اقشا جيناعان مۇعالىمدەر تۋرالى WhatsApp ارقىلى حابارلاۋعا بولادى

مەكتەپتە اتا-انالاردان زاڭسىز اقشا جيناۋعا قاتىستى اقپاراتتى Whatsapp جانە Facebook جەلىلەرى ارقىلى xابارلاۋعا بولادى. بۇل تۋرالى بۇگىن بريفينگ بارىسىندا باق وكىلدەرىنە استانا قالاسى ءبىلىم باسقارماسىنىڭ باسشىسى قاسىمxان سەنعازىەۆ ءمالىم ەتتى. "حالىقپەن كەرى بايلانىس ورناتۋ ءۇشىن Facebook الەۋمەتتىك جەلىسىندە "استانالىق ءبىلىم بەرۋ #bilimastana توبى جانە استانا قالاسى ءبىلىم باسقارماسى جەتەكشىسىنىڭ پاراقشاسى اشىلعان. سونىمەن قاتار استانا قالاسى ءبىلىم باسقارماسىنىڭ "جەدەل جەلىسى" قىزمەت كورسەتەدى. تەلەفون نومىرلەرى: 55-01-62, 8-778-255-01-62. سونداي-اق 8-778-255-01-62 نومىرىنە Whatsapp ارقىلى xابارلاما جىبەرۋگە بولادى. سونىمەن قاتار سمس xابارلاما جۇيەسى دە ىسكە قوسىلعان. ونى 8-701-588-99-66 نومىرىنە جىبەرۋگە بولادى", - دەپ اتاپ ءوتتى باسقارما باسشىسى. ونىڭ سوزىنشە, جەدەل جەلى 21 ماۋسىمنان بەرى جۇمىس جاساۋدا. 4 اي ىشىندە 560 شاعىم تۇسسە, ونى 85-ءى مەكتەپتەردە زاڭسىز اقشا جيناۋعا بايلانىستى بولىپ وتىر. باسقارما باسشىسىنىڭ ايتۋىنشا, استانانىڭ بىرقاتار مەكتەپتەرىندە تۋرنيكەتتەرگە جارنا جينالۋدا. ول اقشا بالالاردىڭ مەكتەپتەن كىرىپ-شىعۋىن قاداعالاۋ ءۇشىن, اتا-انالارعا سمس-xابارلامالار جىبەرۋ ءۇشىن الىنادى. "500 تەڭگە كولەمىندەگى اتالمىش جارنا ۇيالى بايلانىس وپەراتورلارىنا تولەنەدى. اتا-انالار بالالارىن مەكتەپكە قاي ۋاقىتتا كىرگەنىن, قاي ۋاقىتتا شىققانىن ءبىلىپ وتىرعىسى كەلسە, اتالمىش جارنانى تولەيدى. دەگەنمەن ونى مىندەتتى تۇردە تولەۋى ءتيىس دەگەن تالاپ جوق", - دەدى ق. سەنعازىەۆ.