قازاقستان رەسپۋبليكاسى ۇلتتىق ەكونوميكا مينيسترلىگى قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىنىڭ بۇيرىعى  №399-نق

  2015 جىلعى 15 جەلتوقسان,  استانا قالاسى قازاقستان رەسپۋبليكاسىندا قۇرىلىسقا ارنالعان جوبالاۋ جۇمىستارىنىڭ قۇنىن ايقىنداۋ جونىندەگى مەملەكەتتىك ءنورماتيۆتى بەكىتۋ تۋرالى قازاقستان رەسپۋبليكاسى ۇكىمەتىنىڭ 2014 جىلعى 24 قىركۇيەكتەگى № 1011 قاۋلىسىمەن بەكىتىلگەن قازاقستان رەسپۋبليكاسىنىڭ ۇلتتىق ەكونوميكا مينيسترلىگى تۋرالى ەرەجەنىڭ 17-تارماعىنىڭ 12) تارماقشاسىنا جانە قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 29 قىركۇيەكتەگى № 30 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9778 تىركەلگەن) بەكىتىلگەن قازاقستان رەسپۋبليكاسى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى تۋرالى ەرەجەنىڭ 19-تارماعىنىڭ 2-تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىندا قۇرىلىسقا ارنالعان جوبالاۋ جۇمىستارىنىڭ قۇنىن ايقىنداۋ جونىندەگى مەملەكەتتىك نورماتيۆ بەكىتىلسىن. 2. قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىنىڭ قۇرىلىستاعى سمەتالىق نورمالار باسقارماسى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگى قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋدى وزىمە قالدىرامىن. 4. وسى بۇيرىق العاش رەت رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. توراعا م. جايىمبەتوۆ قازاقستان رەسپۋبليكاسى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى توراعاسىنىڭ 2015 جىلعى 15 جەلتوقسانداعى № 399-نق بۇيرىعىمەن بەكىتىلگەن قازاقستان رەسپۋبليكاسىندا قۇرىلىسقا ارنالعان جوبالاۋ جۇمىستارىنىڭ قۇنىن ايقىنداۋ جونىندەگى مەملەكەتتىك نورماتيۆ 1. جالپى ەرەجەلەر 1. وسى «قازاقستان رەسپۋبليكاسىندا قۇرىلىسقا ارنالعان جوبالاۋ جۇمىستارىنىڭ قۇنىن ايقىنداۋ جونىندەگى مەملەكەتتىك نورماتيۆ» (بۇدان ءارى – مەملەكەتتىك نورماتيۆ) قازاقستان رەسپۋبليكاسىندا جوبالاۋ (جوبالاۋ-سمەتالىق) قۇجاتتامانى ازىرلەۋ قۇنىن ايقىنداۋدىڭ مىندەتتى ساباقتاستىعىن بەلگىلەيدى. 2. مەملەكەتتىك نورماتيۆ ينۆەستيتسيالىق-قۇرىلىس پروتسەسىنە قاتىساتىن بارلىق سۋبەكتىلەر ءۇشىن جوبالاۋ جۇمىستارىنىڭ اعىمداعى باعاداعى قۇنىن ايقىنداۋعا مۇمكىندىك بەرەتىن بىرىڭعاي ادىسنامالىق نەگىز قۇرۋ ءۇشىن نەگىز بولىپ تابىلادى. 3. وسى مەملەكەتتىك نورماتيۆتە جازىلعان نورماتيۆتىك-ادىستەمەلىك ەرەجەلەر كاسىپورىنداردى, عيماراتتار مەن قۇرىلىستاردى سالۋعا, ولاردى كەڭەيتۋگە, رەكونسترۋكتسيالاۋعا جانە تەحنيكالىق جاعىنان قايتا جاراقتاندىرۋعا ارنالعان, سونداي-اق مەملەكەتتىك ينۆەستيتسيالاردىڭ ەسەبىنەن نەمەسە كۆازيمەملەكەتتىك سەكتور سۋبەكتىلەرىنىڭ قاراجاتى ەسەبىنەن جۇرگىزىلەتىن ەلدى مەكەندەردى اۋداندىق جوسپارلاۋ جانە قۇرىلىسىن سالۋ جوبالارىن ازىرلەۋدىڭ قۇنىن ايقىنداۋدىڭ مىندەتتى ساباقتاستىعى بەلگىلەنەدى. 4. باسقا كوزدەردىڭ ەسەبىنەن قارجىلاندىرىلاتىن وبەكتىلەر ءۇشىن مەملەكەتتىك نورماتيۆ ۇسىنىمدىق سيپاتقا يە بولادى جانە جوبالاۋ (جوبالاۋ-سمەتالىق) قۇجاتتاماسىن ازىرلەۋدىڭ قۇنىن ايقىنداۋ كەزىندە انىقتامالىق ماتەريال رەتىندە پايدالانىلۋى مۇمكىن. 5. وسى مەملەكەتتىك نورماتيۆتە مىناداي نەگىزگى ۇعىمدار پايدالانىلادى: 1) جوبالاۋ جۇمىستارىنىڭ قۇنى – جوبالاۋ وبەكتىلەرىنىڭ وسى تۇرىنە جوبالاۋشىلاردىڭ ەڭبەك شىعىندارى نورماتيۆتەرىنىڭ نەگىزىندە سوماسى انىقتالاتىن وبەكتىلەردى جوبالاۋدى جۇزەگە اسىرۋ ءۇشىن قاجەتتى اقشا قاراجاتى; 2) جوبالاۋ جۇمىستارىنىڭ ەڭبەك سىيىمدىلىعى – جوبالاۋ جۇمىستارىنىڭ بەلگىلى ءبىر بىرلىكتەرىن ورىنداۋعا جۇمسالعان جۇمىس ۋاقىتىنىڭ شىعىندارىن سيپاتتايتىن ەكونوميكالىق كورسەتكىش; 3) جوبالاۋ جۇمىستارىنا جۇمسالاتىن ەڭبەك شىعىندارىنىڭ نورمالارى – جوبالاۋ جۇمىستارىنىڭ ءبىر بىرلىگىنە (تاباق, بولشەك, ويىق, سىزبالار, عيمارات الاڭدارى جانە ت.ب.) جۇمسالعان جۇمىس ۋاقىتىنىڭ مولشەرىمەن ولشەنەدى; 4) جوبانىڭ باس ينجەنەرى, باس ساۋلەتشىسى – ءتيىستى بىلىكتىلىك اتتەستاتى بار, وبەكتىنى جوبالاۋدىڭ, سالۋدىڭ, قولدانىسقا ەنگىزۋدىڭ جانە جوبالاۋ قۋاتتارىن يگەرۋدىڭ بارلىق كەزەڭى بويى جوبالاۋ-سمەتالىق قۇجاتتامانى ازىرلەۋگە, جوبالاۋ-ىزدەستىرۋ جۇمىستارىنا باسشىلىق جاسايتىن ينجەنەرلىك-تەحنيكالىق قىزمەتكەر; 5) جوبالاۋ (جوبالاۋ-سمەتالىق) قۇجاتتاما – كولەمدىك-جوسپارلاۋ, كونسترۋكتسيالىق, ۇيىمداستىرۋ-تەحنولوگيالىق شەشىمدەردى, ناقتى عيماراتتى, قۇرىلىستى, وبەكتىنى سالۋدىڭ قۇنىن جانە ەكونوميكالىق جاعىنان تيىمدىلىگىن نەگىزدەيتىن گرافيكالىق, ەسەپتىك جانە ماتىندىك ماتەريالداردىڭ جيىنتىعى. 2. نەگىزگى ەرەجەلەر 6. وسى مەملەكەتتىك نورماتيۆ كاسىپورىنداردى, عيماراتتار مەن قۇرىلىستاردى سالۋعا, ولاردى كەڭەيتۋگە, رەكونسترۋكتسيالاۋعا جانە تەحنيكالىق جاعىنان قايتا جاراقتاندىرۋعا ارنالعان, سونداي-اق ەلدى مەكەندەردى اۋداندىق جوسپارلاۋ جانە قۇرىلىسىن سالۋ جوبالارىن ازىرلەۋگە ارنالعان جوبالاۋ-سمەتالىق قۇجاتتامانى ازىرلەۋ قۇنىن ايقىنداۋ جونىندەگى نۇسقاۋلاردى قامتيدى. 7. جوبالاۋ-سمەتالىق قۇجاتتامانى ازىرلەۋ قۇنى جوبالاۋ جۇمىستارىنا جۇمسالاتىن ەڭبەك شىعىندارىنىڭ نورمالار جيناعىنىڭ (بۇدان ءارى – جيناق) ءتيىستى بولىمدەرىندە كورسەتىلگەن جوبانى ازىرلەۋگە ارنالعان نورماتيۆتىك ەڭبەك سىيىمدىلىعى كورسەتكىشتەرىنىڭ نەگىزىن ەسەپتەۋمەن ايقىندالادى. 8. مەملەكەتتىك نورماتيۆكە سايكەس بولىمدەر بويىنشا ايقىندالاتىن جوبالاۋ-سمەتالىق قۇجاتتامانى ازىرلەۋگە جۇمسالاتىن ەڭبەك شىعىندارىنىڭ نورمالارى: 1) قۇرىلىس سالۋ الاڭىنىڭ شەگىندە باس جوسپاردى جوبالاۋدى; 2) جوبالاۋ قۇجاتتاماسىنىڭ ساۋلەت-قۇرىلىس, تەحنولوگيالىق, سمەتالىق جانە باسقا دا بولىمدەرىن, سونداي-اق قولدانىستاعى نورماتيۆتىك قۇجاتتاردىڭ تالاپتارىنا سايكەس كاسىپورىنداردى, عيماراتتاردى جانە قۇرىلىستاردى سالۋعا ارنالعان جۇمىس قۇجاتتاماسىنىڭ ءتيىستى نەگىزگى جيىنتىقتارىن دايىنداۋدى; 3) الاڭىشىلىك جانە سىرتقى ينجەنەرلىك جەلىلەردى, كوممۋنيكاتسيالاردى, قۇرىلىستاردى جانە قۇرىلعىلاردى (ەلەكترمەن جابدىقتاۋ, سۋمەن جابدىقتاۋ, كارىز, جىلۋمەن جابدىقتاۋ, ءالسىز توقتى جەلىلەر جانە ت.ب.) جوبالاۋدى; 4) وبەكتىلەردى, قۇرىلعىلاردى جانە قۇرىلىستاردى الاڭىشىلىك جانە سىرتقى ينجەنەرلىك جەلىلەرگە قوسۋدى قامتيدى. 9. جوبالاۋ-سمەتالىق قۇجاتتامانى ازىرلەۋگە جۇمسالعان ەڭبەك شىعىندارىنىڭ نورمالارى نەگىزىندە ەسەپتەلگەن جوبالاۋ جۇمىستارىنىڭ قۇنىنا, سونداي-اق, ماكەتتەردى قوسپاعاندا, ەسكيزدەر, كورسەتۋ ماتەريالدارىن دايىنداۋ (كەلىسۋ ءۇشىن قاجەتتى كولەمدە) قىزمەتتەرى كىرەدى. 10. جوبالاۋ-سمەتالىق قۇجاتتامانى ازىرلەۋگە جۇمسالعان ەڭبەك شىعىندارىنىڭ نورمالارىنا تومەندەگىلەر قوسىلماعان جانە قوسىمشا ەسەپتەمەنى تالاپ ەتەدى: 1) جوبالاۋعا ارنالعان تاپسىرماعا سايكەس بىرنەشە نۇسقادا جوبالىق شەشىمدەردى ازىرلەۋ; 2) ەرەكشە كۇردەلى كونسترۋكتسيالارى جانە جۇمىس جۇرگىزۋ ادىستەرى بار وبەكتىلەردى جوبالاۋ كەزىندە ارنايى جانە قوسالقى قۇرالدارعا, قۇرىلعىلارعا جانە قوندىرعىلارعا ارنالعان جۇمىس سىزبالارىن ازىرلەۋ; 3) قۇرىلىستىڭ نورماتيۆتىك قۇجاتتاماسىنىڭ وزگەرۋىنە بايلانىستى تاپسىرۋ-قابىلداۋ اكتىسى بويىنشا جۇمىستاردى تاپسىرىس بەرۋشىگە تاپسىرعاننان كەيىن جوبالاۋ-سمەتالىق قۇجاتتامانى تۇزەتۋ; 4) عيماراتتار مەن قۇرىلىستاردىڭ كوركەمدىك-ساندىك شەشىمدەرىن ازىرلەۋ (ينتەرەرلەر, جەكە جيھاز, جابدىق, ديزاين جانە جارناما ەلەمەنتتەرى, ارنايى گرافيكا, وزگە دە كوركەمدىك جۇمىستار); 5) كونسترۋكتسيالاردى زاۋىتتا دايىندالعان تەحنولوگيالىق قۇبىرلاردى, سونداي-اق ۇلگىلىك ەمەس جانە ستاندارتتىق ەمەس جابدىقتاردى قوسا العاندا, مەتالل كونسترۋكتسيالارىنىڭ بولشەكتىك سىزبالارى ساتىسىندا جوبالاۋ (جوبالاۋ ۇيىمىنىڭ تاپسىرىس بەرۋشىسى وسىنداي جۇمىستاردى تاپسىرعان جاعدايدا); 6) رەكونسترۋكتسيالاۋعا, كەڭەيتۋگە نەمەسە تەحنيكالىق جاعىنان قايتا جاراقتاندىرۋعا جاتاتىن وبەكتى بويىنشا زەرتتەپ تەكسەرۋ جانە ولشەۋ جۇمىستارى; 7) ۇلگىلىك ەمەس, ستاندارتتىق ەمەس جابدىقتى دايىنداۋعا ارنالعان كونسترۋكتورلىق قۇجاتتاما ازىرلەۋ; 8) جەكە يندۋستريالىق قۇرىلىس بۇيىمدارىنا ارنالعان قۇجاتتامانى ازىرلەۋ; 9) كورسەتۋ ماكەتتەرىن, بۋكلەتتەر جانە باسقا يلليۋستراتسيالىق ماتەريالدار دايىنداۋ; 10) جۇمىس جۇرگىزۋ جوباسىن ازىرلەۋ; 11) ۋاقىتشا عيماراتتار مەن قۇرىلىستار سالۋ ءۇشىن جوبالاۋ-سمەتالىق قۇجاتتاما ازىرلەۋ; 12) جوبالاۋ كەزىندەگى عىلىمي-زەرتتەۋ جانە تاجىريبەلىك-كونسترۋكتسيالىق جۇمىستار; 13) ىزدەستىرۋ جۇمىستارىنا جۇمسالاتىن شىعىندار; 14) ەنەرگيا تۇتىنۋدى ەسەپكە الۋدىڭ اۆتوماتتاندىرىلعان جۇيەلەرى بويىنشا جوبالاۋ جۇمىستارى; 15) الاڭ سىرتىنداعى جەلىلەرگە ارنالعان جوبالاۋ جۇمىستارىن ازىرلەۋ; 16) جەكە تۇراتىن, جالپى اۋداندىق (جالپى ورامدىق) ينجەنەرلىك قۇرىلىستاردى: جەكە جىلۋ پۋنكتىن, تاراتقىش ترانسفورماتورلىق كىشى ستانتسيالاردى, ترانسفورماتورلىق كىشى ستانتسيالاردى ازىرلەۋ; 17) درەناجدى جوبالاۋ; 18) كۇزەت-قورعانىس دەراتيزاتسيالاۋ جۇيەسىن, ارنايى كۇزەت سيگناليزاتسياسى, ءورت ءسوندىرۋ, ورتكە قارسى جەلدەتۋ, تەلەديداردى ۇجىمدىق قابىلداۋدىڭ ءىرى جۇيەلەرى, ەلەكتر بايلانىسى جۇيەلەرى مەن باسقا دا ارنايى جۇيەلەردىڭ قۇرىلعىلارىن ازىرلەۋ; 19) ازاماتتىق قورعانىس پەن توتەنشە جاعدايلارعا بايلانىستى ينجەنەرلىك-تەحنيكالىق ءىس-شارالار ازىرلەۋ; 20) تەحنولوگيالىق پروتسەستەردى باسقارۋدىڭ اۆتوماتتاندىرىلعان جۇيەلەرى بويىنشا تەحنيكالىق قۇجاتتاما ازىرلەۋ; 21) قۇرىلىس سالۋدىڭ ارنايى ادىستەرىن (سۋ دەڭگەيىن تومەندەتۋ, مۇزداتۋ, توپىراقتى حيميالىق بەكىتۋ جانە باسقا ادىستەردى) جوبالاۋ; 22) مىندەتتى جوبالىق شەشىمدەرگە قوسىمشا كەلىسىمدەر الۋ جونىندەگى جۇمىستار; 23) جوبالاۋ ۇيىمدارىنىڭ قۇرىلىس سالۋعا ارنالعان الاڭدى (تراسسانى) تاڭداۋعا قاتىسۋى; 24) اۆتورلىق قاداعالاۋ; 25) ىسكە قوسۋ كەشەندەرىن ازىرلەۋ; 26) جيناقتىڭ ءتيىستى بولىمدەرىنە ەنگىزىلگەن «قورشاعان ورتانى قورعاۋ» بولىمىنەن باسقا, كۇردەلى قۇرىلىس وبەكتىسىنىڭ قورشاعان ورتاعا اسەرىن باعالاۋ جونىندەگى جۇمىستاردى ورىنداۋ. 11. وسى مەملەكەتتىك نورماتيۆ بويىنشا ەڭبەك شىعىندارىنىڭ نورمالارى نەگىزىندە ايقىندالاتىن جوبالاۋ-سمەتالىق قۇجاتتامانى ازىرلەۋ قۇنىنا, سونداي-اق, مىناداي شىعىستار ەنگىزىلمەگەن جانە تاپسىرىس بەرۋشى ولارعا اقى تولەۋگە ءتيىس: 1) قوسىلعان قۇن سالىعى; 2) اكىمشىلىك پەرسونالدىڭ ءىسساپارلارىن قوسپاعاندا, وبەكتىنىڭ قۇرىلىس ۇيىمى ورنالاسقان پۋنكتتەن تىس جوبالانۋىنا بايلانىستى جانە جوبالىق شەشىمدەردى جەرگىلىكتى جەردە قابىلداۋ تالاپ ەتىلەتىن ءىسساپار شىعىستارى. 12. سونداي-اق جوبالاۋ-سمەتالىق قۇجاتتاما ازىرلەۋدىڭ نورماتيۆتىك قۇنىنا تومەندەگى قىزمەتتەر كىرمەيدى جانە تاپسىرىس بەرۋشى ولارعا قوسىمشا اقى تولەۋگە ءتيىس (قاجەت بولعان جاعدايدا نەمەسە شارت بويىنشا تاپسىرىس بەرۋشىنىڭ قوسىمشا تاپسىرمالارى بولعاندا): 1) جوبالاۋعا ارنالعان تاپسىرمانى دايىنداۋ; 2) باستاپقى دەرەكتەر مەن تەحنيكالىق شارتتاردى كەلىسۋ; 3) جوبالاۋ-سمەتالىق قۇجاتتامانى شەت تىلىنەن جانە باسقا شەت تىلىنە اۋدارۋ; 4) جوبالاۋ-سمەتالىق قۇجاتتامانىڭ مىندەتتى ءتورت دانادان تىس قوسىمشا ساندارىن دايىنداۋ. 13. ساراپتاما جۇمىستارىن جۇرگىزۋ قۇنى (مەملەكەتتىك ساراپتاما, ەكولوگيالىق ساراپتاما جانە ت.ب.) جوبالاۋ-سمەتالىق قۇجاتتامانى ازىرلەۋ قۇنىنا كىرمەيدى. 3. جوبالاۋ جۇمىستارىنىڭ قۇنىن ايقىنداۋدىڭ نەگىزگى قاعيداتتارى جانە ادىستەرى 14. قۇرىلىسقا ارنالعان جوبالاۋ جۇمىستارىنىڭ قۇنى جوبالاناتىن وبەكتىلەردىڭ: قۋاتىنىڭ, ۇزاقتىعىنىڭ, قۇرىلىس كولەمى مەن الاڭىنىڭ جانە ت.ب. نەگىزگى كورسەتكىشتەرى (بۇدان ءارى – جوبالاناتىن وبەكتىلەردىڭ نەگىزگى كورسەتكىشتەرى دەپ اتالاتىن) نەگىزگە الىنىپ ايقىندالادى. 15. جوبالاۋ جۇمىستارىنىڭ قۇنى سجوب, تەڭگە, مىنا فورمۋلا بويىنشا انىقتالادى (1): سجوب = ەشنجالپ × پ(ki) × k1(2) × (زپ / kز), (1) مۇندا: ەشنجالپ – نەگىزگى وندىرىستىك پەرسونالدىڭ جۇمىس قۇجاتتاماسىن ازىرلەۋگە جۇمساعان ەڭبەك شىعىندارىنىڭ جالپى نورمالارى, ادام-ساعات; پ(ki) – مەملەكەتتىك نورماتيۆكە سايكەس 1, 2, 3-قوسىمشالارعا ساي تۇزەتۋ (دالدەۋ) كوەففيتسيەنتتەرىنىڭ تۋىندىسى. تۇزەتۋ كوەففيتسيەنتتەرىنىڭ تۋىندىسى (رەكونسترۋكتسيالاۋ كوەففيتسيەنتىنسىز) 2,0-دەن اسپاۋعا ءتيىس; k1(2) – ساتىلىق كوەففيتسيەنتى: k1 – جوبانى ازىرلەۋگە جۇمسالاتىن ەڭبەك شىعىندارى نورمالارىنىڭ جۇمىس قۇجاتتاماسىن ازىرلەۋگە جۇمسالاتىن ەڭبەك شىعىندارى نورمالارىنا قاتىناسى جانە k2 – جۇمىس جوباسىن ازىرلەۋگە جۇمسالاتىن ەڭبەك شىعىندارى نورمالارىنىڭ جۇمىس قۇجاتتاماسىن ازىرلەۋگە جۇمسالاتىن ەڭبەك شىعىندارى نورمالارىنا قاتىناسى; زپ – قازاقستان رەسپۋبليكاسىنداعى جوبالاۋ جۇمىستارىن جۇرگىزۋدىڭ جوسپارلاناتىن كەزەڭىنە (قارجى جىلىنا) جوبالاۋشىلارعا ورتاشا ساعاتتىق ەڭبەك اقى تولەۋ. ورتاشا ساعاتتىق ەڭبەك اقى زپ تولەۋدى قازاقستان رەسپۋبليكاسىنىڭ قولدانىستاعى ەڭبەك زاڭناماسىنا سايكەس ۋاكىلەتتى مەملەكەتتىك ورگان, قىزمەتكەرلەر مەن جۇمىس بەرۋشىلەردىڭ وكىلدەرى مىنا فورمۋلا (2) بويىنشا انىقتايدى: زپ. = × , (2) مۇندا: زپ ورت.اي – جوسپارلاۋ كەزەڭىنىڭ الدىنداعى سوڭعى 12 اي ىشىندەگى ەكونوميكالىق قىزمەتتىڭ (كاسىپتىك, عىلىمي جانە تەحنيكالىق قىزمەت) ءتيىستى ءتۇرى ءۇشىن مەملەكەتتىك ستاتيستيكا سالاسىنداعى ۋاكىلەتتى ورگاننىڭ دەرەكتەرى بويىنشا ورتاشا ايلىق جالاقىنىڭ شاماسى, تەڭگە; Tجۇم.اي – قازاقستان رەسپۋبليكاسىنىڭ ەڭبەك زاڭناماسىنا سايكەس ءبىر ايعا تەڭ كەزەڭ ىشىندە جۇمىس ۋاقىتىنىڭ قالىپتى ۇزاقتىعى, ساعات; اەكاعىم – اعىمداعى جىلعى ايلىق ەسەپتىك كورسەتكىش, تەڭگە; اەكالد.جىل – الدىڭعى جىلداعى ايلىق ەسەپتىك كورسەتكىش, تەڭگە; Kج – جوبالاۋ جۇمىستارى قۇنىنىڭ قۇرىلىمىنداعى نەگىزگى وندىرىستىك پەرسونال جالاقىسىنىڭ ۇلەسى, kج = 0,35. 16. نەگىزگى وندىرىستىك پەرسونالدىڭ ەشنجالپ جوباسىن ازىرلەۋگە جۇمساعان ەڭبەك شىعىندارىنىڭ جالپى نورمالارى مىنا فورمۋلا بويىنشا انىقتالادى (3): ەشنجالپ = ەشنو.پ. + ەشنجوب.باس., (3) مۇندا: ەشنو.پ. –** «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» 2001 جىلعى 16 شىلدەدەگى قازاقستان رەسپۋبليكاسى زاڭىنىڭ 20-بابىنىڭ 23-16) تارماقشاسىنا, جيناقتىڭ ءتيىستى بولىمدەرىنە, سونداي-اق, جوبالاۋ جۇمىستارىن باسقارۋعا جۇمسالاتىن ەڭبەك شىعىندارىن قوسپاعاندا, وسى مەملەكەتتىك ءنورماتيۆتىڭ 2 جانە 3-تارماقتارىنا سايكەس بەكىتىلگەن, مەملەكەتتىك نورماتيۆتەرمەن كوزدەلگەن قۇرامدا جانە كولەمدە جوبالاۋ-سمەتالىق قۇجاتتاماسىن ازىرلەۋگە جۇمسالاتىن نەگىزگى وندىرىستىك پەرسونالدىڭ ەڭبەك شىعىندارىنىڭ نورمالارى, ادام-ساعات; ەشنجوب.باس. – جوبانىڭ باس ينجەنەرلەرىنىڭ, جوبانىڭ باس ساۋلەتشىلەرىنىڭ جانە جوبالاۋ جۇمىستارىن باسقارۋ جونىندەگى باسقا دا ساناتتارداعى مامانداردىڭ نورماتيۆتىك ەڭبەك شىعىندارى, ادام-ساعات, مىنا فورمۋلا بويىنشا قابىلدانادى (4): ەشنجوب.باس. = ەشنپ.پ. × 0,1, (4) 17. ەشنو.پ. مىنا فورمۋلا بويىنشا انىقتالادى (5): ەشنو.پ. = a + ۆ × ح , (5) مۇندا: a جانە ۆ – جوبالاناتىن وبەكت نەگىزگى كورسەتكىشىنىڭ بەلگىلى ءبىر ارالىعىنا ارنالعان تۇراقتى شامالار; ح – جوبالاناتىن وبەكتىنىڭ نەگىزگى زاتتاي كورسەتكىشى: قۋاتى, ونىمدىلىگى (ونەركاسىپتىك وبەكتىلەر ءۇشىن), ۇزاقتىعى (جەلىلىك وبەكتىلەر ءۇشىن), سىيىمدىلىعى, الاڭى جانە باسقا كورسەتكىشتەر. ح نەگىزگى كورسەتكىشى جيناقتىڭ ءتيىستى ءبولىمىنىڭ كەستەسىندە كورسەتىلگەن, بەرىلگەن ماندەردىڭ شەگىنەن تىس شىققان جاعدايدا, ح نەگىزگى كورسەتكىشى ەكستراپولياتسيا ادىسىمەن – باسقا بولىككە تاراتىلعان ارالىقتىڭ بەرىلگەن بولىگىنە ارنالعان فۋنكتسيانىڭ جاقىن ءمانى رەتىندە انىقتالادى, اتاپ ايتقاندا: 1) وبەكت قۋاتىنىڭ كورسەتكىشى جيناقتىڭ بولىمىندە, ەشنو.پ. كەلتىرىلگەن كەستەلىك كورسەتكىشتەن از بولعان جاعدايدا, ونىڭ جوبالانۋى مىنا فورمۋلا بويىنشا انىقتالادى (6): ەشنو.پ. = ا + ۆ × (0,4 × حmin + 0,6 × حبەر) , (6) مۇندا: ا جانە ۆ – كورسەتكىشتىڭ ەڭ از ءمانىنىڭ كەستەسى بويىنشا قابىلداناتىن تۇراقتى شامالار; حmin – كەستەدە كەلتىرىلگەن ەڭ از كورسەتكىش; حبەر – جوبالاناتىن وبەكتىنىڭ بەلگىلەنگەن كورسەتكىشى. 2) وبەكت قۋاتىنىڭ كورسەتكىشى جيناقتىڭ بولىمىندە, ەشنو.پ. كەلتىرىلگەن كەستەلىك كورسەتكىشتەن كوپ بولعان جاعدايدا, ونىڭ جوبالانۋى مىنا فورمۋلا بويىنشا انىقتالادى (7): ەشنو.پ. = ا + ۆ × (0,4 × حmax + 0,6 × حبەر), (7) مۇندا: ا جانە ۆ – كورسەتكىشتىڭ ەڭ كوپ ءمانىنىڭ كەستەسى بويىنشا قابىلداناتىن تۇراقتى شامالار; حmax – كەستەدە كەلتىرىلگەن ەڭ جوعارى كورسەتكىش; حبەر – جوبالاناتىن وبەكتىنىڭ بەلگىلەنگەن كورسەتكىشى. 18. جوبا الدىنداعى قۇجاتتامانى ازىرلەۋ قاجەت بولعان جاعدايدا, ونىڭ قۇنى جوبالاۋدىڭ جالپى قۇنىنىڭ 15-تەن 20 % دەيىنگى مولشەرىندە قوسىمشا قابىلدانادى (جوبا جانە جۇمىس قۇجاتتاماسى). 19. مەملەكەتتىك ءنورماتيۆتىڭ بولىمدەرىندە وندىرىستىك جانە تۇرعىن ءۇي-ازاماتتىق ماقساتتاعى وبەكتىلەر مەن كەشەندەردىڭ جاڭا قۇرىلىسىن جەكە جوبالاۋعا جۇمسالاتىن ەڭبەك شىعىندارىنىڭ نورمالارى كەلتىرىلگەن. 20. وبەكتىلەردى رەكونسترۋكتسيالاۋعا جانە تەحنيكالىق جاعىنان قايتا جاراقتاندىرۋعا ارنالعان جوبالاۋ قۇجاتتاماسىن ازىرلەۋ قۇنى جوبالاناتىن وبەكتىنىڭ نەگىزگى كورسەتكىشىنىڭ ءمانى نەگىزگە الىنا وتىرىپ, جيناقتىڭ ەڭبەك شىعىندارىنىڭ نورمالارى بويىنشا انىقتالادى, وعان جوبانىڭ رەكونسترۋكتسيالاناتىن وبەكتىلەرىنىڭ بولىمدەرى مەن بولىكتەرىنە, بىراق ازاماتتىق ماقساتتاعى وبەكتىلەر بويىنشا 1,5 اسپايتىن, جانە وندىرىستىك ماقساتتاعى وبەكتىلەر بويىنشا 2,0 اسپايتىن 3-قوسىمشادا كەلتىرىلگەن كوەففيتسيەنتتەر ەسكەرىلە وتىرىپ, ونى رەكونسترۋكتسيالاۋ, تەحنيكالىق جاعىنان قايتا جاراقتاندىرۋ ناتيجەسىندە قول جەتكىزىلۋگە ءتيىس. ينجەنەرلىك جەلىلەردى سالۋدىڭ ورنىنا رەكونسترۋكتسيالاۋدى قولدانۋ دەپ كوممۋنيكاتسيالاردىڭ قۋاتى مەن ونىمدىلىگى وزگەرگەن (ياعني قۇبىرلاردىڭ ديامەترى, كابەلدەردىڭ قيماسى ۇلعايسا), قۇبىرلاردىڭ جاڭا ءتيىمدى ماتەريالدارى, وقشاۋلاعىش قولدانىلعان, سونداي-اق كوممۋنيكاتسيالاردىڭ ورنالاسقان جەرى, تراسسانىڭ بەلگىلەنۋى, تارتۋ تاسىلدەرى جانە ينجەنەرلىك جەلىلەردى باسقا كوزدەرگە جالعاۋ نەمەسە قوسۋ ارقىلى ولاردىڭ سحەماسى وزگەرگەن كەزدە ولاردى قايتا توسەۋ جاعدايلارىن ەسەپتەۋ قاجەت. 21. كاسىپورىندى كەڭەيتۋگە ارنالعان جوبالاۋ قۇجاتتاماسىن ازىرلەۋ قۇنى جاڭا قۇرىلىسقا ارنالعان قۇجاتتاما قۇنى سياقتى انىقتالادى. 22. كوپ رەت قولدانىلاتىن جوبالاردى (ۇلگىلىك جوبالاردى) ازىرلەۋ قۇنى جيناقتىڭ 1,5 دەيىنگى كوەففيتسيەنتتەر قولدانىلاتىن ەڭبەك شىعىندارىنىڭ نورمالارى بويىنشا انىقتالادى. 23. ۇلگىلىك جوبالاردى نەمەسە ولارعا ەلەلۋلى وزگەرىستەر ەنگىزبەستەن (جوبالاۋ قۇجاتتامانىڭ جالپى كولەمىنە قاتىستى 10%-دان كەم) قايتا قولدانىلاتىن جوبالاردى بەكىتۋ قۇنى جەكە جوبالاۋ-سمەتالىق قۇجاتتامانى ازىرلەۋ قۇنىنا 0,35 كوەففيتسيەنتى قولدانىلاتىن جيناقتىڭ ەڭبەك شىعىندارى نورمالارى بويىنشا (39-ءبولىم بويىنشا تۇرعىن ءۇي-ازاماتتىق ماڭىزى بار وبەكتىلەردى قوسپاعاندا) انىقتالادى. ۇلگىلىك جوبالاردى نەمەسە ولارعا ەلەلۋلى وزگەرىستەر ەنگىزە وتىرىپ (جوبالىق قۇجاتتامانىڭ جالپى كولەمىنە قاتىستى 10%-دان ارتىق) قايتا قولدانىلاتىن جوبالاردى بەكىتۋ قۇنى: - 10-20% – جەكە جوبالاۋ-سمەتالىق قۇجاتتامانى ازىرلەۋدىڭ قۇنىنا 0,45; - 20-30% – جەكە جوبالاۋ-سمەتالىق قۇجاتتامانى ازىرلەۋدىڭ قۇنىنا 0,55; - 30-40% – جەكە جوبالاۋ-سمەتالىق قۇجاتتامانى ازىرلەۋدىڭ قۇنىنا 0,65; - 40-50% – جەكە جوبالاۋ-سمەتالىق قۇجاتتامانى ازىرلەۋدىڭ قۇنىنا 0,70 كوەففيتسيەنتى قولدانىلاتىن جيناقتىڭ ەڭبەك شىعىندارى نورمالارى بويىنشا انىقتالادى. 24. تسەحتاردىڭ, عيماراتتاردىڭ جانە قۇرىلىستاردىڭ اينالى بەينەدەگى ۇلگىلىك جوبالارىن ۇلگىلىك جوبادا كوزدەلگەن ورنالاسۋىنا قاتىستى بەكىتۋ كەزىندە, بەكىتۋ قۇنىنا 1,2 كوەففيتسيەنتى قولدانىلادى. 25. قۇرىلىستى كەزەكتەر بويىنشا سالۋ كەزىندە كاسىپورىندار مەن قۇرىلىستاردىڭ جۇمىس جوبالارىن (جوبالاردى) ازىرلەۋ قۇنى جەكەلەپ الىنعاندا ءاربىر كەزەكتىڭ نەگىزگى كورسەتكىشتەرى نەگىزگە الىنىپ, جيناق ەڭبەك شىعىندارىنىڭ نورمالارى بويىنشا انىقتالادى. بۇل رەتتە, قۇرىلىستىڭ ءبىرىنشى كەزەگىن جوبالاۋ قۇنىنا جۇمىس جوباسىن (جۇمىس جوبا قۇجاتتاماسىنسىز) نەمەسە بارلىق كەيىنگى كەزەكتەر جوباسىن ازىرلەۋ قۇنىنىڭ 20% دەيىن قوسىلادى. 26. بىرنەشە ءۇي-جايلاردان, ولاردىڭ توپتارىنان, ءارتۇرلى قوعامدىق جانە تۇرعىن ءۇي ماقساتىنداعى عيماراتتار مەن قۇرىلىستاردان تۇراتىن كوپ فۋنكتسيونالدى عيماراتتار جانە قالا قۇرىلىسى كەشەندەرى جونىندەگى جوبالاۋ قۇجاتتاماسىن ازىرلەۋ قۇنى كەشەندى نەمەسە كوپ فۋنكتسيونالدى عيماراتتى قۇرايتىن ءاربىر عيمارات, قۇرىلىس بويىنشا جيناقتىڭ ءتيىستى بولىمدەرىنە سايكەس جەكە-جەكە انىقتالادى جانە كەيىن سومالار قوسىلادى. 4 جانە ودان دا كوپ فۋنكتسيالاردى بىرىكتىرەتىن كوپ فۋنكتسيونالدى عيماراتتاردى جوبالاۋ قۇنى 1,2 دەيىنگى كوەففيتسيەنتپەن انىقتالادى. 27. جوعارى ساۋلەتتىك ماڭىزى بار بىرەگەي وبەكتىلەر مەن كەشەندەردىڭ ساناتىنا جاتقىزىلعان وبەكتىلەردى سالۋعا ارنالعان جوبالاۋ-سمەتالىق قۇجاتتاما ازىرلەۋ قۇنى جيناق ەڭبەك شىعىندارىنىڭ نورمالارى بويىنشا انىقتالادى; بۇل رەتتە, ازىرلەنۋى كۇردەلى بولاتىن جۇمىس تۇرلەرىنىڭ قۇنىنا 1,2 كوەففيتسيەنتى قولدانىلادى. 28. قولدانىستاعى نورماتيۆتىك قۇجاتتاردا كوزدەلگەندەرگە قارسى قىسقارتىلعان قۇرامدا جانە كولەمدە (جوبالاۋعا ارنالعان تاپسىرما وزگەرگەن كەزدە جوبالاۋ-سمەتالىق قۇجاتتامانىڭ وزگەرۋى; جوبانىڭ قوسىمشا نۇسقالارىن نەمەسە جوبالاۋعا ارنالعان تاپسىرماعا سايكەس ازىرلەنەتىن جەكەلەگەن تەحنولوگيالىق, كونسترۋكتسيالىق, ساۋلەتتىك جانە باسقا دا شەشىمدەر ازىرلەۋ), سونداي-اق بۇرىن پايدالانىلعان ماتەريالداردى پايدالانۋ كەزىندە ورىنداۋعا جاتاتىن جوبالاۋ جۇمىستارىنىڭ قۇنى جوبالاۋ-سمەتالىق قۇجاتتامانىڭ سالىستىرمالى قۇنىنا سايكەس ونى ازىرلەۋگە جۇمسالعان ەڭبەك شىعىندارىنىڭ نورمالارى بويىنشا انىقتالادى. 29. ەڭبەك شىعىندارىنىڭ نورمالارىندا ەسكەرىلگەن جوبالاۋ قۇجاتتاماسى جەكەلەگەن بولىمدەرىنىڭ قۇنى جيناقتىڭ بولىمدەرىندە كەلتىرىلگەن سالىستىرمالى قۇن كەستەلەرى بويىنشا انىقتالادى جانە ونى جۇمىستاردى ءوز كۇشتەرىمەن ورىنداۋ كەزىندە دە, سونداي-اق قوسالقى مەردىگەرلىك جوبالاۋ ۇيىمدارىمەن كەلىسىم بويىنشا جۇمىستاردىڭ ءبىر بولىگىن ولارعا بەرۋ كەزىندە دە جوبالاۋدىڭ ءاربىر كەزەڭى بويىنشا جالپى قۇن شەگىندە جوبالاۋ ۇيىمى ناقتىلاۋى مۇمكىن. مەملەكەتتىك نورماتيۆتە سالىستىرمالى قۇن كەستەلەرىندە ءبولىنىپ كورسەتىلمەگەن جوبالاۋ جۇمىستارىنىڭ باسقا دا تۇرلەرىنىڭ سالىستىرمالى قۇنى وسىنداي تۇردە انىقتالۋى مۇمكىن. نورمالار جيناعىندا كەلتىرىلگەن جاڭا قۇرىلىسقا ارنالعان جوبالاۋ-سمەتالىق قۇجاتتامانى ازىرلەۋدىڭ سالىستىرمالى قۇنىنىڭ كەستەلەرى جۇمىس ىستەپ تۇرعان كاسىپورىنداردى, عيماراتتاردى جانە قۇرىلىستاردى رەكونسترۋكتسيالاۋعا جانە تەحنيكالىق قايتا جاراقتاندىرۋعا ارنالعان جوبالاۋ-سمەتالىق قۇجاتتامانى ازىرلەۋ قۇنىنا قولدانىلمايدى. جوبالاۋ جۇمىستارىنىڭ وسى تۇرلەرىن ازىرلەۋدىڭ سالىستىرمالى قۇنىن انىقتاۋدى (بەلگىلى ءبىر جالپى قۇننىڭ شەگىندە), ول ءبىر جوبالاۋ ۇيىمىنىڭ كۇشىمەن ورىندالعان كەزدە ورىندالاتىن جۇمىستاردىڭ ەڭبەك سىيىمدىلىعىىنە قاراي وسى ۇيىم جۇرگىزەدى. قوسالقى مەردىگەرلىك جوبالاۋ ۇيىمدارىن تارتۋ ارقىلى ورىندالاتىن جۇمىستار بويىنشا جوبالاۋ جۇمىستارىنىڭ سالىستىرمالى قۇنى وسى ۇيىمدارمەن كەلىسىم بويىنشا بەلگىلەنەدى. 30. جوبالاناتىن وبەكت ءبولىم قۇنىنىڭ كەستەسىندە كەلتىرىلگەن نەگىزگى كورسەتكىشتىڭ ەڭ از كورسەتكىشىنەن تومەن نەمەسە ەڭ كوپ كورسەتكىشىنەن جوعارى ءماندى يەلەنگەن جاعدايدا, جۇمىس قۇجاتتاماسىن ازىرلەۋدىڭ قۇنى 17-تارماقتا كەلتىرىلگەن فورمۋلالارعا (6, 7) سايكەس ەكستراپولياتسيالاۋ جولىمەن ايقىندالادى. 31. جيناقتاعى نورمالار ولار ءۇشىن كەلتىرىلمەگەن جانە ۇقساستىعى بويىنشا قابىلدانبايتىن وبەكتىلەردىڭ قۇرىلىسىنا ارنالعان جوبالاۋ قۇجاتتاماسىنىڭ ەڭبەك شىعىندارىنىڭ نورمالارى ەڭبەك شىعىندارى بويىنشا جەكە ەسەپپەن انىقتالادى (مەملەكەتتىك نورماتيۆكە 4-قوسىمشاعا سايكەس №3پ نىسانى بويىنشا). 32. مەملەكەتتىك نورماتيۆتە كوزدەلمەگەن قوسىمشا جوبالاۋ جۇمىستارىن جۇرگىزۋگە جۇمسالاتىن ەڭبەك شىعىندارىنىڭ نورمالارى جەكەلەگەن جوبالاۋ پروتسەستەرى مەن وپەراتسيالارىنا, جوبالاۋ جۇمىستارىنىڭ جەكە ولشەگىشىنە جۇمسالاتىن ەڭبەك شىعىندارىنىڭ ەلەمەنتتىك نورمالارى بويىنشا, نەمەسە ولار بولماعان جاعدايدا – جوبالاۋشىلاردىڭ ءىس جۇزىندەگى ەڭبەك شىعىندارىنىڭ نەگىزىندە (مەملەكەتتىك نورماتيۆكە 4-قوسىمشاعا سايكەس №3پ نىسانى بويىنشا) انىقتالادى. 4. جوبالاۋدىڭ ەڭبەك سىيىمدىلىعىنا اسەر ەتەتىن قوسىمشا فاكتورلار ەسكەرىلەتىن جوبالاۋ جۇمىستارىنىڭ قۇنىن ايقىنداۋ جونىندەگى مەملەكەتتىك نورماتيۆ 33. جاڭا قۇرىلىس وبەكتىلەرىن قورشاعان ورتاعا ەنگىزۋدىڭ ەرەكشە جاعدايلارىندا (تاريحي ورتاداعى, قورعالاتىن لاندشافت ايماعىنداعى, كۇردەلى تىعىز ورنالاسقان ۋچاسكەدەگى جانە ت.ب.) ونى جوبالاۋ كەزىندە ساۋلەت-قۇرىلىس بولىگى, ونىڭ ىشىندە باس جوسپار مەن اباتتاندىرۋ بويىنشا, سونداي-اق ينجەنەرلىك قۇرىلىستارعا, كوممۋنيكاتسيالارعا جوبالاۋ جۇمىستارىنىڭ قۇنى مەملەكەتتىك نورماتيۆتەردىڭ 4-قوسىمشاسىندا كەلتىرىلگەن, بىراق 1,3 اسپايتىن كوەففيتسيەنتتەر ەسكەرىلە وتىرىپ, بەلگىلەنەدى. 34. كۇردەلى جاعدايلاردا كاسىپورىنداردى, عيماراتتاردى جانە قۇرىلىستاردى سالۋعا ارنالعان جوبالاۋ قۇجاتتاماسىن ازىرلەۋ قۇنى مەملەكەتتىك نورماتيۆتكە 1 جانە 3-قوسىمشالارعا سايكەس تۇزەتۋ كوەففيتسيەنتتەرى بەلگىلەنگەن ءتيىستى نورماتيۆتىك قۇجاتتاردى ازىرلەۋگە, جوبالاۋ جۇمىستارىنىڭ قۇنىن قولدانىپ, جيناقتىڭ ەڭبەك شىعىندارىنىڭ نورمالارى بويىنشا انىقتالادى. ەكى جانە ودان دا كوپ كۇردەلى فاكتورلار بولعان كەزدە كوەففيتسيەنتتەر ءاربىر فاكتور ءۇشىن قولدانىلادى. 35. قاۋىپتى فيزيكالىق-گەولوگيالىق پروتسەستەر مەن قۇبىلىستاردان (قار كوشكىنى, سەل, قوپارىلىستار جانە ت.ب.) ارنايى قورعانىس قۇرىلىستارىن جوبالاۋدىڭ قۇنى ەڭبەك شىعىندارى بويىنشا قۇندى ەسەپتەۋ جولىمەن ناقتى جاعدايلار نەگىزگە الىنا وتىرىپ انىقتالادى جانە قوسىمشا اقى تولەنەدى. 36. يمپورتتىق ينجەنەرلىك جانە تەحنولوگيالىق جابدىقتاردى نەمەسە نەعۇرلىم جەتىلدىرىلگەن جاڭا ۇلگىدەگى جابدىقتاردى قولدانۋ كوزدەلەتىن وبەكتىلەر بويىنشا جوبالاۋ جۇمىستارىنىڭ قۇنى ولاردىڭ قۇنىنا وسى جابدىقتاردى قولدانۋ اسەر ەتەتىن بولىمدەر بويىنشا 1,2 كوەففيتسيەنتتەرىمەن, ونەركاسىپتىك ءوندىرىس وبەكتىلەرى بويىنشا 1,5 كوەففيتسيەنتتەرىنە دەيىن قابىلدانادى. 37. وبەكتىلەردى شەتەلدىك فيرمالار جوبالاعان كەزدە جۇمىس قۇجاتتاماسىن ازىرلەۋ وتاندىق جوبالاۋ ۇيىمى تەحنيكالىق سۇيەمەلدەۋ نىسانىندا قاتىسقان كەزدە جۇزەگە اسىرىلۋى مۇمكىن. قاتىسۋ نەمەسە تەحنيكالىق سۇيەمەلدەۋ دارەجەسى (جۇمىستار مەن قىزمەتتەر كولەمى) شەتەلدىك فيرمامەن جاسالعان شارتتا ايقىندالادى. شەتەلدىك فيرما ازىرلەيتىن جۇمىس قۇجاتتاماسىن تەحنيكالىق سۇيەمەلدەۋگە بايلانىستى جۇمىستاردىڭ (قىزمەتتەردىڭ) قۇنى قاتىسۋ (جۇمىستار كولەمى) دارەجەسىنە قاراي جۇمىس قۇجاتتاماسىن ازىرلەۋ قۇنىنىڭ 25% دەيىنگى مولشەردە قابىلدانادى. 38. جوبالاۋ ۇيىمدارىنىڭ باس جوبالاۋشىلاردىڭ فۋنكتسيالارىن جۇزەگە اسىرۋىنا بايلانىستى شىعىندارى, قوسالقى مەردىگەرلىككە مامانداندىرىلعان جوبالاۋ ۇيىمدارىن تارتۋ قاجەت بولعان جاعدايدا, قوسالقى مەردىگەرلىك جوبالاۋ ۇيىمدارىنا بەرىلەتىن جوبالاۋ-سمەتالىق قۇجاتتامانى ازىرلەۋ قۇنىنىڭ 5 % دەيىنگى مولشەرىندە انىقتالادى جانە ولارعا قوسىمشا اقى تولەنەدى. 39. جيناقتىڭ ەڭبەك شىعىندارىنىڭ نورمالارى بويىنشا جوبالاۋ جۇمىستارىنىڭ قۇنىن انىقتاۋ كەزىندە جوبالاۋدىڭ ءارتۇرلى فاكتورلارى بولعان جانە وسىعان بايلانىستى بىرنەشە كوەففيتسيەنتتەر قولدانىلعان جاعدايدا, جالپى كوەففيتسيەنت ولاردى كوبەيتۋ جولىمەن انىقتالادى. قازاقستان رەسپۋبليكاسىندا قۇرىلىسقا ارنالعان جوبالاۋ جۇمىستارىنىڭ قۇنىن ايقىنداۋ جونىندەگى مەملەكەتتىك نورماتيۆكە 1-قوسىمشا نىسان جوبالاۋدى كۇردەلەندىرەتىن فاكتورلار بولعان كەزدەگى تۇزەتۋ كوەففيتسيەنتتەرى جوبالاۋدى كۇردەلەندىرەتىن فاكتورلار كوەففيتسيەنت «جوبا» ساتىسىندا «جۇمىس جوباسى» جانە «جۇمىس قۇجاتتاماسى» ساتىلارىندا شوگەتىن جانە ىسىنەتىن توپىراقتار; كارستىق جانە قار كوشكىنى قۇبىلىستارى; قۇرىلىس الاڭىنىڭ تاۋ-كەن قازبالارىنىڭ ۇستىندە, سۋ باساتىن ايماقتاردا ورنالاسۋى 1,05 1,2 سەيسميكالىعى 7 بالل 1,05 1,2 سەيسميكالىعى 8 بالل 1,1 1,3 سەيسميكالىعى 9 بالل 1,1 1,4 قازاقستان رەسپۋبليكاسىندا قۇرىلىسقا ارنالعان جوبالاۋ جۇمىستارىنىڭ قۇنىن ايقىنداۋ جونىندەگى مەملەكەتتىك نورماتيۆكە 2-قوسىمشا نىسان رەكونسترۋكتسيالاۋ تۇرلەرى بويىنشا كر كوەففيتسيەنتىنىڭ ءمانى № رەكونسترۋكتسيالاۋ (تەحنيكالىق قىزمەت كورسەتۋ) بويىنشا جۇمىستاردىڭ تۇرلەرى رەكونسترۋكتسيالاۋ كوەففي­تسيەنت­تەرىنىڭ ءمانى كر ازاماتتىق ماقساتتاعى وبەكتىلەر 1 وبەكتىلەردى رەكونسترۋكتسيالاۋ 1.1 جابىنداردى, ينجەنەرلىك ماقساتتاعى جۇيەلەردى اۋىستىرىپ, قاسبەتتەردى وزگەرتپەي وبەكتىنىڭ ماقساتىن ساقتاۋ 1,05-1,10 1.2 بۇل دا, قاسبەتتەردى وزگەرتىپ, تەرەزە كونسترۋكتسيالارىن جانە ىرگەتاستاردى قايتا ورناتۋ 1,10-1,20 1.3 بۇل دا, كولەمىن وزگەرتۋمەن, تىرەۋىش كونسترۋكتسيالاردى جانە ىرگەتاستاردى كۇشەيتۋمەن 1,20-1,30 1.4 بۇل دا, ىشكى قاڭقانى ورناتۋمەن, ىشكى قورشاۋلاردى ءىشىنارا اۋىستىرۋمەن جانە قوسىمشا ىرگەتاستار ورناتۋمەن 1,30-1,40 1.5 بۇل دا, عيماراتتىڭ استىنا كوللەكتورلار, وتپە جولدار, توننەلدەر سالۋمەن 1,40-1,50 2 ازاماتتىق ماقساتتاعى وبەكتىلەر كەشەنىن رەكونسترۋكتسيالاۋ 2.1 قوسىمشا قۇرىلىستار سالماستان, جەكە تۇرعان عيماراتتاردى بىرىڭعاي تەحنولوگيالىق پروتسەسپەن بىرىكتىرۋ كەزىندە 1,05-1,10 2.2 بۇل دا, وتپە گالەرەيالارى, كولىك بايلانىستارى جانە ت.ب. تۇرىندەگى قوسىمشا قۇرىلىستار سالۋمەن 1,10-1,15 2.3 بۇل دا, تومەنگى قاباتتار بويىنشا بىرىكتىرەتىن كەڭىستىك سالۋ ارقىلى 1,15-1,20 2.4 ءبىر عيماراتتا ءارتۇرلى ماقساتتاعى ەكى نەمەسە ودان دا كوپ وبەكتىلەر سالۋ كەزىندە 1,10-1,15 3 قۇرىلىس سالىنعان اۋماقتاردى رەكونسترۋكتسيالاۋ 3.1 بوساتىلاتىن ۋچاسكەلەردەگى بار قوردى جانە جاڭا قۇرىلىستى تولقىندى تۇردە كوشىرۋ ادىسىمەن رەكونسترۋكتسيالاۋدى ۇيلەستىرۋ ارقىلى قۇرىلىس سالۋ تىعىزدىعىن ۇلعايتۋ - 2 كەزەڭدىك كوشىرۋ كەزىندە 1,15 - 3 جانە ودان دا كوپ كوشىرۋ كەزەڭدەرىندە ءاربىر كەزەڭگە 0,05 قوسۋ 3.2 بۇرىن وندىرىستىك, كوممۋنالدىق, قويما ماقساتىندا پايدالانىلعان اۋماقتاردا جاڭا قۇرىلىس سالۋ 1,10-1,15 وندىرىستىك ماقساتتاعى وبەكتىلەر 4 وندىرىستىك ماقساتتاعى وبەكتىلەردى رەكونسترۋكتسيالاۋ1) (جەكە تۇرعان وبەكتىلەر) 4.1 قاسبەتتەردى وزگەرتپەستەن, تەحنولوگيالىق پروتسەسى بار كولەمنىڭ شەگىندە جەتىلدىرۋمەن بايلانىستى ءۇي-جايلاردى ءىشىنارا قايتا جوسپارلاي وتىرىپ رەكونسترۋكتسيالاۋ 1,05-1,10 4.2 جابىنداردى اۋىستىرماستان تەرەزە قۋىستارىنىڭ ورنالاسۋ ورىندارىن ءىشىنارا وزگەرتە وتىرىپ, ءۇي-جايلار بار كولەمنىڭ شەگىندە ءىشىنارا رەكونسترۋكتسيالاۋ 1,10-1,20 4.3 بۇل دا, جابىنداردى وزگەرتۋمەن جانە تىرەۋىش كونسترۋكتسيالاردى جانە ىرگەتاستاردى كۇشەيتۋمەن 1,20-1,30 4.4 بۇل دا, عيماراتتىڭ كولەمىن وزگەرتۋمەن, ىشكى قاڭقانى ورناتۋمەن 1,30-1,40 4.5 بۇل دا, پايدالانىلىپ وتىرعان جەراستى قۇرىلعىسىن جاساۋمەن 1,40-1,50 5 وندىرىستىك ماقساتتاعى وبەكتىلەردىڭ كەشەنىن رەكونسترۋكتسيالاۋ 5.1 قاسبەتتەردى جانە ينجەنەرلىك قامتاماسىز ەتۋ جۇيەلەرىنىڭ ورنالاسۋ ورىندارىن وزگەرتپەستەن, تەحنولوگيالىق پروتسەسى بار كولەمنىڭ شەگىندە جەتىلدىرۋگە بايلانىستى ءۇي-جايلاردى ءىشىنارا قايتا جوسپارلاي وتىرىپ رەكونسترۋكتسيالاۋ 1,10-1,20 5.2 جابىنداردى اۋىستىرىپ, تىرەۋىش كونسترۋكتسيالاردى جانە ىرگەتاستاردى كۇشەيتە وتىرىپ رەكونسترۋكتسيالاۋ 1,20-1,30 5.3 بۇل دا, عيماراتتىڭ كولەمىن وزگەرتۋمەن, قاڭقانى ورناتۋمەن 1,30-1,40 5.4 بۇل دا, پايدالانىلىپ وتىرعان جەراستى كەڭىستىگىن جاساۋمەن 1,40-1,50 5.5 بىرىكتىرگىش قۇرىلىستاردى سالماستان جانە ءوندىرىستىڭ بەيىنىن ساقتاي وتىرىپ, جەكە تۇرعان وبەكتىلەردى بىرىڭعاي تەحنولوگيالىق پروتسەسكە ەنگىزۋ كەزىندە 1,05-1,10 5.6 بۇل دا, ينجەنەرلىك, كولىكتىك كوممۋنيكاتسيالار مەن وتپە گالەرەيالارى تۇرىندەگى بىرىكتىرگىش قۇرىلىستاردى سالۋ ارقىلى 1,15-1,20 5.7 بۇل دا, جەكە تۇرعان عيماراتتاردى تومەنگى قاباتتاردىڭ شەگىندە بىرىڭعاي كەڭىستىكپەن بىرىكتىرۋ ارقىلى 1,20-1,25 5.8 جابدىقتاردى جۇمىس ىستەپ تۇرعان قۋاتتاردىڭ شەگىندە اۋىستىرۋ ارقىلى ءوندىرىستى رەكونسترۋكتسيالاۋ 1,15-1,30 5.9 بۇل دا, كاسىپورىننىڭ وندىرىستىك قۋاتتارىن ۇلعايتۋ ارقىلى 1,30-1,50 6 ينجەنەرلىك قۇرىلىستار مەن كوممۋنيكاتسيالاردى رەكونسترۋكتسيالاۋ 6.1 ءجۇرىس بولىگىن كەڭەيتۋمەن جانە وتكىزۋ قابىلەتىن ۇلعايتۋمەن قالا جولدارىن, كوشەلەرىن, ماگيسترالدارىن رەكونسترۋكتسيالاۋ 1,20-1,30 6.2 جۇمىس ىستەپ تۇرعان كوممۋنيكاتسيالار مەن جىلۋ جەلىلەرىنىڭ ارنالارى جاعدايىندا جابىنداردى, قابىرعالاردى, اراقابىرعالاردى اۋىستىرىپ, كوللەكتورلاردى رەكونسترۋكتسيالاۋ 1,20-1,40 6.3 ينجەنەرلىك جەلىلەردىڭ قۋاتىن, ونىمدىلىگىن, قۇبىرلاردىڭ ديامەترىن جانە ت.ب. وزگەرتۋمەن رەكونسترۋكتسيالاۋ 1,1-1,3 7 ازاماتتىق قورعانىس وبەكتىلەرى 7.1 ازاماتتىق قورعانىس باسپاناسىن بەيبىت ۋاقىتتا جاڭا ماقساتتا پايدالانۋ ءۇشىن رەكونسترۋكتسيالاۋ, جاڭعىرتۋ, جەتىلدىرۋ نەمەسە بەيىمدەۋ 1,1-1,2 7.2 رادياتسياعا قارسى پانانى نەمەسە ب تيپىندەگى قۇرىلىستى بەيبىت ۋاقىتتا جاڭا ماقساتتا پايدالانۋ ءۇشىن رەكونسترۋكتسيالاۋ, جاڭعىرتۋ, جەتىلدىرۋ نەمەسە بەيىمدەۋ 1,1-1,2 7.3 زاپاستاعى قالالىق باسقارۋ پۋنكتتەرىن (بۇدان ءارى - زقبپ) رەكونسترۋكتسيالاۋ, جاڭعىرتۋ, جەتىلدىرۋ نەمەسە ونى زقبپ ءۇشىن پاناعا بەيىمدەۋ 1,3-1,5 7.4 كورسەتىلگەن قۇرىلىسقا قوندىرمانى جوبالاۋ كەزىندە باسپانالاردى جانە ازاماتتىق قورعانىستىڭ باسقا قۇرىلىستارىن رەكونسترۋكتسيالاۋ 1,4-1,6 ەسكەرتپە: 1. جۇمىس ىستەپ تۇرعان كاسىپورىن جاعدايىندا جوبالاۋ جۇمىستارىن ورىنداۋ كەزىندە كر كوەففيتسەنتتەرىنە 1.1. تۇزەتۋ يندەكسىن قولدانۋ قاجەت. 2. ءارتۇرلى ماقساتتاعى وبەكتىلەردى قايتا بەيىمدەۋ ارقىلى رەكونسترۋكتسيالاۋ كەزىندە 1,15 كوەففيتسيەنتى ەنگىزىلەدى. قازاقستان رەسپۋبليكاسىندا قۇرىلىسقا ارنالعان جوبالاۋ جۇمىستارىنىڭ قۇنىن ايقىنداۋ جونىندەگى مەملەكەتتىك نورماتيۆكە 3-قوسىمشا نىسان قورشاعان ورتاعا كىرىكتىرۋدىڭ ەرەكشە شارتتارىنا ارنالعان تۇزەتۋ كوەففيتسيەنتتەرىنىڭ ماندەرى № وبەكتىنى (قۇرىلىستى قوسا العاندا) قورشاعان ورتاعا كىرىكتىرۋ شارتتارى كوەففي­تسيەنت­تەردىڭ ءمانى كەستە پۋنكتتەرى بويىنشا ەسكەرتپەلەر 1 تاريحي ورتاداعى (تاريح جانە مادەنيەت ەسكەرتكىشتەرىنىڭ اۋماعىنداعى نەمەسە ولارعا تىكەلەي جاقىن جەردەگى) وبەكت 1,3 - 2 قورعالاتىن لاندشافت ايماعىنداعى (باق-ساياباق انسامبل­دەرى, ساياباقتار, قورىق ايماقتارى, سكۆەرلەر جانە ت.ب.) وبەكت 1,2 ەسكەرتپەنى قارا 3 كۇردەلى ۋچاسكەلەردەگى وبەكت - 3.1 اۋماقتىڭ تىعىزدىعى (نورماتيۆتەگىدەن از), قولايسىزدىق تۋدىراتىن نەمەسە ولاردى جويۋ بويىنشا قوسىمشا ءىس-شارالار جۇرگىزۋدى تالاپ ەتەتىن قاتار ورنالاسقان بار وبەكتىلەردىڭ بولۋى 1,1 - 3.2 جوبالانىپ وتىرعان وبەكتىگە تىكەلەي جاقىن جەردە شۋدى, تەربەلىستى جانە ت.ب. ازايتۋ بويىنشا قوسىمشا ءىس-شارالاردى تالاپ ەتەتىن قالا كولىگىنىڭ (جەرۇستى جانە جەراستى) كەرنەۋ رەجيمىنىڭ بولۋى 1,05 - 3.3 تابيعاتتى قورعاۋ ماقساتتارىندا جەر ماسساسىنىڭ اۋقىمدى كولەمىن (جەردى رەكۋلتيۆاتسيالاۋ, ارحەولوگيالىق قازبالار كەزىندە) اۋىستىرۋ قاجەتتىلىگى 1,2 جۇمىستاردىڭ كولەمىنە قاراي تاپسىرىس بەرۋشىمەن كەلىسىم بويىنشا 3.4 ينجەنەرلىك جەلىلەردى, جولداردى (3-تەن استام) قايتا توسەۋ قاجەتتىلىگى 1,12 قايتا سالىناتىن كوممۋنيكاتسيالاردى جوبالاۋ قۇنىنا ەسكەرتپە 1 ارتتىرۋ كوەففيتسيەنتىن عيماراتتاردىڭ, قۇرىلىستىڭ ساۋلەت-قۇرىلىس بولىگىن جوبالاۋ قۇنىنا قولدانۋ. 2 بىرنەشە فاكتورلار ءۇشىن ورتاق ارتتىرۋ كوەففيتسيەنتى بولشەك بولىكتەر مەن بىرلىكتەر سوماسى سياقتى ەسەپتەلەدى, بىراق 1,3 شاماسىنان اسپاۋعا ءتيىس. قازاقستان رەسپۋبليكاسىندا قۇرىلىسقا ارنالعان جوبالاۋ جۇمىستارىنىڭ قۇنىن ايقىنداۋ جونىندەگى مەملەكەتتىك نورماتيۆكە 4-قوسىمشا نىسان №3پ نىسان ___________________________________قوسىمشا (شارتقا, قوسىمشا كەلىسىمگە) جوبالاۋ جۇمىستارىنا ارنالعان ەڭبەك شىعىندارىنىڭ № ۆەدوموسى _____________________________________________________________________ وبەكتىنىڭ (كاسىپورىننىڭ, عيماراتتىڭ, قۇرىلىستىڭ), جوبالاۋ كەزەڭىنىڭ, ساتىسىنىڭ, جوبالاۋ جۇمىستارى ءتۇرىنىڭ اتاۋى جوبالاۋ ۇيىمىنىڭ اتاۋى: تاپسىرىس بەرۋشى ۇيىمىنىڭ اتاۋى: ر/س № ورىندالاتىن جۇمىستاردىڭ تىزبەسى ورىنداۋشىلار ەڭبەك شىعىندارى, ادام-ساعات سانى لاۋازىمى, ماماندىعى, بىلىكتىلىگى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 20 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12887 بولىپ ەنگىزىلدى.