى ءىس-قيمىلدى جۇزەگە اسىراتىن مەملەكەتتىك ورگانداردىڭ ۆەدومستۆولىق نورماتيۆتىك قۇقىقتىق اكتىلەرىندە انىقتالادى. 3. قاعيدادا مىناداي ۇعىمدار پايدالانىلادى: تەرروريزم اكتiسi - جارىلىس جاساۋ, ءورت قويۋ نەمەسە ادامداردىڭ قازا بولۋى, ەلەۋلi مۇلiكتiك زيان كەلتiرۋ نە قوعامعا قاۋiپتi زارداپتاردىڭ تۋىنداۋ قاۋپiن توندiرەتiن وزگە دە iس-ارەكەتتەر جاساۋ نەمەسە جاسايمىن دەپ قورقىتۋ, ەگەر ونداي iس-ارەكەتتەر قوعامدىق قاۋiپسiزدiكتi بۇزۋ, حالىقتى ۇرەيلەندiرۋ نە قازاقستان رەسپۋبليكاسى مەملەكەتتiك ورگاندارىنىڭ, شەت مەملەكەتتەردiڭ نەمەسە حالىقارالىق ۇيىمداردىڭ شەشiمدەر قابىلداۋىنا ىقپال ەتۋ ماقساتىندا جاسالسا, سونداي-اق ادام ومiرiنە ءدال سول ماقساتتاردا قاستاندىق جاساۋ, سول سياقتى مەملەكەت نەمەسە قوعام قايراتكەرiنiڭ مەملەكەتتiك نەمەسە وزگە دە ساياسي قىزمەتiن توقتاتۋ نە وسىنداي قىزمەتi ءۇشiن كەك الۋ ماقساتىندا ونىڭ ومiرiنە قاستاندىق جاساۋ; تەرروريزمگە قارسى وپەراتسيا – ادام كۇشiن, قىزمەتتiك يتتەردi, اسكەري جانە وزگە دە تەحنيكانى, قارۋلار مەن ارناۋلى قۇرالداردى پايدالانا وتىرىپ, تەرروريزم اكتiسiنiڭ الدىن الۋ, جولىن كەسۋ, تەرروريستەردi, جارىلعىش قۇرىلعىلاردى زيانسىزداندىرۋ, جەكە ادامدار مەن ۇيىمداردىڭ قاۋiپسiزدiگiن قامتاماسىز ەتۋ, سونداي-اق تەرروريزم اكتiسiنiڭ زارداپتارىن بارىنشا ازايتۋ جانە (نەمەسە) جويۋ جونiندەگi ارنايى iس-شارالار كەشەنi. تiزبەسi «قازاقستان رەسپۋبليكاسى پرەزيدەنتiنiڭ كۇزەت قىزمەتi تۋرالى» قازاقستان رەسپۋبليكاسىنىڭ زاڭىندا بەلگiلەنگەن كۇزەتiلەتiن ادامداردىڭ قاۋiپسiزدiگiن قامتاماسىز ەتۋ جونiندەگi كۇزەتۋ iس-شارالارى دا تەرروريزمگە قارسى وپەراتسيالارعا جاتادى; تەرروريزمگە قارسى iس-قيمىل - تەرروريزمدi انىقتاۋ, ونىڭ الدىن الۋ, جولىن كەسۋ, ونى اشۋ جانە تەرگەۋ, تەرروريزمنiڭ زارداپتارىن بارىنشا ازايتۋ جانە (نەمەسە) جويۋ. 2-تاراۋ. تەرروريزمنىڭ الدىن الۋ ءتارتىبى 4. تەرروريزمنىڭ الدىن الۋ دەپ الدىن الا وتكىزىلەتىن جانە تەرروريستىك    ىس-ارەكەتتى جۇزەگە اسىرۋ تاۋەكەلىن مۇمكىندىگىنشە بارىنشا ازايتۋعا, ادامداردىڭ دەنساۋلىعى مەن ءومىرىن ساقتاۋعا, تەرروريزم اكتىسى جاسالعان جاعدايدا ونىڭ سالدارىن بارىنشا ازايتۋعا باعىتتالعان كەشەندى ءىس-شارالار تۇسىندىرىلەدى. 5. تەرروريزمنىڭ الدىن الۋ: قوعامدا تەرروريزمدى قابىلداماۋ يدەياسىن قالىپتاستىرۋعا باعىتتالعان اقپاراتتىق-ۇگىت ناسيحات جۇمىسىن ۇيىمداستىرۋ جانە وتكىزۋ; تەرروريستىك ءىس-ارەكەتتەرگە قاتىسقان شەتەلدىكتەر مەن ازاماتتىعى جوق ادامداردى قازاقستان رەسپۋبليكاسىنىڭ اۋماعىنا ەنۋىن بولدىرماۋ ماقساتىندا قىزمەتتى جۇزەگە اسىرۋ; تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا قارجى مونيتورينگىن وتكىزۋ; تەرروريستىك تۇرعىدان وسال وبەكتىلەردى تەرروريزمگە قارسى قورعاۋدىڭ جوعارعى دەڭگەيىن قامتاماسىز ەتۋ ارقىلى جۇزەگە اسىرىلادى. 6. تەرروريزمنىڭ الدىن الۋ جونىندەگى ءىس-شارالاردى ءوز قۇزىرەتى شەگىندە قازاقستان رەسپۋبليكاسىنىڭ بارلىق مەملەكەتتىك ورگاندارى جۇرگىزەدى. 7. اقپاراتتىق-ۇگىت ناسيحات جۇمىسى قوعامدىق بىرلەستىكتەردى, ازاماتتىق قوعامنىڭ باسقا دا ينسيتۋتتارى مەن ازاماتتاردى پايدالانا وتىرىپ, كونفەرەنتسيالار, سەمينارلار, كەڭەستەر, «دوڭگەلەك ۇستەلدەر», اڭگىمەلەر جانە قوعامدا ونىڭ كەيىننەن تارالۋ ءۇردىسىن زەرتتەۋمەن جانە تالداۋمەن, ۋاقتىلى دەن قويۋ شارالارىن ازىرلەۋمەن جانە قابىلداۋمەن تەرروريزم يدەولوگياسىنىڭ قىلمىستىق سيپاتى تۋرالى حالىقتى حاباردار ەتۋ ماقساتىندا بۇقارالىق اقپارات قۇرالدارىندا اقپاراتتىق حابارلار تۇرىندەگى جالپى جانە جەكە پروفيلاكتيكالىق ءىس-شارالار ۇيىمداستىرۋ جانە وتكىزۋ جولىمەن جۇزەگە اسىرىلادى. 8. جەدەل ىزدەستىرۋ قىزمەتىن جۇزەگە اسىراتىن مەملەكەتتىك ورگاندار قولدانىستاعى زاڭناما شەڭبەرىندە تەرروريستىك ۇيىمدار مۇشەلەرىنىڭ نە تەرروريستىك ءىس-ارەكەتكە قاتىسقان ادامداردىڭ قازاقستان رەسپۋبليكاسىنىڭ اۋماعىنا جەكە ەنۋگە نەمەسە تەرروريزم اكتىسىن جاساۋ قۇرالدارىن اكەلۋگە تالپىنىستارى مەن ۇمتىلىستارىن ۋاقتىلى انىقتاۋعا باعىتتالعان قاجەتتى جەدەل-ىزدەستىرۋ ءىس-شارالارىن وتكىزەدى. ۇلتتىق قاۋىپسىزدىك ورگاندارى «تەرروريزمگە قارسى ءىس-قيمىل تۋرالى» قازاقستان رەسپۋبليكاسىنىڭ 1999 جىلعى 13 شىلدەدەگى زاڭىنىڭ 10-بابىنىڭ         2-تارماعىنا سايكەس تەرروريستىك ءىس-ارەكەتتەرگە قاتىسقان شەتەلدىكتەر مەن  ازاماتتىعى جوق ادامداردىڭ قازاقستان رەسپۋبليكاسىنا كەلۋىنە تىيىم سالۋعا قۇقىعى بار. 9. قازاقستان رەسپۋبليكاسىنىڭ قارجى مونيتورينگى جونىندەگى ۋاكىلەتتى ورگانى مەملەكەتتىك ورگاندارمەن جانە قارجى مونيتورينگى سۋبەكتىلەرىمەن ءوزارا ءىس-قيمىل جاساۋ ءۇشىن زاڭدا بەلگىلەنگەن تارتىپپەن تەرروريزمدى قارجىلاندىرۋعا قارسى ءىس-قيمىل جاسايدى. 10. تەرروريستىك تۇرعىدان وسال وبەكتىلەردى تەرروريزمگە قارسى قورعاۋ كەشەندى, ۇيىمداستىرۋشىلىق, رەجيمدىك, كۇزەتۋ, پروفيلاكتيكالىق, تاربيەلىك, ءبىلىم, تەحنيكالىق جانە وزگە دە شارالار كەشەنىن, سونداي-اق وسى وبەكتىلەردىڭ قاۋىپسىز جۇمىس ىستەۋىن تەرروريزم اكتىسىنىڭ جاسالۋ تاۋەكەلىنىڭ الدىن الۋ جانە بارىنشا ازايتۋ, جاعدايىن جاساۋ مەن قامتاماسىز ەتۋ ءۇشىن قابىلداناتىن جوسپارلار مەن باعدارلامالاردى بىلدىرەدى. 11. تەرروريستىك تۇرعىدان وسال وبەكتىلەردى تەرروريزمگە قارسى قورعاۋدى قامتاماسىز ەتۋ جونىندەگى ءىس-شارالار مىنالاردى قامتيدى: 1) وبەكتىنى ىستەن شىعارۋ نەمەسە سىرتتان ارالاسۋ ونىڭ جۇمىس ىستەۋىنىڭ بۇزىلۋىنا اكەپ سوقتىرۋى مۇمكىن شەشۋشى, اناعۇرلىم وسال ۋچاسكەلەرىن (ايماقتارىن), قۇرال-جابدىقتارىن, تەحنولوگيالىق پروتسەستەرىن انىقتاۋ (تالداۋ); 2) وبەكتىنى فيزيكالىق كۇزەتۋ مەن ينجەنەرلىك-تەحنيكالىق نىعايتىلۋىنىڭ ءتيىمدى جۇيەسىن قۇرۋ جانە وزەكتى جاعدايدا قولداۋ, ونىڭ قاۋىپسىزدىگىن قامتاماسىز ەتۋ جوسپارلارىن ازىرلەۋ مەن تەكسەرۋ, تەحنيكالىق كۇزەت قۇرالدارىنىڭ ينجەنەرلىك كوممۋنيكاتسيالىق جانە كابىلدىك جەلىلەرىنە ۋاقتىلى قىزمەت كورسەتۋ, كۇردەلى جوندەۋ جانە جاڭعىرتۋ; 3) وبەكت پەرسونالىن تەرروريزم اكتىسى جاسالعان (قاۋپى تونگەندە) كەزدە ءىس-قيمىل جاساۋعا وقىتۋ, ولاردى مودەلدەۋ جانە تەرروريزمگە قارسى شارالاردىڭ ءتيىستى جۇيەسىن ازىرلەۋ, سونىڭ ىشىندە دابىل جانە پەرسونال مەن كەلۋشىلەرگە حابارلاۋ سيگنالدارىن ورناتۋ, ولاردى ەۆاكۋاتسيالاۋ تاسىلدەرى, قۇقىق قورعاۋ ورگاندارىمەن ءوزارا ءىس-قيمىل جاساۋ; 4) وبەكتىنىڭ اقپاراتتىق جەلىلەرىن, ونىڭ اقپاراتتىق وڭدەۋ, ساقتاۋ جانە بەرۋ پروتسەستەرىن اۆتوريزاتسيالانباعان ەنۋدەن, بۇزىلۋدان, تۇرلەندىرۋدەن, قول جەتكىزۋدى تەجەۋدەن قورعاۋ جونىندەگى ۇيىمداستىرۋشىلىق, تەحنيكالىق جانە تەحنولوگيالىق كەشەنىن ىسكە اسىرۋ. 12. تەرروريزمگە قارسى ءىس-قيمىل سالاسىنداعى قىزمەتتى ۇيلەستىرۋ جونىندەگى ۋاكىلەتتى مەملەكەتتىك ورگان تەرروريزمگە قارسى ءىس-قيمىلدى جۇزەگە اسىراتىن مەملەكەتتىك ورگاندارمەن ءوزارا ءىس-قيمىل جاساۋدا تەرروريزمنىڭ الدىن الۋ جونىندەگى ءىس-شارالاردى عىلىمي-ادىستەمەلىك قامتاماسىز ەتەدى. 3-تاراۋ. تەرروريزمنىڭ جولىن كەسۋ ءتارتىبى 13. تەرروريزمنىڭ جولىن كەسۋ تەرروريزمگە قارسى وپەراتسيالاردى وتكىزۋ جولىمەن جۇزەگە اسىرىلادى, ولار: تەرروريزم اكتىسىنىڭ جولىن كەسۋ, ونىڭ سالدارىن بارىنشا ازايتۋ مەن جويۋ جونىندەگى تەرروريزمگە قارسى وپەراتسيالار; كۇزەتىلەتىن تۇلعالاردىڭ قاۋىپسىزدىگىن قامتاماسىز ەتۋ جونىندەگى تەرروريزمگە قارسى وپەراتسيالار بولىپ بولىنەدى. 14. تەرروريزمگە قارسى وپەراتسيالاردى تىكەلەي وتكىزۋدى قازاقستان رەسپۋبليكاسى ۇلتتىق قاۋىپسىزدىك كوميتەتى (بۇدان ءارى – ۇقك), قازاقستان رەسپۋبليكاسى ىشكى ىستەر مينيسترلىگى (بۇدان ءارى – ءىىم), قازاقستان رەسپۋبليكاسى پرەزيدەنتىنىڭ كۇزەت قىزمەتى (بۇدان ءارى – پكق) جانە قازاقستان رەسپۋبليكاسى قورعانىس مينيسترلىگى (بۇدان ءارى – قورعانىسمينى) جۇزەگە اسىرادى. 15. تەرروريزمگە قارسى وپەراتسيالاردى وتكىزۋ ءۇشىن تۇراقتى جۇمىس ىستەيتىن رەسپۋبليكالىق جانە وبلىستىق, رەسپۋبليكالىق ماڭىزى بار قالالىق جانە استانانىڭ جەدەل شتابتارى (بۇدان ءارى – جەدەل شتابتار) قۇرىلادى, ولاردىڭ مارتەبەسى مەن وكىلەتتىگى تەرروريزمگە قارسى وپەراتسيالاردىڭ ءاربىر ءتۇرى بويىنشا ۇقك-نىڭ, ءىىم-ءنىڭ, پكق-نىڭ جانە قوعانىسمينىنىڭ بىرلەسكەن بۇيرىعىمەن بەكىتىلەتىن ەرەجەلەردە انىقتالادى. بۇل رەتتە تەرروريزم اكتىسىنىڭ جولىن كەسۋ جانە كۇزەتىلەتىن تۇلعالاردىڭ قاۋىپسىزدىگىن قامتاماسىز ەتۋ جونىندەگى تەرروريزمگە قارسى وپەراتسيالار جۇرگىزۋ جونىندەگى شتابتار تۋرالى ەرەجە دەربەس بەكىتىلەدى. 16. ەگەر جوعارى تۇرعان جەدەل شتابتىڭ تەرروريزم اكتىسى جاسالعان ورىنعا ۋاقىتىلى كەلۋ مۇمكىندىگى بولماعان جاعدايدا, وبىلىستىق جەدەل شتاب بەكىتەتىن تىزبەسى بويىنشا وبلىستاردىڭ ەلدى مەكەندەرىندە تەرروريزمگە قارسى وپەراتسيانى ۇيىمداستىراتىن جانە وتكىزەتىن قالالىق جانە اۋداندىق جەدەل شتابتار قۇرىلادى. 17. جەدەل شتابتاردىڭ كۇشتەرى مەن قۇرالدارىنىڭ قۇرامى, جەدەل توپتاردى قالىپتاستىرۋ ءتارتىبى, تەرروريزمگە قارسى وپەراتسيالارعا دايىندالۋ بارىسىندا جانە وتكىزۋ پروتسەسىندەگى ولاردىڭ ءىس-قيمىلدارىنىڭ ەگجەي-تەگجەيلى تىزبەسى ۇقك-نىڭ, ءىىم-ءنىڭ, پكق-نىڭ جانە قورعانىسمينىنىڭ, سونداي-اق ءوز قۇزىرەتى شەگىندە تەرروريزمگە قارسى ءىس-قيمىلعا قاتىساتىن وزگە دە مەملەكەتتىك ورگانداردىڭ بىرلەسكەن بۇيرىعىمەن ناقتىلانادى. 18. وزگە مەملەكەتتىك ورگاندار تەرروريزمگە قارسى وپەراتسيالارعا ءوز قۇزىرەتى شەگىندە جەدەل شتاب باسشىسىنىڭ سۇراۋى بويىنشا قارجى قاراجاتىن, اقپارات, كولىك جانە بايلانىس قۇرالدارىن, مەديتسينالىق جابدىق, ءدارى-دارمەكتەر مەن مەديتسينالىق قىزمەت كورسەتۋدى, ماتەريالدىق-تەحنيكالىق قامتاماسىز ەتۋدى ۇسىنۋ ارقىلى قاتىسادى. 19. تەرروريزم اكتىسىنىڭ جولىن كەسۋگە تارتىلعان مەملەكەتتىك ورگانداردىڭ كۇشتەرى مەن قۇرالدارىنىڭ ءوزارا  ىس-قيمىلىنىڭ تيىمدىلىگىن ارتتىرۋ ماقساتىندا تەرروريزمگە قارسى ءاربىر وپەراتسيانىڭ جەكە ءتۇرى بويىنشا جەدەل شتابتىڭ باسشىسى تەرروريزمگە قارسى وپەراتسيا جۇرگىزۋدىڭ ۆەدومستۆوارالىق ۇلگىلىك جوسپارىن (بۇدان ءارى – ۇلگىلىك جوسپار) بەكىتەدى, وندا: تارتىلاتىن كۇشتەر مەن قۇرالداردىڭ ەسەبى جۇرگىزىلەدى, جەدەل توپتاردىڭ اتاۋى, ادام سانى, ورنالاسقان جەرى, قارۋ-جاراعى جانە تەحنيكالىق جاراقتانۋى كورسەتىلەدى, ولاردىڭ باسشىلارى تاعايىندالادى; تەرروريزمگە قارسى وپەراتسيالاردىڭ قاتىسۋشىلارىنا حابارلاۋ سحەماسى, جەدەل شتابتىڭ جانە ونىڭ جەدەل توپتارىنىڭ العاشقى جينالۋ ورنى مەن ورنالاساتىن جەرى ازىرلەنەدى; وزگە مەملەكەتتىك ورگانداردىڭ تەرروريزمگە قارسى وپەراتسياعا قاتىسۋ دەڭگەيى بەلگىلەنەدى; تەرروريزمگە قارسى وپەراتسيانى ازىرلەۋ مەن وتكىزۋدىڭ جالپى تەتىگى ناقتىلانادى. 20. ۇلگىلىك جوسپاردىڭ ءىس-شارالارى ءارتۇرلى دەڭگەيدەگى تەرروريزمگە قارسى وقۋلار مەن جاتتىعۋلار وتكىزۋ جولىمەن پىسىقتالادى, ونىڭ ءتارتىبى ۇقك-نىڭ, ءىىم-ءنىڭ, پكق-نىڭ جانە قورعانىسمينىنىڭ بىرلەسكەن بۇيرىعىمەن رەگلامەنتتەلەدى. 4-تاراۋ. تەرروريزم اكتىسىنىڭ سالدارىن بارىنشا ازايتۋ جانە (نەمەسە) جويۋ ءتارتىبى 21. تەرروريزم اكتىسىنىڭ سالدارىن بارىنشا ازايتۋ جانە (نەمەسە) جويۋ ءۇشىن مەملەكەتتىك جانە مەملەكەتتىك ەمەس ءورت جانە مامانداندىرىلعان ءورت بولىمدەرى, قازاقستان رەسپۋبليكاسى توتەنشە جاعدايلار مينيسترلىگىنىڭ جەدەل قۇتقارۋ بولىمشەلەرى, ەرىكتى قۇتقارۋ قۇرالىمدارى, اۋە, سۋ نەمەسە تەمىر جول كولىكتەرىنىڭ ءتيىستى بولىمشەلەرى, جەرگىلىكتى اتقارۋشى ورگانداردىڭ جەدەل دەن قويۋ جاساقتارى قالالىق (اۋداندىق) كوممۋنالدىق قىزمەتتەردىڭ اۆاريالىق-تەحنيكالىق كوماندالارىمەن بىرلەسىپ تارتىلادى. 22. تەرروريزم اكتىسى جاسالعان كەزدە حالىقتى مەديتسينالىق قامتاماسىز ەتۋدى اپات مەديتسيناسى قىزمەتىنىڭ مەكەمەلەرى مەن قۇرالىمدارى – جەدەل مەديتسينالىق كومەك كورسەتۋ بريگادالارى, مامانداندىرىلعان سانيتاريالىق-توكسيكولوگيالىق جانە توكسيكو-تەراپەۆتىك بريگادالار, دەنساۋلىق ساقتاۋ ۇيىمدارى مەن سۋبەكتىلەرىنىڭ توكسيكولوگيالىق بولىمشەلەرى ۇيىمداستىرادى جانە جۇزەگە اسىرادى. 23. زياندى وتەۋ, سونداي-اق تەرروريزم اكتىسىنەن ءجابىر كورگەن ادامداردى الەۋمەتتىك وڭالتۋ زاڭنامادا بەلگىلەنگەن تارتىپپەن جۇزەگە اسىرىلادى.