سايلاۋ-2011

ايەلدەرگە گۇل سىيلادى ايەلدەر مەرەكەسى قار­سا­ڭىندا قازاقستان رەسپۋب­لي­كاسى پرەزيدەنتتىگىنە كانديدات, «تابيعات» ەكولوگيالىق وداعىنىڭ توراعاسى مەلس ەلەۋسىزوۆ الماتى قالا­سىن­داعى «جپب-اۆتوبازا» اكتسيونەرلىك قوعامى اۋەزوۆ اۋ­دان­دىق باسقارماسىنىڭ قىز­مەتكەرلەرىمەن كەزدەستى. كولىككە قاتىسى بار ادام­داردىڭ ەكولوگ ەلەۋسىزوۆكە دە قاتىسى بار. اۋانى لاس­تايتىن باستى سەبەپتەر – كولىك, ناقتىراق ايتقاندا, ول پايدالاناتىن جانار مايدىڭ ساپاسى. سول ساپاسىز بەنزين اۋانى لاستاپ قانا قويمايدى, كولىككە دە مىقتاپ زيان كەلتىرەدى ەكەن. بەنزيننىڭ ساپا­سى قاشان جاقسارادى, دەدى كەزدەسۋگە كەلگەندەر. پرەزيدەنتتىككە كانديدات بۇل ماسەلەنى بۇرىننان قوز­عاپ كەلە جاتقانىن, ۇكىمەت الدىنا تالاي رەت قويعانىن ايتتى. بۇل اسا ماڭىزدى ءما­سەلە الداعى ۋاقىتتا دا ۇنە­مى ونىڭ نازارىندا بولماق. جۇرتتىڭ ءبارىن باعا ءما­سە­لەسى تولعاندىرادى. ونىڭ ەڭبەكاقىدان جىلدامىراق ءوسۋى وتباسىنىڭ بيۋدجەتىنە اۋىر تيەدى. باعانى ءتو­مەن­دە­تۋ – مىندەت. تەك مەملەكەتتىك دەڭگەيدە شەشۋگە بولاتىن بۇل ماسەلەنى شەشۋ ماقسا­تىن­دا پرەزيدەنتتىككە كانديدات ءوزىنىڭ ارقاشان كۇرەسە­تى­نىن ايتتى. باسقالاردى دا سوعان شاقىردى. اركىمنىڭ كوڭىلىندە ءوز ءما­سەلەسى جۇرەدى. قاراقال­پاق­ستاننان كەلگەن جانداربەك دەگەن ورالمان ەل ازا­مات­تىعىن الۋ ءۇشىن ەسەپ-شو­تىڭ­دا 1,5 ميلليون تەڭگە قار­جىسى بولۋ كەرەك دەگەن تالاپتىڭ اۋىرتپالىعىن ءسوز ەتتى. قيىن جاقتان كەلگەن ادامنىڭ قالتاسىندا مۇنداي قارجى بولمايتىنى بەلگىلى. بۇل تالاپ ەلىن اڭساپ جۇرگەن تالاي ازاماتتاردىڭ جولىن بوگەيدى. پرەزيدەنتتىككە كانديدات بۇل ماسەلەنى ءتيىستى دەڭگەيدە شەشۋ ءۇشىن كۇرە­سەتىنىن مالىمدەدى. سونداي-اق, ەلىمىزدىڭ باس ەكولوگى جينالعان قاۋىمدى بەلسەندى ءومىر سۇرۋگە شا­قىر­دى. قوعام سوندا جاق­سارادى. ەرتەڭگى كۇنى سايلاۋ كەزىندە داۋىس بەرۋگە بار­لىق­­تارى­ڭىز  قاتىسى­ڭىز­دار, دەدى ول. – كىمگە دە بولسا, ءوز قالاۋ­لا­رىڭىزدى بىلدىرىڭىزدەر. كەزدەسۋ ايەلدەر مەرەكەسى قار­ساڭىندا بولعاندىقتان دا, پرەزيدەنتتىكتەن ۇمىتكەر ءبىر قۇشاق گۇل الا كەلگەن ەكەن, سونى قىز-كەلىنشەك­تەرگە سىيلادى. ماماديار جاقىپ.