جاڭارعان جول ۋاقىتتى ۇنەمدەيدى

پرەمەر-ءمينيستردىڭ ءبىرىنشى ورىنباسارى اسقار مامين جاڭارتىلعان استانا – تەمىرتاۋ تاس جولىنىڭ بويىندا كوشپەلى كەڭەس وتكىزدى. بۇل جوبا مەملەكەتتىك «نۇرلى جول» باعدارلاماسىنىڭ اياسىندا جۇزەگە اسىرىلۋدا. «ورتالىق – وڭتۇستىك» اۆتوموبيل داڭعىلىنىڭ ءبىر بولىگى سانالاتىن استانا – تەمىرتاۋ تاس جولىنىڭ جالپى ۇزاقتىعى – 171 شاقىرىم. وسى جولدى كەڭەيتۋ جۇمىستارى قازىرگى ۋاقىتتا اياقتالۋعا جاقىن. تەمىرتاۋدان استاناعا دەيىنگى ءتورت جولاقتى جول جىل سوڭىنا دەيىن تولىعىمەن ىسكە قوسىلماق. سول كەزدە ەكى ارالىقتا اۆتوكولىكتەر قوس قاتارمەن ەركىن جۇيتكيتىن بولادى. تەحنيكالىق تۇرعىدان جاڭا جولدىڭ ساپاسى مەن ەنى ساعاتىنا 140 شاقىرىم جىلدامدىقپەن قوزعالۋعا مۇمكىندىك بەرەدى. ياعني, استانادان تەمىرتاۋعا نەبارى ءبىر جارىم ساعاتتا ەركىن جەتۋگە بولادى. جولدى جاڭارتۋ ناتيجەسىندە, سونىمەن قاتار, بۇل ارالىقتان تاۋلىگىنە 28 مىڭ اۆتوموبيلگە دەيىن وتە الادى. اۆتوجول بويىندا جۇرگىزۋشىلەرگە قىسى-جازى جاعداي جاساۋ ءۇشىن ارشالى مەن وشاعاندى اۋىلدارىنىڭ تۇسىنان سەرۆيستىك قىزمەت ورتالىقتارى سالىنباق. جولدى جاڭارتۋ مەن جەتىلدىرۋ جۇمىستارىنا 2 مىڭنان استام ادام, 1200 تەحنيكا جۇمىلدىرىلدى. پايدا­لا­نىلعان ماتەريالداردىڭ 85 پايىزى – قازاقستاندا جاسالعان ونىمدەر. پرەمەر-ءمينيستردىڭ ءبىرىنشى ورىن­باسارى اسقار مامين كەڭەستى قورى­تىن­دىلاي كەلە, جۇمىس ساپاسىن ارتتىرۋ, اۆتوجولدى ۋاقىتىندا پايدالانۋعا بەرۋ, قاۋىپسىزدىك ماسەلەلەرى بويىنشا بىرقاتار تاپسىرما بەردى. قايرات ءابىلدينوۆ, «ەگەمەن قازاقستان»   قاراعاندى