داڭقتى ۆولەيبولشى دۇنيەدەن وزدى

كەشە الماتى جۇرتشىلىعى ايگىلى ۆولەيبولشى, كسرو-نىڭ ەڭبەك سىڭىرگەن سپورت شەبەرى, پروفەسسور جانىبەكحان ساۋرانباەۆتى اقتىق ساپارعا شىعارىپ سالدى. قازاق سپورتىنىڭ كوگىنە 60-شى جىلداردىڭ باسىندا كەلگەن داڭقتى سپورتشى جاسى 77-گە قاراعان شاعىندا ومىردەن ءوتتى. جانىبەكحان نىعمەت ۇلى ساۋران­باەۆ 1940 جىلى 5 مامىر­دا الماتىدا تۋعان. ول 1961-1972 جىلدارى الماتىنىڭ «بۋ­رە­­ۆەستنيگى» ساپىندا ونەر كور­سەتىپ, 1969 جىلى كسرو چەمپيونى, 1968 جانە 1970 جىلدارى كۇمىس, 1971 جىلى قولا جۇلدەگەرى بولدى. ال 1967 جىلى كسرو حالىقتارى سپارتاكياداسى مەن وداق چەمپيوناتىنىڭ قولا جۇلدەسىن قاتار الدى. بۇعان قوسا, ەكى رەت – 1970 جانە 1971 جىلدارى ەۋروپا چەمپيوندارى كۋبوگىنا قول جەتكىزدى. 1964 جىلدان بەس ماۋسىم بويى كسرو قۇراماسىندا ويناپ, ەۋروپانىڭ (1965) چەمپيونى جانە الەم كۋبوگىنىڭ (1966) يەگەرى اتاندى. 1961 جىلى ۋني­ۆەرسيادانىڭ چەمپيونى بولدى. ج.ساۋرانباەۆ 1972 جىلى سپورتتىق مانسابىن اياقتاعان سوڭ كۋۆەيتتە جاتتىقتىرۋشى بولىپ ىستەپ, كومانداسىن وسى ەلدىڭ ءۇش دۇركىن چەمپيونى اتاعىنا جەتكىزدى. ال قازاقستاننىڭ پاراليمپيالىق قۇراماسىن ءبىرىنشى رەت الەمدىك ارەناعا شىعاردى. پروفەسسور جانىبەكحان ساۋ­رانباەۆ بۇدان كەيىنگى سانالى ءومىرىنىڭ 40 جىلدان استام ۋاقىتىن الماتى ارحيتەكتۋرا-قۇرىلىس ينس­­تيتۋتى مەن قازاق ۇلتتىق پو­لي­تەحنيكالىق ينستيتۋتىندا جاس ۇرپاق تاربيەلەۋگە ارنادى. ول 1988 جىلدان ءومىرىنىڭ سوڭىنا دەيىن ينس­تيتۋتتا دەنەشىنىقتىرۋ كا­فە­دراسىن باسقاردى. جانىبەكحان ساۋرانباەۆتىڭ اكەسى نىعمەت ساۋرانباەۆ قازاقتىڭ فيلولوگيا سالاسىنداعى تۇڭعىش عىلىم دوكتورى ەدى. سونداي ۇلا­عاتتى ادامنىڭ ۇرپاعى سپورتتا دا ءوزىنىڭ ونەگەلى ءومىرىن, ىرگەلى ىزدەرىن قالدىردى. جاتقان جەرىڭىز جايلى بولسىن, قازاق سپورتىنىڭ ايتۋلى تۇلعاسى! ەگەمەنقازاقستاندىقتار