جەتىستىكتەرىمىز تۋى جەلبىرەي بەرسىن

قوستاناي قالاسىنداعى  سپورت سارايى قازاقستان پرەزيدەنتتىگىنە «نۇر وتان» حدپ-دان كان­ديدات ن.نازارباەۆتىڭ جاق­تاستارىنا لىق تولدى. جابىق مۇز ايدىنى ورنالاسقان بۇل سارايعا ادەتتە  ءۇش مىڭ ادام سىيادى. ال بۇل جولى جي­نال­عانداردىڭ قاراسى ودان دا اسىپ كەتتى,  ورىن تابىل­ما­عان­دارى سارايدىڭ كىرەبەرىسىندە تۇردى. فورۋمعا جينالعان ارداگەرلەر, جاۋلىعى اعاراڭدا­عان اجەلەر,  ورتا جاستاعىلار, جاستار كادىمگى مەرەكەگە كەلگەندەي كوتەرىڭكى كوڭىل كۇيدىڭ ەركىنە ىلەسكەن. ويتكەنى, قا­زاق­ستان پرەزيدەنتتىگىنەن ءۇمىت­­كەر نۇرسۇلتان نازار­باەۆتىڭ ەڭ­بە­گى  ونىڭ كانديداتۋراسىن جاق­تاۋشىلارعا بۇرىننان دا ءمالىم. ولاردىڭ ارقايسىسى ەل­دىڭ جارقىن بولاشاعىن نۇر­­سۇل­تان نازارباەۆپەن بىرگە ەلەس­تەتەدى.  نۇرسۇلتان ءابىش­­ ۇلى­نىڭ جاقتاۋشىلارى وتكى­زىپ وتىرعان فورۋمعا قاتىسۋ ءۇشىن قوستانايعا «قازاق­ستان-2020» جالپىۇلتتىق دە­مو­­كرا­تيا­لىق كۇشتەر كوا­لي­تسيا­­سى­نىڭ وكىلدەرى كەلدى.  قۇ­رامىن­دا ەسىمى ەلگە كەڭىنەن تا­نىمال تۇلعالار بار دەلە­گا­تسيا­نى  باس­تاپ كەلگەن پرەزيدەنتتىكتەن ۇمىتكەر ن.نازارباەۆ رەس­پۋب­ليكالىق قوعام­دىق شتا­بى­نىڭ جەتەكشىسى, «نۇر وتان» حدپ ءتور­اعا­سى­نىڭ ءبىرىنشى ورىن­باسارى  نۇرلان نىعما­تۋ­لين كوپ­شىلىك الدىندا ءسوز سويلەدى. – ەلىمىز ەگەمەندىك العان جيىرما جىل ىشىندە  قازاق­ستان ءوزىنىڭ ەكونوميكالىق جانە  الەۋمەتتىك تابىستارى­مەن, ساياسي جەتىستىكتەرىمەن الەمگە تانىلدى. ول ەڭ باس­تىسى بەيبىت ءومىردىڭ ۇلگىسىنە اينالدى. 90-شى جىلدارى  ەكو­نوميكانى كۇشتى داعدارىس­قا ۇشىراتقان قيىن كەزەڭدە نۇرسۇلتان نازارباەۆ تى­عى­رىقتان جول تاۋىپ شى­عىپ قانا قويماي, ەلىمىز العا قا­رىش­تاپ دامىدى. وسىنداي جەڭىستەرىمىزدىڭ بارلىعىن پرە­­­زيدەنتتىككە «نۇر وتان» حدپ-دان كانديدات ن.نازار­باەۆتىڭ اتىمەن بايلا­نىس­تى­رامىز,  – دەدى  نۇرلان زاي­رول­لا ۇلى. مۇنان كەيىن ءسوز العان دەلەگاتسيا مۇشەلەرى «ادىلەت» دەموكراتيالىق پارتياسىنىڭ توراعاسى ماقسۇت نارىكباەۆ, «اۋىل» سوتسيال-دەموكرا­تيا­لىق پارتياسىنىڭ توراعاسى عاني قاليەۆ, قازاقستان رەس­پۋبليكاسى پرەزيدەنتى جا­نىن­داعى راقىمشىلىق كو­ميس­سياسىنىڭ ءتورايىمى زينايدا فەدوتوۆا, «ساۋاپ» رەس­پۋب­ليكالىق قوعامدىق قورى­نىڭ پرەزيدەنتى باقىتبەك سماعۇل, وليمپيادا چەم­پيو­نى, بوكسشى  ەرماحان ىبى­رايى­موۆ  ءسوز الدى. ولار دا جاس مەملەكەتتەگى  ن.نازار­باەۆتىڭ باسشى­لى­عى­مەن ات­قارىلعان وراسان جۇ­مىستارعا توقتالدى. مۇنان كەيىن قوستا­ناي­لىقتار كەزەگىمەن  مىنبەرگە كوتە­رىلىپ, نۇرسۇلتان نازار­باەۆتىڭ كانديداتۋراسىن جاق­تاپ ءسوز سويلەدى. فورۋمعا جينالعان قوس­تا­نايلىقتار الدىندا قازاقستان رەسپۋبليكاسىنىڭ حالىق ءار­تى­سى روزا رىمباەۆا, حالىق­ارا­لىق بايقاۋلاردىڭ  لاۋرەاتى «ۇ­لى­­تاۋ» توبى جانە جەرگىلىكتى ونەرپازدار ونەر كور­سەتتى. فورۋمنان كەيىن «قازاق­ستان-2020»  جالپى­ۇلتتىق دە­مو­كراتيالىق كۇشتەر كوالي­تسياسى وكىلدەرى «اگروماشحولدينگ» اكتسيونەرلىك قو­عامى, «بولشەۆيچكا» ءوندىرىس­تىك كووپەراتيۆى ۇجىمدارىندا بولدى جانە قوستاناي اۋدانى تۇرعىن­دارىمەن كەزدەسۋ ءوت­كىزدى. ءنازيرا جارىمبەتوۆا, قوستاناي.