«امانات» ءفيلمى اقش-تا كورسەتىلدى

رەجيسسەر ساتىبالدى نارىمبەتوۆتىڭ وسكارعا ۇسىنىلعان «امانات» ءفيلمى لوس اندجەلەستە «Asian World Film Festival» - دە كورسەتىلدى.  فيلم جاندى داۋىسپەن, اعىلشىن تىلىندە ورىندالدى. كورەرمەن جىلى قارسى الىپ,  قوشەمەت كورسەتتى. «ءبىز بۇل كارتينانى 6 جىل تۇسىرەمىز دەدىك. ءدال كەنەسارى حاننىڭ ءوزىن تۇسىرگىمىز كەلدى. الايدا,  وسى ۋاقىتقا دەيىن بۇل تاقىرىپ قورعالىپ, ەشكىمگە تۇسىرۋگە بەرىلمەگەن بولاتىن,» - دەيدى تاريحي درامانىڭ پروديۋسەرى ارمان اسەنوۆ. فيلم مەملەكەتتىڭ 300 مىڭ دوللار  قارجىسىنا تۇسىرىلگەن, الايدا پروكاتتا 500 مىڭ دوللار تابىس تاپقان. «بۇل فيلمگە ۇلكەن ءۇمىت ارتامىن, ويتكەنى بۇل كارتينا قازاق حالقىنىڭ باسىنان كەشكەن تاريحىن, اق پاتشانىڭ  وتارلاۋ ساياساتىن, رەسەي مەملەكەتىنىڭ قاراماعىنداعى جىلداردى, ياعني كەڭەسىك كەزەڭدى سۋرەتتەيدى. «وسكار» قازاقستان ءۇشىن ۇلكەن ۇتىس دەسەك دە بولادى», -  دەدى ا.اسەنوۆ. ايتا كەتەيىك, «امانات» وسكار پرەمياسىندا «اعىلشىن تىلىندەگى ۇزدىك فيلم» رەتىندە ۇسىنىلعان بولاتىن. «امانات» ءفيلمى  ۇش كەزەڭدى قامتيدى. XIX عاسىردىڭ ورتاسى, 40-50 جىلداردى جانە 1960 جىلداردىڭ سوڭىن كورسەتەدى.  ار كەزەڭدە دە باستى رولدە كەنەسارى حان, تاريحشى ەرمۇحان بەكماحانوۆ, جانە پۋبليتسيست رامازان كورسەتىلەدى.