ەلباسىنىڭ قابىلداۋ بولمەسىندە سۋرەتكە تۇسۋگە بولادى

قازاقستان رەسپۋبليكاسى تۇڭعىش  پرەزيدەنتىنىڭ مۋزەيىندە كەلۋشىلەرگە  ۋاقىتشا جابىق تۇرعان ەسىكتەر بار بولاتىن. ەندىگى جەردە ول ەسىكتەردە ق ۇلىپ تۇرمايتىن بولدى. بۇگىن مۋزەيدە وتكەن ءباسپاسوز تۋرىندا جابدىقتارى جانە ينتەرەرى باستاپقى تۇرىندە قايتادان جاڭعىرتىلعان پرەزيدەنت ن.نازارباەۆتىڭ  شاعىن جۇمىس كابينەتى مەن قابىلداۋ بولمەسىنىڭ العاش رەت ەسىگى اشىلدى. جۋرناليستەرگە بۇل كابينەتتەردىڭ تاريحى باياندالدى. مىسالى, شاعىن جۇمىس كابينەتىندە پرەزيدەنت بەينەكونتسەرەنتسبايلانىس جۇيەسىنىڭ كومەگىمەن سەلەكتورلىق كەڭەس وتكىزگەن. ول ەكى نەمەسە بىرنەشە تاراپپەن دىبىستىق بايلانىستى جۇزەگە اسىرۋعا مۇمكىندىك بەرەدى. قابىلداۋ بولمەسىنە ن.نازارباەۆتىڭ ەڭبەكتەرى قويىلعان جانە بۇل جەردە ەستەلىككە سۋرەتكە ءتۇسۋ مۇمكىندىكتەرى دە قاراستىرىلىپتى. ەندىگى جەردە مۋزەيگە بارلىق كەلۋشىلەر ەلباسىنىڭ شاعىن جۇمىس كابينەتىن دە, قابىلداۋ بولمەسىن دە ارالاپ كورە الادى. سونداي-اق, تۋر بارىسىندا ءباسپاسوز وكىلدەرى مۋزەيدىڭ ەكسپوزيتسيا زالدارىنىڭ تاقىرىپتارى جاڭارعانىنىڭ كۋاسى بولدى. ءماجىلىس زالى مەن كۇمبەزدى زال فويەسىندە بۇل وزگەرىس بىردەن بىلىنەدى. ءماجىلىس زالىندا ورنالاسقان «قازاقستان رەسپۋبليكاسى: مەملەكەتتىك دامۋ ستراتەگياسى» ەكسپوزيتسياسى قازىرگى ەلىمىزدىڭ الەۋمەتتىك –ەكونوميكالىق جانە ساياسي دامۋىنىڭ باعىتتارىن ايقىندايتىن ماتەريالداردى جاڭاشا قىرىنان بەرگەن بولسا, كۇمبەزدى زال فويەسىندەگى ەكسپوزيتسيا تۇگەلدەي جاڭارتىلعان. ورىندالۋ تەحنيكاسى مەن ماتەريالدارى بويىنشا جۇيەلەنگەن ەكسپوناتتار اعاشقا, تەرىگە, شىنىعا, حرۋستالعا جاڭاشا كوزقاراس قالىپتاستىرىپ, ايرىقشا جالتىراتىلعان التىن مەن كۇمىس,  سۇيەككە, نەفريتكە ويمىشتالعان جىبەك جىپپەن شەبەر كەستەلەنگەن ورنەكتەر كەلۋشىلەردى ءتۇرلى اسەرگە بولەيتىنى ءشۇباسىز. ايگۇل سەيىلوۆا فوتو ورىنباي بالمۇرات